faol modda: tsinnarizin 25 mg yoki 75 mg; yordamchi moddalari: 25 mg - mikrokristallik tsellyuloza, suvdan holi laktoza, talk, aerosil, magniy stearati. 75 mg - mikrokristallik tsellyuloza, laktoza monogidrat, natriy kraxmal glikolyat, gidroksipropiltsellyuloza, aerosil, talk, magniy stearati.

Ishemik tipdagi miya qon aylanishi buzilishlarini davolash; miya qon aylanishi buzilishlarining qoldiq holatlari, bosh miya jarohatlari, disirkulyator ensefalopatiya, xususan, serebral ateroskleroz, migren (va xurujlarning oldini olish), parasteziya, kechasi oyoq-qo'llarda og'riq, trofik buzilishlar, pastki oyoq-qo'llarning oblitiratsiyalovchi kasalliklari, shu jumladan "intermitent kladikasiyo", Menyer kasalligi, Reyno kasalligi. Vestibulyar buzilishlarda (bosh aylanishi, quloqda shovqin, nistagm, labirint kelib chiqishli ko'ngil aynishi, qusish) yordamchi terapiya sifatida.

Preparatga yuqori sezuvchanlik, homiladorlik, laktatsiya.

Tabletkalar ovqatdan keyin chaynamasdan, suv bilan ichiladi. Miya qon aylanishi buzilishlarida 25-50 mg (1-2 tabletka Tsinazina) kuniga 3 marta, periferik qon aylanishi buzilishlarida 50-75 mg (2-3 tabletka Tsinazina yoki 1 tabletka Tsinazina Forte) kuniga 3 marta; vestibulyar buzilishlarda 25 mg (1 tabletka Tsinazin) kuniga 3 marta; Dengiz va havo kasalligini oldini olish uchun safardan 30 daqiqa oldin 1 tabletka (25 mg) buyuriladi, zaruriyat tug‘ilganda 6-8 soatdan keyin qayta qabul qilinadi. Bolalarga doza ikki baravar kamaytiriladi.

Nerv tizimi tomonidan: uyquchanlik, tez charchash. Juda uzoq muddat qabul qilinganda - periferik nervlar zararlanishi, ekstrapiramidal buzilishlar paydo bo‘lishi. Ovqat hazm qilish tizimi tomonidan: og‘iz qurishi, dispeptik holatlar, kamdan-kam hollarda xolestatik sariqlik. Yurak-qon tomir tizimi tomonidan: moyillik bo‘lsa - arterial gipotoniyaga olib kelishi mumkin. Allergik reaksiyalar teri toshmasi ko‘rinishida: tana vaznining oshishi, terlashning kuchayishi, qizil yassi temiratki kuzatilishi mumkin.

Kalsiy kanallari blokatori. Tomir hujayralariga kalsiy ionlarining kirishini buzadi va plazmolemm (sarkolemm) depolarida kalsiy miqdorini kamaytiradi. Tomirlarning silliq mushaklariga bevosita spazmolitik ta'sir ko'rsatadi. Miya qon aylanishini oshiradi va miya tomirlarining qarshiligini kamaytiradi, bosh og'rig'i, quloqda shovqinni kamaytiradi. Tomirlarning biogen tomir toraytiruvchi moddalarga bo'lgan reaksiyasini kamaytiradi. To'qimalarning gipoksiyaga chidamliligini oshiradi. Tizimli arterial bosimga sezilarli ta'sir ko'rsatmaydi. Antigistamin faollikka ega. Vestibulyar apparatning qo'zg'aluvchanligini kamaytiradi. Farmakokinetika Og'iz orqali qabul qilingandan so'ng preparat me'da-ichak traktidan so'riladi. Qon plazmasida maksimal konsentratsiya 1-3 soatdan keyin kuzatiladi. Qon plazmasi oqsillari bilan bog'lanishi 91% ni tashkil etadi. Tsinnarizin metabolizmi to'liq dealkillanish yo'li bilan amalga oshadi. Yarim chiqarilish davri 4 soatni tashkil etadi. Metabolitlar ko'rinishida siydik bilan (1/3) va najas bilan (2/3) chiqariladi.

Nootrop va antigipertenziv vositalar, shuningdek, markaziy tizimga tormozlovchi ta'sir ko'rsatuvchi preparatlarning ta'sirini kuchaytiradi.

Nojo'ya ta'sirlari Asab tizimi tomonidan: uyquchanlik, tez charchash. Juda uzoq muddat qabul qilinganda - periferik nervlarning zararlanishi, ekstrapiramidal buzilishlar paydo bo'lishi. Ovqat hazm qilish trakti tomonidan: og'iz qurishi, dispeptik hodisalar, kamdan-kam hollarda - xolestatik sariqlik. Yurak-qon tomir tizimi tomonidan: moyillik bo'lsa - arterial gipotoniyaga olib kelishi mumkin. Allergik reaksiyalar teri toshmasi ko'rinishida: tana vaznining oshishi, terlashning kuchayishi, qizil yassi temiratki kuzatilishi mumkin. Dastlab, yuqori e'tibor, tez psixik va harakat reaksiyalarini talab qiluvchi potentsial xavfli faoliyat turlari bilan shug'ullanishdan voz kechish kerak. Uzoq muddatli qo'llashda jigar, buyrak funksiyasi va periferik qon manzarasini nazorat qilish tavsiya etiladi. Parkinsonizm, arterial gipotoniyasi bo'lgan bemorlarga ehtiyotkorlik bilan buyuriladi. Davolanish vaqtida spirtli ichimliklar iste'mol qilinmasligi kerak. Preparat bolalar uchun yaroqsiz joyda saqlanishi va yaroqlilik muddati tugaganidan so'ng ishlatilmasligi kerak.

Belgilar: uyquchanlik, qusish, tremor, gipotoniyaga, koma. Davolash: maxsus antidoti yo'q. Me'dani yuvish, faollashtirilgan ko'mir, simptomatik terapiya.