Urofoscin faol modda sifatida fosfomitsin trometamol tuzi ko‘rinishidagi fosfomitsin saqlaydi. Fosfomitsin bakteritsid ta’sirga ega antibiotik (fosfon kislotasi hosilasi) hisoblanadi. U bakteriya hujayra devori sintezini, peptidoglikan sintezining dastlabki bosqichlaridan birini bloklab, ingibitsiyalaydi.
Farmakodinamikasi. Urofoscin tarkibida fosfomitsin [mono (2-amino-2 gidroksimetil-1,3-propandiol) (2R-sis)-(3-metiloksiranil) fosfonat] — bu fosfon kislotasidan olinadigan va siydik yo‘llari infeksiyalarini davolashda qo‘llaniladigan antibiotik mavjud.
Fosfomitsin bakteriya hujayra devori sintezining birinchi bosqichiga ta’sir qiladi.
Fosfomitsinning tuzilishi fosfoenolpiruvat tuzilishiga o‘xshash. Shu sababli u enolpiruvil-transferaza fermentini inaktivatsiyalaydi va natijada uridindifosfat-N-atsetilglyukozaminning fosfoenolpiruvat bilan kondensatsiyasini qaytmas tarzda bloklaydi, bu bakteriya hujayra devori sintezining dastlabki bosqichlaridan biridir. Fosfomitsin, shuningdek, bakteriyalarning siydik pufagi shilliq qavati epiteliyasiga adgeziyasini kamaytirishi mumkin, bu esa qaytalanuvchi infeksiyalar rivojlanishini qo‘zg‘atuvchi omil bo‘lishi mumkin.
Quyidagi jadvalda fosfomitsin trometamolning in vitro sharoitida klinik izolyatsiya qilingan mikroorganizmlarga nisbatan faolligi bo‘yicha ma’lumotlar keltirilgan. Minimal to‘xtatuvchi konsentratsiya (MTK) fosfomitsin trometamol 200 mkg disklaridan foydalanilgan disk-diffuziya usuli bilan aniqlangan. To‘liq to‘xtatuvchi zona diametri >16 mm (Myuller-Xinton muhitida) bo‘lgan mikroorganizmlar sezgir deb tasniflangan (bu 200 mkg/ml ga mos keladi).

 Urofoscin bolalarda qo‘llanilishining samaradorligi bo‘yicha yetarli dalillar yo‘q. 3 g dozasi 12 yoshgacha bo‘lgan bolalar uchun mo‘ljallanmaganligi sababli, dori vositasini ushbu yosh guruhida qo‘llash tavsiya etilmaydi.
Fosfomitsin qo‘llanilishi gipersensitivlik reaksiyalarining, shu jumladan anafilaksiya va anafilaktik shokning rivojlanishiga olib kelishi mumkin, bu hayot uchun xavfli bo‘lishi mumkin (qarang. NOJO‘YA TA’SIRLAR).
Ushbu reaksiyalar rivojlanganda fosfomitsin qo‘llanilishini to‘xtatish kerak, ushbu bemorlarda fosfomitsin qayta qo‘llanilishi mumkin emas. Yetarli davolash choralarini ko‘rish zarur.
Bir vaqtda ovqat qabul qilish fosfomitsin so‘rilishini sekinlashtiradi. Shuning uchun preparatni och qoringa yoki ovqatdan 2-3 soat o‘tgach qabul qilish maqsadga muvofiq.
Antibiotiklar, shu jumladan fosfomitsin trometamol qo‘llanilishi, antibiotik bilan bog‘liq diareya rivojlanishiga olib kelishi mumkin. Og‘irlik darajasi yengil diareyadan o‘lim bilan yakunlanuvchi kolitgacha bo‘lishi mumkin. Antibiotiklar bilan davolash vaqtida yoki undan keyin (shu jumladan bir necha haftadan so‘ng) og‘ir, davomli va/yoki qonli diareya paydo bo‘lishi Clostridium difficile (CDAD) bilan bog‘liq bo‘lishi mumkin. Shuning uchun, fosfomitsin trometamol qabul qilish vaqtida yoki undan keyin kuchli diareya paydo bo‘lsa, ushbu tashxis ehtimolini hisobga olish zarur. Tashxisdan shubha qilinganda yoki tasdiqlanganda darhol mos davolashni boshlash kerak. Bunday holatda peristaltikani ingibitsiya qiluvchi preparatlar kontrendikatsiya qilinadi.
