Bitta tabletkada quyidagilar mavjud faol modda — trigeksifenidil gidroxlorid 2 mg. yordamchi moddalari: saxaroza, kartoshka kraxmal, mikrokristallik sellyuloza, kalsiy stearati.

Trigeksifenidilning ta'siri boshqa xolinobloklovchi dori vositalari bilan birga qo'llanganda kuchayishi mumkin (masalan, amantadin, ba'zi gistaminobloklovchilar, fenotiazin hosilalari, tritsiklik antidepressantlar va boshqalar) va MAO ingibitorlari bilan birga qo'llanganda (ular dori vositalarini metabolizatsiya qiluvchi fermentlarni ingibitsiya qiladi). Yuqorida ko'rsatilgan dori vositalari bilan birga qo'llanganda quyidagi nojo'ya ta'sirlar yuzaga kelishi mumkin: og'iz qurishi, ko'rishning xiralashuvi, siyishning ushlanishi va qabziyat. Trigeksifenidil va parasimpatomimetiklar antagonistik ta'sir ko'rsatadi. Trigeksifenidilni sublingval nitratlar bilan birga qo'llaganda (og'iz qurishi tufayli) ularning ta'siri kamayadi. Trigeksifenidil tomonidan ichak motorikasining tormozlanishi boshqa dori vositalarining so'rilishini to'sqinlik qilishi mumkin. Trigeksifenidil metoklopramid va domperidonning ovqat hazm qilish traktiga ta'sirini susaytiradi. Alkogol va boshqa dori vositalarining depressiv ta'siri trigeksifenidil bilan birga qo'llanganda kuchayishi mumkin. Levodopa bilan birga qo'llanganda har ikkala dori vositasining dozasini kamaytirish zarur. Odatda bu holda kuniga 3-6 mg trigeksifenidilni ikki marta qabul qilish yetarli bo'ladi.

Trigeksifenidilni keksa bemorlarda va yurak-qon tomir kasalliklari, jigar va buyrak funksiyasi buzilgan bemorlarda juda ehtiyotkorlik bilan qo'llash kerak. Quyidagi hollarda ehtiyotkorlik zarur: hayot uchun xavfli taxikardiyaga olib kelishi mumkin bo'lgan kasalliklar, demensiya sindromi, myasthenia gravis, siydik pufagining to'liq bo'shatilishi bilan prostata bezi gipertrofiyasi. Trigeksifenidildan suiiste'mol qilish holatlari ma'lum, ayniqsa psixiatriya bemorlarida (gallyutsinatsiyaga olib keluvchi va eyforiya chaqiruvchi ta'siri bilan bog'liq). Dori vositasiga qaramlik rivojlanishi mumkinligini hisobga olish kerak. Davolashni to'satdan to'xtatib bo'lmaydi. Homiladorlik va laktatsiya davri Preparat platsentar to'siqdan o'tadi, ko'krak suti bilan ajraladi, shuning uchun preparatni homiladorlik va emizish davrida qo'llash tavsiya etilmaydi. Dori vositasining transport vositalarini yoki potensial xavfli mexanizmlarni boshqarish qobiliyatiga ta'sir qilish xususiyatlari Ehtiyotkorlikka rioya qilish kerak, chunki preparat reaksiya tezligiga ta'sir qiladi.

Simptomlar: Katta dozalarda trigeksifenidil parasimpatik asab tizimining postganglionar tugashlarini bloklaydi, zaharlanish manzarasi, asosan, atropin bilan zaharlanishga mos keladi (midriaz, shilliq qavatlarning qurishi, taxikardiya, ichak va o‘t yo‘llarining atoniyasi, tana haroratining oshishi va boshqalar). Trigeksifenidil, shuningdek, markaziy asab tizimi tomonidan buzilishlarni (asabiylashish, ong buzilishi, derealizatsiya va boshqa psixik buzilishlar) chaqiradi. Og‘irroq zaharlanishda koma yoki nafas olish markazi falaji yuzaga kelishi mumkin. Davolash: Spetsifik antidot mavjud emas. Oshqozonni yuvish va dori vositasining so‘rilishini kamaytirish uchun boshqa mumkin bo‘lgan usullardan foydalanish zarur. Davolash simptomatik: sovuq kompresslar, ko‘p suyuqlik ichish. Xolinesteraza ingibitorlari (masalan, fizostigmin) qo‘llanilishi mumkin, yurak asoratlarini davolash uchun natriy bikarbonat yoki natriy laktat muvaffaqiyatli qo‘llanilgan, tutqanoqda — diazepam, deliriya bo‘lsa — fizostigmin.