1 tabletkada: tsiprofloksatsin gidroxlorid (tsiprofloksatsinga hisoblaganda) - 250 yoki 500 mg; 10, 20 dona qadoqda.

Doriga sezgir mikroorganizmlar chaqirgan infeksion-yallig‘lanish kasalliklari:

Immuniteti pasaygan bemorlarda (immunodepressantlar bilan davolashda) infeksiyalar profilaktikasi va davolash.

Dori vositasini quyidagi holatlarda ehtiyotkorlik bilan buyurish kerak: miya tomirlarining og'ir aterosklerozi, miya qon aylanishining buzilishi, ruhiy kasalliklar, tutqanoq sindromi, epilepsiya, og'ir buyrak va/yoki jigar yetishmovchiligi, keksalar.

Tsiprofloksatsin dozası kasallikning og‘irligiga, infeksiya turiga, organizm holatiga, bemorning yoshi, vazni va buyrak funksiyasiga bog‘liq.

Tsiprofloksatsin uchun tavsiya etiladigan odatdagi dozalari 250 mg va 500 mg li tabletkalar ko‘rinishida peroral qabul qilish uchun. Buyrak va siydik chiqarish yo‘llarining asoratsiz kasalliklarida - 250 mg, asoratli holatlarda esa 500 mg, kuniga 2 marta. Pastki nafas yo‘llarining o‘rtacha og‘irlikdagi kasalliklarida - 250 mg, og‘irroq holatlarda esa 500 mg, kuniga 2 marta. Gonoreya uchun Tsiprofloksatsinni bir martalik 250-500 mg dozada qabul qilish tavsiya etiladi. Ginekologik kasalliklar, og‘ir kechuvchi va yuqori haroratli enterit va kolitlar, prostatitlar, osteomiyelitlar - 500 mg kuniga 2 marta (oddiy diareya uchun 250 mg kuniga 2 marta ishlatish mumkin).

Dorini och qoringa, yetarli miqdorda suyuqlik bilan ichish kerak. Buyrak funksiyasi ancha buzilgan bemorlarga preparatning yarim dozasini buyurish lozim. Davolash davomiyligi kasallik og‘irligiga bog‘liq, lekin har doim kasallik simptomlari yo‘qolganidan keyin kamida yana ikki kun davom ettirilishi kerak. Odatda davomiylik 7-10 kunni tashkil etadi.

Ovqat hazm qilish tizimi tomonidan: ko'ngil aynishi, diareya, qusish, qorin og'rig'i, meteorizm, anoreksiya, xolestatik sariqlik (ayniqsa, jigar kasalliklari bo'lgan bemorlarda), gepatit, gepatonekroz. Markaziy asab tizimi va periferik asab tizimi tomonidan: bosh aylanishi, bosh og'rig'i, charchoqlik, xavotir, tremor, uyqusizlik, "daxshatli" tushlar, periferik paralgeziya (og'riq hissiyotining anomaliyasi), terlash, bosh ichki bosimining oshishi, xavotir, ongning chalkashligi, depressiya, gallyutsinatsiyalar, psixotik reaksiyalar namoyon bo'lishi (ba'zan bemor o'ziga zarar yetkazishi mumkin bo'lgan holatlarga o'tadi), migren, hushdan ketish, miya arteriyalarining trombozi. Sezgi organlari tomonidan: ta'm va hid bilish buzilishi, ko'rish buzilishi (diplopiya, ranglarni idrok etishning o'zgarishi), quloqda shovqin, eshitishning pasayishi. Yurak-qon tomir tizimi tomonidan: taxikardiya, yurak ritmi buzilishi, arterial bosimning pasayishi, yuz terisiga qon quyilishi. Qon yaratuvchi tizim tomonidan: leyopeniya, granulositopeniya, anemiya, trombotsitopeniya, leykozitoz, trombotsitoz, gemolitik anemiya. Laborator ko'rsatkichlar tomonidan: gipoprothrombinemiya, jigar transaminazalari va SHF faolligining oshishi, giperkreatininemiya, giperbilirubinemiya, giperglikemiya. Siydik chiqarish tizimi tomonidan: gematuriya, kristalluriya (asosan ishqoriy siydik va past diurezda), glomerulonefrit, dizuriya, poliuriya, siydik tutilishi, albuminuriya, uretral qon ketishlari, gematuriya, buyraklarning azot chiqarish funksiyasining pasayishi, interstitsial nefrit. Mushak-tayoq tizimi tomonidan: artralgiya, artrit, tendovaginit, paylarning yorilishi, mialgiya. Allergik reaksiyalar: teri qichishishi, toshma, qon ketish bilan kechuvchi pufakchalar, qobiq hosil qiluvchi papulalar, isitma, nuqtali qon quyilishlar (petexiyalar), yuz yoki halqum shishi, nafas qisilishi, eozinofiliya, yuqori yorug'lik sezuvchanligi, vaskulit, tugunli eritema, ekssudativ ko'p shaklli eritema, Stivens-Djonson sindromi, toksik epidermal nekroliz (Layell sindromi). Mahalliy reaksiyalar: yuborilgan joyda og'riq va kuydiruvchi hissiyot, flebit. Boshqalar: umumiy holsizlik, superinfeksiyalar (kandidoz, soxta parda koliti).

