Plenka qobiq bilan qoplangan tabletkalar - 1 tabletkada faol modda: vismut trikaliy ditsitrat - 303,03 mg (vismut oksidiga ekvivalent 120 mg); yordamchi moddalari: makkajo'xori kraxmali — 72,17 mg; povidon K30 — 18 mg; polikrilin kaliy — 23,8 mg; makrogol 6000 — 6 mg; magniy stearat — 2 mg; plenka qobiq: Opadry II shaffof (polivinil spirti — 4,505 mg, makrogol 4000 — 2,295 mg; talk — 1,7 mg) — 8,5 mg; titan dioksid (E171) — 1,5 mg. Plenka qobiq bilan qoplangan tabletkalar, 120 mg. 14 ta tabletkadan kombinasiyalangan materialdan (OPA/Al/PVX) va alyuminiy folgadan tayyorlangan blistrda. 2, 4 va 8 blistr (har bir blistrda 14 ta tabletkadan) karton qutiga joylanadi.

oshqozon va o‘n ikki barmoqli ichakning yara kasalligi zo‘rayish bosqichida, jumladan, Helicobacter pylori bilan bog‘liq; surunkali gastrit va gastroduodenit zo‘rayish bosqichida, jumladan, Helicobacter pylori bilan bog‘liq; asosan diareya simptomlari bilan kechuvchi ichakning irritatsion sindromi; OVJ organik kasalliklari bilan bog‘liq bo‘lmagan funksional dispepsiya.

preparatga individual toqat qilmaslik; og‘ir buyrak yetishmovchiligi (kreatinin klirensi 30 ml/min dan kam); homiladorlik; emizish davri; 4 yoshgacha bo‘lgan bolalar yoshi.

Og‘iz orqali, ovqatdan 30 daqiqa oldin, oz miqdorda suv bilan. Kattalar va 12 yoshdan katta bolalarga Ul’kavis preparati 1 tabletka 4 marta sutkada, ovqatdan 30 daqiqa oldin va kechasi yoki 2 tabletka 2 marta sutkada buyuriladi. 8 yoshdan 12 yoshgacha bo‘lgan bolalarga Ul’kavis preparati 1 tabletka 2 marta sutkada; 4 yoshdan 8 yoshgacha bo‘lgan bolalarga esa tana vazniga qarab 8 mg/kg/sutka dozada, 1–2 tabletka/sutka (mos ravishda, 1–2 marta sutkada) buyuriladi. Bunda sutkalik doza hisoblangan dozaga (8 mg/kg/sutka) eng yaqin bo‘lishi kerak. Davolash kursining davomiyligi 4–8 hafta. Keyingi 8 hafta davomida vismut saqlovchi dori vositalarini qo‘llash mumkin emas. Helicobacter pylori ni eradikatsiya qilish uchun Ul’kavis preparatini boshqa antihelikobakter faollikka ega antibakterial vositalar bilan birga qo‘llash maqsadga muvofiq (shifokor tavsiyasiga ko‘ra).

Ovqat hazm qilish tizimi tomonidan: ko‘ngil aynishi, qusish, ich ketishining ko‘payishi, qabziyat paydo bo‘lishi mumkin. Ushbu holatlar sog‘liq uchun xavfli emas va vaqtinchalik xarakterga ega. Allergik reaksiyalar: teri toshmasi, teri qichishishi. Uzoq muddat yuqori dozalarda qo‘llanganda, markaziy asab tizimida vismut to‘planishi bilan bog‘liq ensefalopatiya rivojlanishi mumkin.

Helicobacter pylori ga nisbatan bakterisid faollikka ega bo‘lgan yara kasalligiga qarshi vosita. Shuningdek, yallig‘lanishga qarshi va bog‘lovchi ta’sirga ega. Oshqozonning kislotali muhitida erimaydigan vismut oksixlorid va sitrat cho‘kadi, oqsilli substrat bilan xelat birikmalar hosil bo‘lib, yara va eroziya yuzasida himoya plyonkasi shakllanadi. PGE sintezini, shilliq hosil bo‘lishini va gidrokarbonat sekretsiyasini oshirib, tsitoprotektor mexanizmlarining faolligini rag‘batlantiradi, OVJ shilliq qavatining pepsin, xlorid kislotasi, fermentlar va o‘t kislotasi tuzlari ta’siriga chidamliligini oshiradi. Nuqson sohasida epidermal o‘sish omilining to‘planishiga olib keladi. Pepsin faolligini pasaytiradi.

Ul’kavis® preparatini 8 haftadan ortiq qo‘llash tavsiya etilmaydi. Shuningdek, davolash davomida kattalar va bolalar uchun belgilangan sutkalik dozalardan oshirib yuborish tavsiya etilmaydi. Ul’kavis® preparati bilan davolash davrida boshqa vismut saqlovchi dori vositalarini qo‘llash mumkin emas. Ul’kavis® preparati bilan kursli davolash tugagandan so‘ng tavsiya etilgan dozalarda faol moddaning qon plazmasidagi konsentratsiyasi 3-58 mkg/l dan oshmaydi, intoksikatsiya esa faqat qon plazmasida konsentratsiya 100 mkg/l dan yuqori bo‘lganda kuzatiladi. Ul’kavis® preparatini qo‘llashda vismut sulfidining hosil bo‘lishi natijasida najasning to‘q rangga bo‘yalishi mumkin. Ba’zan tilning biroz qorayishi kuzatiladi. Avtotransport boshqarish va mexanizmlarni boshqarish qobiliyatiga ta’siri Ul’kavis® preparatining transport vositalari va mexanizmlarni boshqarish qobiliyatiga ta’siri bo‘yicha ma’lumotlar mavjud emas.