Har bir tabletkada quyidagilar mavjud:

faol moddalari: diosmin 450 mg, hesperidin 50 mg.

yordamchi moddalari: povidon K30, kroskarmelloza natriy, magniy stearat, mikrokristallik sellyuloza.

- pastki oyoqlarning surunkali venoz yetishmovchiligining simptomatik terapiyasi (og‘irlik, og‘riq, oyoqlarda tungi tutqanoqlar);

- gemorroy (o‘tkir yoki surunkali)ning simptomatik terapiyasi.

Faol moddalarga yoki yordamchi moddalardan birontasiga yuqori sezuvchanlik.

Kattalar

Tavsiya etiladigan doza - kuniga 2 marta 1 tabletka (ertalab va kechqurun) yoki kuniga 1 marta 2 tabletka (ertalab yoki kechqurun).

O‘tkir gemorroyda preparat dozasini vaqtincha kuniga 2-3 tabletka 2 marta oshirish mumkin.

Bolalar va o‘smirlar

Bolalar va o‘smirlarda preparatni qo‘llash xavfsizligi va samaradorligi aniqlanmagan. Mos tadqiqotlar o‘tkazilmagan.

Buyrak va jigar funksiyasi buzilgan bemorlar

Buyrak va jigar funksiyasi buzilgan bemorlarda preparatni dozalash bo‘yicha maxsus tavsiyalar yo‘q.

Keksalar

Keksalarda preparatni dozalash bo‘yicha maxsus tavsiyalar yo‘q.

Qo‘llash usuli

Tabletkalar ovqat vaqtida butun holda, yetarli miqdorda suyuqlik bilan ichga qabul qilinadi.

Terapiyani bir necha oy davomida qisqa muddatli kurslar bilan o‘tkazish tavsiya etiladi.

Venoxelp preparati tarkibiga kiruvchi faol moddalar venoz tomirlar va mikrosirkulyatsiyaga ta'sir ko'rsatadi. Natijada, bir tomondan, venoz tomirlarning sig'imi va ularning elastikligi kamayadi, boshqa tomondan, kapillyarlarning patologik oshgan o'tkazuvchanligi kamayadi va kapillyar qarshilik oshadi.

Venoxelpni simptomatik davolashda o'tkir gemorroyni davolash uchun qo'llanilishi to'g'ri ichakning boshqa kasalliklarini davolashni istisno qilmaydi. Agar bemorda gemorroy simptomlari preparat bilan qisqa muddatli davolash kursidan so'ng saqlanib qolsa, tegishli proktologik tekshiruv o'tkazish va mos terapiya masalasini ko'rib chiqish tavsiya etiladi.

Bemorda kuchli noqulaylik, shu jumladan shish, teri rangining o'zgarishi, mahalliy to'qimalarning tarangligi, issiqlik hissi, pastki oyoqlarda og'riq, ayniqsa bir oyog'da bo'lsa, darhol shifokorga murojaat qilish kerak. Yuqorida ko'rsatilgan simptomlar surunkali venoz yetishmovchilik bilan bog'liq pastki oyoqlarning venalar trombozi natijasida yuzaga kelishi mumkin.

Yordamchi moddalari

Venoxelp har bir tabletkada 1 mmol natriydan (23 mg) kam miqdorda natriy saqlaydi, ya'ni "deyarli natriy saqlamaydi".

Fertillik, homiladorlik va laktatsiya davrida qo'llanilishi

Homiladorlik

Homilador ayollarda Venoxelpni qo'llash bo'yicha ma'lumotlar yo'q yoki cheklangan. Hozirda tegishli qo'shimcha epidemiologik ma'lumotlar mavjud emas.

Hayvonlarda o'tkazilgan tadqiqotlarda preparat reproduktiv funksiyaga salbiy ta'sir ko'rsatmagan.

Oldini olish chorasi sifatida Venoxelpni homiladorlik davrida qo'llash tavsiya etilmaydi.

Laktatsiya

Faol moddalari/yoki ularning metabolitlari ko'krak suti bilan ajralib chiqishi noma'lum, shuning uchun yangi tug'ilgan chaqaloq/bolada xavfni istisno qilib bo'lmaydi. Ko'krak suti bilan oziqlantirishni to'xtatish yoki Venoxelp terapiyasini to'xtatish/davom ettirish masalasida qaror qabul qilinayotganda, bolaga ko'krak suti bilan oziqlantirishning afzalliklari va onaga dori vositasini qo'llashdan kutiladigan foyda hisobga olinishi kerak.

Fertillik

Sichqonlarda reproduktiv toksiklik bo'yicha o'tkazilgan tadqiqotlarda preparat erkak va urg'ochi sichqonlarning fertilitetiga ta'sir ko'rsatmagan.

Avtotransport boshqarish va mexanizmlarni boshqarish qobiliyatiga ta'siri

Venoxelp preparatining avtotransport boshqarish va mexanizmlarni boshqarish qobiliyatiga ta'siri bo'yicha tadqiqotlar o'tkazilmagan. Shunga qaramay, preparatning umumiy xavfsizlik profili hisobga olinganda, u avtotransport boshqarish va mexanizmlarni boshqarish qobiliyatiga ahamiyatsiz ta'sir ko'rsatadi.