1 tabletkada quyidagilar mavjud:

faol moddalari: atsetilsalisil kislotasi - 240 mg, paratsetamol - 180 mg,

kofein - 30 mg;

yordamchi moddalari: kakao, limon kislotasi, kartoshka kraxmali, talk, stearin kislotasi yoki kalsiy stearati.

Ehtiyotkorlik bilan

Yengil va o‘rtacha darajadagi buyrak yetishmovchiligi, jigar kasalliklari, alkogolizm, epilepsiya va tutqanoqlarga moyillik, keksalik, podagra, homiladorlik (II trimestr).

Kamdankam teri allergik reaksiyalari (toshma, qichishish, eshakemi), yurak urishining tezlashishi, bosh aylanishi, ko'ngil aynishi, qorin og'rig'i.

Uzoq muddat katta dozalarda qabul qilinganda jigar va buyrak funksiyalari buziladi.

Kombinatsiyalangan preparat.

Atsetilsalisil kislotasi isitmani tushiruvchi va yallig‘lanishga qarshi ta’sirga ega, ayniqsa yallig‘lanish jarayoni bilan bog‘liq og‘riqni kamaytiradi, shuningdek, trombotsitlar agregatsiyasi va tromb hosil bo‘lishini mo‘’tadil darajada susaytiradi, yallig‘lanish o‘chog‘ida mikrosirkulyatsiyani yaxshilaydi.

Paratsetamol analgetik, isitmani tushiruvchi va kuchsiz yallig‘lanishga qarshi ta’sirga ega, bu uning gipotalamusdagi termoregulyatsiya markaziga ta’siri va periferik to‘qimalarda prostaglandinlar (Pg) sintezini inhibe qilish qobiliyatining kuchsiz ifodalanganligi bilan bog‘liq.

Kofein orqa miya reflektor qo‘zg‘aluvchanligini oshiradi, nafas olish va tomir harakat markazlarini qo‘zg‘atadi, skelet mushaklari, miya, yurak, buyraklarning qon tomirlarini kengaytiradi, trombotsitlar agregatsiyasini kamaytiradi; uyquchanlikni, charchoq hissini kamaytiradi. Ushbu kombinatsiyada kofein kichik dozalarda deyarli markaziy asab tizimiga stimulyatsion ta’sir ko‘rsatmaydi, biroq miya tomirlarining tonusini tartibga solishga yordam beradi.

Asetilsalisil kislotasi qonni ivish tezligini sekinlashtiradi. Agar bemorga jarrohlik aralashuvi rejalashtirilgan bo‘lsa, shifokorni preparat qabul qilinayotgani haqida ogohlantirish kerak.

Preparat uzoq muddat qo‘llanilganda periferik qon va jigar funksional holatini nazorat qilish zarur.

Salisil kislotasi va uning hosilalariga, jumladan asetilsalisil kislotasiga yuqori sezuvchanlik yoki astmoid reaksiyalarga ega bemorlarga preparat faqat maxsus ehtiyot choralariga rioya qilgan holda (tez yordam xizmati sharoitida) buyurilishi mumkin.

Moch kislotasi to‘planishiga moyil bemorlarda preparat qabul qilinishi podagra xurujini qo‘zg‘atishi mumkin.

Qabul qilish davrida alkogol iste'mol qilishdan tiyilish kerak (oshqozon-ichak qon ketishi va jigar toksik shikastlanishi xavfi oshadi).

Asetilsalisil kislotasi teratogen ta'sirga ega; I trimestrda qo‘llanilganda rivojlanish nuqsoni - yuqori tanglayning yoriqlanishiga olib keladi; III trimestrda - tug‘ruq faoliyatining susayishiga (Pg sintezining inhibitsiyasi), homilada arterial kanalning yopilishiga, bu esa o‘pka tomirlarining gipertrofiyasi va kichik qon aylanish doirasida gipertenziyaga olib keladi. Ona suti bilan ajraladi, bu esa trombotsitlar funksiyasi buzilishi natijasida bolada qon ketish xavfini oshiradi.

15 yoshgacha bo‘lgan bolalarga asetilsalisil kislotasi saqlovchi dori vositalarini buyurish mumkin emas, chunki virusli infeksiya holatida ular Rey sindromi rivojlanish xavfini oshirishi mumkin. Rey sindromi simptomlari uzoq davom etuvchi qusish, o‘tkir ensefalopatiya, jigar kattalashishi hisoblanadi.

Homiladorlik va laktatsiya davri

Homiladorlik (I va III trimestrlar) va emizish davrida preparat qo‘llash mumkin emas.

Homiladorlikning II trimestrida preparatni ehtiyotkorlik bilan, ona uchun kutilayotgan foyda va homila uchun potensial xavfni solishtirgan holda qo‘llash kerak.

Dori vositasining transport vositalarini boshqarish yoki potensial xavfli mexanizmlarni boshqarish qobiliyatiga ta'siri

Transport vositalarini boshqarish va diqqatni jamlashni talab qiluvchi mashina va mexanizmlarni boshqarishga ta'siri haqida ma'lumot yo‘q.