Buyrak yetishmovchiligi: agar kreatinin klirensi 10 ml/min dan yuqori bo‘lsa, siydikdagi fosfomitsin konsentratsiyasi 48 soat davomida terapevtik samarali bo‘lib qoladi.
Urofoscin tarkibida saxaroza mavjud. Qandli diabet bilan kasallangan bemorlar va parhezga rioya qilishi kerak bo‘lganlar, 1 paket Urofoscinda 2,213 g saxaroza borligini hisobga olishlari kerak. Urofoscin fruktozani o‘zlashtira olmaslik, glyukoza-galaktoza malabsorbsiyasi yoki saxaraza-izomaltaza yetishmovchiligi bo‘lgan bemorlarda qo‘llanilmasligi kerak.
Homiladorlik yoki emizish davrida qo‘llanilishi
Homiladorlik. Homilador ayollarda siydik yo‘llari infeksiyalarini davolash uchun bir martalik dozalarni qo‘llash maqsadga muvofiq emas.
Hayvonlarda o‘tkazilgan tadqiqotlar homiladorlik, embrion rivojlanishi, homila va/yoki postnatal rivojlanishga bevosita yoki bilvosita toksik ta’sir ko‘rsatmaydi.
Homilador ayollarda fosfomitsin qo‘llanilishining xavfsizligi bo‘yicha faqat cheklangan ma’lumotlar mavjud. Ushbu ma’lumotlar fosfomitsinning tug‘ma nuqsonlar yoki homila/chaqaloq toksikligi rivojlanishiga olib kelishini ko‘rsatmaydi.
Homiladorlik davrida dori vositasini faqat zarur hollarda, davolashdan kutilayotgan foyda homila uchun potensial xavfdan ustun bo‘lsa, qo‘llash mumkin.
Emizish davri. Urofoscin hatto bir martalik qabuldan so‘ng ham ko‘krak suti bilan ajraladi. Emizish davrida preparatni qo‘llashni to‘xtatish kerak.
Transport vositalarini yoki boshqa mexanizmlarni boshqarish tezligiga ta’sir qilish qobiliyati. Urofoscin bosh aylanishini chaqirishi mumkin, bu esa transport vositalarini boshqarish yoki mexanizmlar bilan ishlash qobiliyatiga ta’sir qilishi mumkin. 

Metoklopramid va boshqa me’da-ichak trakti motorikasini oshiruvchi preparatlar bilan bir vaqtda qabul qilinishi Urofoskining so‘rilishini kamaytiradi, bu esa Urofoskining qon plazmasi va siydikdagi konsentratsiyasining pasayishiga olib keladi.
Xalqaro normallashtirilgan nisbat (XNN) o‘zgarishlarida maxsus muammolar. Antibiotiklarni qabul qilgan bemorlarda K vitaminiga qarshi vositalarning antagonistik faolligining oshishi bilan bog‘liq ko‘plab holatlar haqida xabar berilgan. Xavf omillariga og‘ir infeksiyalar yoki yallig‘lanishlar, keksalik va umumiy sog‘liqning yomon holati kiradi. Bunday hollarda XNN o‘zgarishi infeksion kasallik bilan bog‘liqmi yoki preparatni qabul qilish natijasimi, aniqlash qiyin. Biroq, ayrim antibiotiklar sinflari mavjud bo‘lib, ularning qo‘llanilishi XNN o‘zgarishlari bilan ko‘proq bog‘lanadi, xususan, ftorxinolonlar, makrolidlar, tsiklinlar, kotrimoksazol va ayrim tsefalosporinlar.
O‘zaro ta’sirlarni o‘rganish faqat kattalar ishtirokida o‘tkazilgan.