1 flakon tarkibida: tsefotaksim natriy - 1,0 g. 

Tsefotaksim sezgir mikroorganizmlar (asosan, grammanfiy) chaqirgan infeksiyalarda qo'llaniladi:
- nafas va siydik chiqarish yo'llari, buyraklar infeksiyalari;
- quloq, tomoq, burun infeksiyalari, septitsemiya, endokardit, meningit;
- suyak va yumshoq to'qimalar, qorin bo'shlig'i infeksiyalari;
- ginekologik infeksion kasalliklar, gonoreya;
- yara va kuyik infeksiyalari va boshqalar.

Preparat tsefalosporin antibiotiklariga yuqori sezuvchanlikda kontraindikatsiyalangan.
Penitsillinlar va tsefalosporinlar o'rtasida o'zaro allergiya bo'lishi mumkin.
Buyrak va jigar funksiyasi buzilgan bemorlarga preparatni buyurishda ehtiyotkorlik zarur.
2,5 yoshgacha bo'lgan bolalarda preparatni mushak ichiga yuborish mumkin emas.

Tsefotaksim mushak ichiga va vena ichiga qo'llaniladi.
Mushak ichiga in'ektsiya uchun 0,25 yoki 0,5 g preparat 2 ml (mos ravishda 1 g 4 ml) steril in'ektsion suvda eritiladi. Katta dumbaga chuqur yuboriladi. Mushak ichiga yuborishda erituvchi sifatida 1 % lidokain ham ishlatiladi (0,5 g uchun 2 ml, 1 g uchun 4 ml).
Vena ichiga yuborish uchun 0,5 - 1 g tsefotaksim 4 ml (2 g - 10 ml) steril in'ektsion suvda eritiladi. 3-5 daqiqa davomida sekin yuboriladi.
Tomchilab yuborish uchun (50-60 daqiqa davomida) 2 g preparat 100 ml natriy xlorid izotonik eritmasi yoki 5 % glyukoza eritmasida eritiladi.
Kattalar va 12 yoshdan katta bolalar uchun tsefotaksimning odatdagi dozasi - har 12 soatda 1 g. Og'ir holatlarda doza kuniga 3 yoki 4 g gacha oshiriladi, preparat 3 yoki 4 marta 1 g dan yuboriladi. Kasallik og'irligiga qarab maksimal sutkalik doza 12 g gacha oshirilishi mumkin.
Yangi tug'ilgan va 12 yoshgacha bo'lgan bolalar uchun odatdagi doza - tana vazniga 50-100 mg/kg kuniga, yuborish oralig'i 6 dan 12 soatgacha.
Chala tug'ilgan bolalarda sutkalik doza 50 mg/kg dan oshmasligi kerak.
Buyrak funksiyasi buzilganda doza kamaytiriladi. Kreatinin klirensi 10 ml/min va undan kam bo'lsa, preparatning sutkalik dozasi ikki baravar kamaytiriladi.

Tsefotaksim qo‘llanilganda allergik reaksiyalar (terida toshmalar, isitma, anafilaktik shok), ovqat hazm qilish buzilishlari (dispeptik hodisalar, soxta membranoz kolit (kamdan-kam hollarda), jigar funksional testlarining buzilishi), eozinofillar sonining oshishi, leyopeniya, neytropeniya, agranulositoz, gemolitik anemiya, ishqoriy fosfataza darajasining va siydikdagi azot miqdorining oshishi mumkin. In'ektsiya joyida og‘riq, qizarish va shish paydo bo‘lishi mumkin. Tana harorati ko‘tarilishi mumkin.

Tsefotaksim - parenteral qo'llash uchun III avlod sefalosporin antibiotikidir. Bakteritsid ta'sir ko'rsatadi. Keng antimikrob spektriga ega. Boshqa antibiotiklarga chidamli grammanfiy mikroorganizmlarga nisbatan yuqori faollikka ega: Ecoli, Citobacter, Proteus mirabilis, Proteus indole, Providencia, Klebsiella, Serratia, ayrim Pseudomonas shtammlari, Haemophlus influenzae. Gram-musbat kokklarga, asosan, stafilokokklarga nisbatan kamroq faollikka ega. Preparat grammanfiy bakteriyalarning betalaktamazalariga yuqori chidamlilikka ega.

Preparatni buyurishdan oldin allergologik anamnez, ayniqsa beta-laktam antibiotiklariga nisbatan, yig'ish zarur. Penitsillinlar va tsefalosporinlar o'rtasida o'zaro allergiya ma'lum. Anamnezida penitsillinga allergik reaksiyalar bo'lgan shaxslarda preparat juda ehtiyotkorlik bilan qo'llaniladi. Yuqori sezuvchanlik reaksiyalari (ular og'ir va hatto o'limga olib kelishi mumkin) yuzaga kelganda preparat bekor qilinadi.
Preparat bilan davolash 10 kundan ortiq davom etsa, periferik qon manzarasini nazorat qilish zarur.
Kumbs testi soxta musbat natija berishi mumkin. Siydikda glyukozani enzimatik bo'lmagan usulda (masalan, Benedikt usuli) aniqlashda soxta musbat natijalar bo'lishi mumkin.

 

Tsefotasimni potentsial nefrotoksik preparatlar (aminoglikozid antibiotiklar, furosemid) bilan bir vaqtda qo'llashda buyrak funksiyasini nazorat qilish zarur (oxirgilarning nefrotoksik ta'siri xavfi).

Tsefotasim eritmasi boshqa antibiotiklar eritmalari bilan bir shprits yoki tomchilatgichda mos kelmaydi.