- tsefiksim yoki preparat komponentlariga yuqori sezuvchanlik; - tsefalosporinlar yoki penisillinlarga yuqori sezuvchanlik; - ushbu dori shaklida surunkali buyrak yetishmovchiligi bo‘lgan bolalar va tana vazni 25 kg dan kam bo‘lgan bolalarda qo‘llash tavsiya etilmaydi Ehtiyotkorlik bilan Qariyalar, buyrak yetishmovchiligi, kolit (anamnezda), homiladorlik.

Kattalar va tana vazni 50 kg dan ortiq bo‘lgan bolalar uchun sutkalik doza 400 mg ni bir yoki ikki marta qabul qilishni tashkil etadi. Tana vazni 25-50 kg bo‘lgan bolalarga preparat 200 mg sutkada bir marta qabul qilish uchun buyuriladi. Tabletkani to‘g‘ridan-to‘g‘ri qabul qilishdan oldin bir choy qoshiq qaynatilgan va sovutilgan suvda eritish kerak. Davolash davomiyligi kasallikning kechishi va infeksiya turiga bog‘liq. Infeksiya va/yoki isitma simptomlari yo‘qolgandan so‘ng preparatni kamida 48-72 soat davomida qabul qilish maqsadga muvofiq. Nafas yo‘llari va LOR a’zolari infeksiyalarida davolash kursi 7-14 kunni tashkil etadi. Streptococcus pyogenes sababli tonzillofaringitda davolash davomiyligi kamida 10 kun bo‘lishi kerak. Oddiy kechuvchi gonoreyada preparat 400 mg dozada bir marta buyuriladi. Ayollarda oddiy kechuvchi pastki siydik yo‘llari infeksiyalarida preparat 3-7 kun davomida, oddiy kechuvchi yuqori siydik yo‘llari infeksiyalarida esa 14 kun davomida buyurilishi mumkin. Erkaklarda oddiy kechuvchi yuqori va pastki siydik yo‘llari infeksiyalarida davolash davomiyligi 7-14 kunni tashkil etadi. Buyrak funksiyasi buzilganda doza qon zardobidagi kreatinin klirensiga qarab belgilanadi. Kreatinin klirensi 21-60 ml/min bo‘lsa yoki gemodializda bo‘lgan bemorlarda sutkalik dozaning 25% ga kamaytirilishi zarur bo‘lgani uchun preparatning boshqa dori shakllaridan foydalanish tavsiya etiladi. Kreatinin klirensi 20 ml/min va undan kam bo‘lsa yoki peritoneal dializda bo‘lgan bemorlarda sutkalik doza 2 marta kamaytirilishi kerak.

Nojo'ya ta'sirlar ro'yxatga olingan holatlar tez-tezligiga ko'ra tasniflanadi: Juda tez-tez: (>10%); tez-tez (1-10%); kamdan-kam (0,1-1%); kam (0,01-0,1%); juda kam (≤0,01%); Qon tizimi va gemopoez organlari tomonidan: Juda kam: o'tkinchi leykopegiya, agranulositoz, pansitopeniya, trombotsitopeniya yoki eozinofiliya. Qon ivishining buzilishi alohida hollarda kuzatilgan. Tez-tezligi noma'lum: gemolitik anemiya Allergik reaksiyalar: Kam: allergik reaksiyalar (masalan, eshakemi, toshma, ko'p shaklli eritema, teri qichishishi). Juda kam: Layell sindromi (toksik epidermal nekroliz); sensibilizatsiya bilan bog'liq boshqa allergik reaksiyalar – dori isitmasi, zardob kasalligiga o'xshash sindrom, gemolitik anemiya va interstitsial nefrid, Stivens-Djonson sindromi, anafilaktik shok. Ba'zi bemorlarda dori toshmasi, eozinofiliya va tizimli namoyonalar bilan kechuvchi sindrom holatlari qayd etilgan. Nerv tizimi tomonidan: Kamdan-kam: bosh og'rig'i, bosh aylanishi, disforiya, bezovtalik. Nafas olish tizimi tomonidan: Tez-tezligi noma'lum: dispnoe. Ovqat hazm qilish tizimi tomonidan reaksiyalar: Tez-tez: qorin og'rig'i, ovqat hazm qilish buzilishi, ko'ngil aynishi, qusish va diareya. Juda kam: soxta membranoz kolit. Gepatobiliar tizimi tomonidan: Kam: ishqoriy fosfataza va "jigar" transaminazalarining faolligi oshishi, qonda bilirubin konsentratsiyasining oshishi. Juda kam: gepatit va xolestatik sariqlikning alohida holatlari. Siydik-jinsiy tizimi tomonidan: Juda kam: qonda kreatinin va mochevina konsentratsiyasining biroz oshishi, gematuriya.

Kanaltubulyar sekretsiya blokatorlari (probenetsid va boshqalar) tsefiksimning buyraklar orqali chiqarilishini sekinlashtiradi, bu esa dozani oshirib yuborish simptomlariga olib kelishi mumkin. Tsefiksim protrombin indeksini pasaytiradi, bilvosita antikoagulyantlarning ta’sirini kuchaytiradi. Tsefiksimni karbamazepin bilan bir vaqtda qo‘llashda oxirgisining plazmadagi konsentratsiyasi oshishi kuzatilgan; bunday hollarda terapevtik dori monitoringini o‘tkazish maqsadga muvofiq.

Maksimal sutkalik dozadan oshirib qabul qilinganda yuqorida tavsiflangan dozaga bog‘liq nojo‘ya ta’sirlar tez-tez uchrashi mumkin. Davolash: oshqozonni yuvish; simptomatik va yordamchi terapiya o‘tkaziladi. Gemodializ va peritoneal dializ samarali emas.