1 yumshoq jelatinli vaginal kapsula tarkibida:

faol moddalari: klindamitsin fosfat BF klindamitsinga ekvivalent 100,00 mg, klotrimazol BF 100,00 mg;

yordamchi moddalari: polietilenglikol 400, polietilenglikol 4000, propilenglikol, jelatin, glitserin, Ponso 4R (E 124), titan dioksid.

Intravaginal. Yotgan holatda kapsulani imkon qadar chuqurroq qin ichiga kiritish kerak. Davolash hayz ko‘rish davriga to‘g‘ri kelmasligi lozim. Bakterial vaginoz va boshqa ginekologik infeksiyalarni davolash: bir kapsuladan kuniga bir marta 7 kun davomida, uxlashdan oldin. Ginekologik muolajalar oldidan profilaktika: rejalashtirilgan muolajadan uch kun oldin va undan to‘rt kun keyin bir kapsuladan kuniga bir marta.

Yakka hollarda quyidagilar mumkin:

Mochapol tizimi tomonidan: servitsit, vaginit, vulva tirnash xususiyati, lokal shish, qinda og‘riq, qindan ajralma, vaginal infeksiyalar, dizuriya, pielonefrit, hayz siklining buzilishi.

Ovqat hazm qilish tizimi tomonidan: qorin og‘rig‘i, ko‘ngil aynishi, qusish, diareya, soxta membranoz kolit.

Markaziy asab tizimi tomonidan: bosh aylanishi, bosh og‘rig‘i.

Allergik reaksiyalar: teri toshmalari, eshakemi, kuydiruvchi hissiyot (shu jumladan, yuborilgan joyda).

Klindamitsin - linkozamidlar guruhiga mansub antibiotik bo‘lib, bakterial vaginozlarning asosiy qo‘zg‘atuvchilariga nisbatan faol: Gardnerella vaginalis, Mobiluncus mulieris, Mobiluncus curtisii, Bacteroides spp., Mycoplasma hominis, Peptostreptococcus spp, bakteriya hujayrasida oqsil sintezini 508-subyunit ribosomalar bilan bog‘lanib, inhibe qiladi. Klotrimazol - imidazol hosilalari guruhiga mansub keng ta’sir doirasiga ega mahalliy qo‘llash uchun mo‘ljallangan antimikotik preparat bo‘lib, xamirturushli zamburug‘larning o‘sishini istisno qiladi. Klotrimazolning ta’sir doirasi dermatofitlar, xamirturushli zamburug‘lar, gram-musbat (stafilokokklar, streptokokklar) va gram-manfiy bakteriyalarni (Bacteroides spp., Gardnerella vaginalis), shuningdek Trichomonas vaginalis, Malassezia furfur, Corynebacterium minutissium ni o‘z ichiga oladi. Zamburug‘larga qarshi ta’siri ergosterin va zamburug‘ hujayra membranasining sintezi buzilishi bilan bog‘liq. Fungistatik yoki fungitsid faollik mikroorganizmlar shtammlarining turiga bog‘liq.

Homiladorlik va emizish davrida

I trimestrda preparatni qo‘llash tavsiya etilmaydi. Klinik va eksperimental tadqiqotlarda II va III trimestrda klindamitsin va klotrimazolni vaginal qo‘llash ayol yoki homila salomatligiga salbiy ta’sir ko‘rsatishi aniqlanmagan. Vagimilt preparatining ko‘krak suti orqali o‘tishi haqida ma’lumotlar yo‘q. Shuning uchun preparat faqat ayol uchun foyda/bola (yoki homila) uchun xavf nisbati shifokor tomonidan baholanganidan so‘ng, tavsiya etilgan dozalarga qat’iy rioya qilgan holda qo‘llaniladi.