1 g gel tarkibida: faol modda: progesteron - 80 mg; yordamchi modda: glitserol, yengil suyuq parafin, karbomer 974 R, palma yog‘i (gidrogenizatsiyalangan glitserid), sorbin kislotasi, polikarbohil, natriy gidroksidi, tozalangan suv.

Progesteron sariq tanachaning gormoni hisoblanadi. Bachadon shilliq qavatini follikulostimullovchi gormon (FSH) tomonidan chaqirilgan proliferatsiya fazasidan sekretsion fazaga o'tishini chaqiradi. Bachadon va bachadon naychalari muskulaturasining qo'zg'aluvchanligi va qisqaruvchanligini kamaytiradi. Progesteron gipotalamik FSH va lyuteinlashtiruvchi gormonni chiqaruvchi omillar sekretsiyasini ingibitsiya qiladi, gipofizda gonadotrop gormonlar hosil bo'lishini bostiradi va ovulyatsiyani to'xtatadi.

Vasklor preparati tarkibiga sorbin kislotasi kiradi, u mahalliy teri reaksiyasini (kontakt dermatit) keltirib chiqarishi mumkin. Uzoq muddatli davolash jarayonida endometriy giperozini rivojlanish ehtimolini istisno qilish uchun muntazam ginekologik ko‘riklar o‘tkazish zarur. Vasklor qo‘llanilganda "xavfli" homilani yo‘qotish ehtimolini oldini olish uchun xorial gonadotropin darajasini aniqlash yoki ultratovush tekshiruvini o‘tkazish kerak. Jigar funksiyasi buzilgan hollarda ehtiyotkorlik bilan qo‘llash kerak. To‘satdan qon ketishi yuzaga kelganda, shuningdek, noaniq vaginal qon ketishlarida, nofunktsional sababni istisno qilish kerak. Noaniq etiologiyali vaginal qon ketishida tegishli tekshiruv o‘tkazish lozim. Progestagenlar organizmda suyuqlikni ushlab turish xususiyatiga ega bo‘lgani uchun, epilepsiya, migren, astma, yurak-qon tomir yetishmovchiligi, buyrak funksiyasi buzilishi kabi kasalliklari bo‘lgan bemorlar diqqat bilan kuzatuvda bo‘lishi kerak. Depressiya anamneziga ega bo‘lgan bemorlarni diqqat bilan kuzatish va agar depressiya kuchaysa, davolashni to‘xtatish lozim. Estrogen-progestagen terapiyasini olgan bemorlarning kichik qismida glyukoza tolerantligi pasayishi mumkin. Bu buzilishning mexanizmi noma’lum. Shu sababli, qandli diabet bilan og‘rigan bemorlar progesteron bilan davolash jarayonida diqqat bilan kuzatuvda bo‘lishi kerak. Preparatning avtomobil haydash va boshqa mexanizmlarni boshqarish qobiliyatiga ta’siri Vasklor qo‘llanilganda charchoq hissi paydo bo‘lishi mumkinligi sababli, avtomobil va boshqa mexanizmlarni boshqarishda ehtiyotkorlik zarur. Spirtli ichimliklarni qabul qilish bu ta’sirni kuchaytirishi mumkin. Preparatni bolalar ololmaydigan joyda saqlash va yaroqlilik muddati tugaganidan keyin ishlatmaslik kerak. Vasklorni homiladorlik davrida qo‘llash mumkin emas, faqat yordamchi reproduktiv texnologiyalar o‘tkazilayotgan erta homiladorlik davrida qo‘llash bundan mustasno. Vasklorni emizish davrida qo‘llash mumkin emas.