Tsianokobalamin, metabolit sifatida, uglevodlar, oqsillar va lipidlar almashinuvini faollashtiradi, labil metil guruhlar sintezida, xolin, metionin, nuklein kislotalar, kreatin hosil bo‘lishida ishtirok etadi, eritrotsitlarda sulfgidril guruhli birikmalar to‘planishiga yordam beradi. O‘sish omili bo‘lib, nornablastik eritropoez uchun zarur bo‘lgan suyak iligi funksiyasini stimulyatsiya qiladi. Tsianokobalamin jigar va asab tizimining buzilgan funksiyalarini normallashtirishga yordam beradi, qon ivish tizimini faollashtiradi, yuqori dozalarda tromboplastin va protrombin faolligini oshiradi. Aterosklerozda qondagi xolesterin miqdorini pasaytiradi. Inson va hayvon organizmida ichak mikroflorasi tomonidan sintezlanadi, biroq bu sintez vitamin ehtiyojini qondirmaydi va organizm uni qo‘shimcha ravishda oziq-ovqat mahsulotlari bilan oladi.

Yomon sifatli, postgemorragik va temir tanqisligi anemiyalarini, bolalarda aplastik anemiyalarni, oziq-ovqat bilan bog‘liq anemiyalarni, shuningdek toksik moddalar va dori vositalari bilan chaqirilgan anemiyalarni, vitamin V12 tanqisligi bilan kechadigan boshqa anemiyalarni, tanqislik sababidan qat’i nazar (oshqozon rezektsiyasi, gijja bosqini, ichakdan so‘rilish jarayonining buzilishi, homiladorlik va boshqalar) davolashda qo‘llaniladi. Preparat, shuningdek, polinevritlar, uch shoxli nerv nevralgiyasi, radikulit, kauzalgiyalar, migren, diabetik nevritlar, amiotrofik lateral skleroz, bolalar tserebral falaji (BTF); Daun kasalligi, alkogolli deliriy, muddatidan oldin tug‘ilgan va yangi tug‘ilgan bolalarda distrofiyalar, infeksion kasalliklardan so‘ng, spru (foliy kislotasi bilan birga), jigar kasalliklari (gepatitlar, tsirrozlar, Botkin kasalligi), psoriaz, gerpetiform dermatit, neyrodermitlar, fotodermatozlar, shuningdek nurlanish kasalligida ko‘rsatilgan.

Tromboemboliya, eritremiya, eritrotsitoz va preparatga yuqori sezuvchanlik. Dori vositalari o‘zaro ta’siri Vitamin V12 tiamin tomonidan chaqirilgan allergik reaksiyalarni kuchaytirishi mumkin. Xloramfenikol preparatning gemopoetik javobini pasaytiradi. Tsianokobalaminni qon ivish qobiliyatini oshiruvchi preparatlar bilan birga qo‘llash mumkin emas.

Tsianokobalamin, odatda, yaxshi o‘zlashtiriladi. Preparatga yuqori sezuvchanlikda allergik holatlar kuzatilishi mumkin. Bosh og‘rig‘i, bosh aylanishi, asabiy qo‘zg‘aluvchanlik, yurak sohasida og‘riq, taxikardiya bo‘lishi mumkin. Yuqori dozalarda qo‘llanganda - giperkogulyatsiya, purin almashinuvining buzilishi. Bunday hollarda preparatni vaqtincha yoki butunlay to‘xtatadilar. Zaruriyat tug‘ilganda davolashni preparatning kichik dozalari (15-30 mkg) bilan qayta boshlaydilar.