1 ml eritma quyidagilarni o‘z ichiga oladi: Faol modda metoklopramid gidroxlorid (metoklopramid gidroxlorid anhidrid hisobida) - 5 mg Yordamchi moddalari natriy metabisulfit, in'ektsiya uchun suv

Metoklopramid markaziy asab tizimining dofamin (D-2) va serotonin (5-NT-3) retseptorlarining spetsifik blokatori bo‘lib, aniq ifodalangan qusishga qarshi ta’sir ko‘rsatadi (psixogen va vestibulyar genezli qusishdan tashqari), ovqat hazm qilish yo‘lining yuqori bo‘limlari, asosan, oshqozon va o‘n ikki barmoqli ichak tonusi va motorikasini tartibga soladi, oshqozon va me’da osti bezining sekretsiyasiga ta’sir qilmaydi. Bundan tashqari, Metoklopramid qizilo‘ngach sfinkteri bosimini oshiradi va gastroezofageal reflyuksni kamaytiradi. Metoklopramidning prokinetik ta’siri ovqat hazm qilish yo‘lining distal yo‘nalishida kamayadi. Preparat Oddi sfinkteri spazmini kamaytirib, o‘t ajralishini normallashtiradi, o‘t pufagi diskineziyasini kamaytiradi. Prolaktin sekretsiyasini stimulyatsiya qiladi (boshqa dofamin retseptorlari blokatorlari kabi). To‘qimalarning atsetilxolinga sezuvchanligini oshiradi.

Buyrak, jigar yetishmovchiligi, bronxial astma, arterial gipertenziya bo‘lgan bemorlarda ehtiyotkorlik bilan qo‘llanadi. Ovqat hazm qilish yo‘llarida operatsiyadan so‘ng buyurilmaydi, chunki metoklopramidning propulsiv effekti choklarning bitishiga to‘sqinlik qiladi. Metoklopramid qo‘llanilganda jigar funksional testlari natijalari va plazmada aldosteron hamda prolaktin konsentratsiyasini aniqlash natijalari buzilishi mumkin. Davolash davrida avtotransport boshqarish va yuqori diqqat hamda tez psixomotor reaksiyalar talab qiladigan potensial xavfli faoliyat turlari bilan shug‘ullanishdan saqlanish lozim. Ko‘pchilik nojo‘ya ta’sirlar davolash boshlanganidan 36 soat ichida yuzaga keladi va metoklopramid bekor qilingandan 24 soat o‘tib yo‘qoladi. Davolash davrida alkogol iste’mol qilishdan saqlanish kerak. Preparatni bolalar qo‘li yetmaydigan joyda saqlash va yaroqlilik muddati tugaganidan keyin ishlatmaslik kerak.

 Metoklopramid atsetilsalisil kislotasi, paratsetamol, diazepam, etil spirti, levodopa, tetratsiklin, ampisillin so‘rilishini kuchaytiradi. Etanol ta’sirini kuchaytiradi. Digoksinning kardiotrop ta’sirini kamaytiradi. Simetidin so‘rilishini kamaytiradi, shuning uchun uning yuqoriroq dozalari talab qilinadi. Metoklopramid anaprilin darajasiga qonda og‘iz orqali qabul qilinganda ta’sir ko‘rsatmaydi. 

 Belgilari: yuz mushaklari spazmi, trizm, bulbar tipdagi nutq, ekstraokulyar mushaklar spazmi (okulogir krizlarni o‘z ichiga oladi), bosh va yelkaning g‘ayritabiiy holati, opistotonus, umumiy mushak tonusining oshishi. Davolash: Ba’zan preparatni bekor qilish dozani oshirib yuborish simptomlarini bartaraf etish uchun yetarli (odatda 24 soat ichida yo‘qoladi). Dozani oshirib yuborishni dori bilan davolash uchun kofein, antixolinergik parkinsonga qarshi vositalar yoki benzodiazepin qo‘llaniladi.