Tsiprofloksatsin - keng ta'sir doirasiga ega bo‘lgan ftorxinolonlar guruhiga mansub antimikrob preparat. Bakteritsid ta'sir ko‘rsatadi. Preparat bakteriyalarning DNK-giraza fermentini ingibitsiya qiladi, natijada DNK replikatsiyasi va bakteriya hujayra oqsillarining sintezi buziladi. Tsiprofloksatsin ko‘payayotgan mikroorganizmlarga ham, tinch holatda bo‘lganlarga ham ta'sir qiladi. Tsiprofloksatsin quyidagi grammanfiy aerob bakteriyalarga nisbatan faol:

Metitsillinga chidamli stafilokokklarning aksariyati tsiprofloksatsinga ham chidamli. Preparatga o‘rtacha sezgir: Streptococcus pneumoniae, Enterococcus faecalis. Preparatga chidamli: Corynebacterium spp., Bacteroides fragilis, Pseudomonas cepacia, Pseudomonas maltophilia, Ureaplasma urealyticum, Clostridium difficile, Nocardia asteroides. Preparatning Treponema pallidum ga nisbatan ta'siri yetarlicha o‘rganilmagan.

Tsiprofloksatsin qabul qilish vaqtida yoki undan keyin og‘ir va uzoq davom etadigan diareya paydo bo‘lsa, darhol preparatni bekor qilish va mos davolashni tayinlashni talab qiladigan soxta membranoz kolit tashxisini istisno qilish kerak. Paydo bo‘ladigan pay cho‘zilishi og‘rig‘i yoki tendovaginitning birinchi belgilari paydo bo‘lsa, preparatni to‘xtatish kerak. Tsiprofloksatsin qabul qilish davrida normal diurezni saqlagan holda yetarli miqdorda suyuqlik iste’mol qilish zarur. Tsiprofloksatsin qabul qilish davrida to‘g‘ridan-to‘g‘ri quyosh nurlari bilan kontaktdan saqlanish kerak.

Homiladorlik va laktatsiya
Tsiprofloksatsin homiladorlik va laktatsiya (emizish) davrida qo‘llash uchun kontraindikatsiyalangan.

Avtotransport boshqarish va mexanizmlar bilan ishlashga ta’siri
Avtomobil boshqarishda va yuqori diqqat va tez psixomotor reaksiyalarni talab qiladigan boshqa potensial xavfli faoliyat turlari bilan shug‘ullanishda ehtiyotkorlikka rioya qilish kerak (ayniqsa, spirtli ichimliklarni bir vaqtda iste’mol qilganda).

Ko‘z tomchilari shaklidagi eritma ko‘z ichiga in’ektsiya qilish uchun mo‘ljallanmagan. Boshqa oftalmologik dori vositalarini qo‘llashda ularni tomizish oralig‘i kamida 5 daqiqa bo‘lishi kerak. Preparatni subkon’yunktival yoki to‘g‘ridan-to‘g‘ri ko‘z oldi kamerasi ichiga yuborish mumkin emas. Tomchilarni qo‘llaganidan keyin kon’yunktival gipere­miya uzoq davom etsa yoki kuchaysa, preparatni qo‘llashni to‘xtatish va shifokorga murojaat qilish kerak.

Preparatni qo‘llash davrida yumshoq kontakt linzalarni taqish tavsiya etilmaydi. Qattiq linzalarni ishlatishda ularni tomizishdan oldin olib tashlash va preparat tomizilgandan so‘ng 15-20 daqiqadan keyin yana taqish kerak.

Preparat tomizilgandan so‘ng vaqtincha ko‘rish ravshanligi yo‘qoladigan bemorlarga avtomobil boshqarish yoki murakkab texnika, stanoklar yoki ko‘rish ravshanligini darhol talab qiladigan boshqa murakkab uskunalar bilan ishlash tavsiya etilmaydi. Flakon har bir qo‘llashdan so‘ng yopilishi kerak. Pipetka uchini ko‘zga tekkizmaslik kerak.