5 ml (qayta tiklangandan so‘ng) suspenziya tarkibida: faol modda: tsefiksim trigidrat (tsefiksimga ekvivalent) - 100 mg; yordamchi moddalari: sukroza, kolloid kremniy dioksidi, natriy karboksimetil sellyuloza, metilparaben, propilparaben, quruq mango ta’mi, Col. Quinoline Yellow, Col. Quinoline Yellow Lake.

Preparatga sezgir mikroorganizmlar chaqirgan infeksion-yallig'lanish kasalliklari: - streptokokkli tonzillit va faringit, sinusitlar; - o'tkir bronxit; - surunkali bronxitning zo‘rayishi; - o'tkir o‘rta otit; - asoratsiz siydik yo‘llari infeksiyalari; - asoratsiz gonoreya; - shigellyoz

- tsefiksim yoki preparat komponentlariga yuqori sezuvchanlik; - tsefalosporinlar yoki penisillinlarga yuqori sezuvchanlik; - ushbu dori shaklida surunkali buyrak yetishmovchiligi bo'lgan bolalar va tana vazni 25 kg dan kam bo'lgan bolalarda qo'llash tavsiya etilmaydi

Bolalar (6 oylik va undan katta yoshdagilar): suspenziya uchun tavsiya etilgan doza 8 mg/kg/kun. Ushbu doza kunlik bir martalik doza sifatida yoki ikki bo‘lingan dozada, ya’ni har 12 soatda 4 mg/kg tarzida buyurilishi mumkin. Tavsiya etilgan doza har bir bolaning vazn oralig‘i uchun alohida aniqlanishi kerak (quyidagi Jadvalga qarang). Dozalash millilitrda, konsentratsiyani o‘z ichiga olgan holda ko‘rsatilgan. Bolalar uchun tavsiya etilgan dozalar Bemor tana vazni (kg) Doza/kun (mg) Doza/kun (ml) 5 dan 7,5 gacha 50 2,5 7,6 dan 10 gacha 80 4 10,1 dan 12,5 gacha 100 5 12,6 dan 20,5 gacha 150 7,5 20,6 dan 28 gacha 200 10 28,1 dan 33 gacha 250 12,5 33,1 dan 40 gacha 300 15 40,1 dan 45 gacha 350 17,5 45,1 va undan yuqori 400 20 Tana vazni 45 kg dan yuqori yoki yoshi 12 yoshdan katta bo‘lgan bolalarga kattalar dozasini buyurish kerak. Davolash kursining davomiyligi: Klinik tadqiqotlarda preparatni qo‘llash davomiyligi 10-14 kunni tashkil qilgan. Davolash kursining davomiyligi bemorning klinik va bakteriologik javobiga qarab aniqlanishi kerak. Streptococcus pyogenes sababli infeksiyalarni davolashda, terapevtik doza Tsefilel kamida 10 kun davomida buyurilishi kerak. Tsefilel buyrak yetishmovchiligi bo‘lgan bemorlarga buyurilishi mumkin. Kreatinin klirensi 60 ml/min va undan yuqori bo‘lgan bemorlarga odatdagi doza va qabul sxemasi buyurilishi mumkin. Suspenziya tayyorlash usuli Suspenziya tayyorlashdan oldin flakon ichidagi kukunni bir necha marta chayqatib, flakon tarkibini bo‘shating. Suvni qaynatib, sovuting. Flakonga taxminan yarmigacha suv qo‘shing, flakonni qopqog‘i bilan yoping va yaxshilab chayqatib aralashtiring. Qopqog‘ini oching va flakondagi belgi darajasigacha suv qo‘shing, flakonni qopqog‘i bilan yoping va bir hil suspenziya hosil bo‘lguncha chayqatib aralashtiring.

Qon tizimi va gematopoez organlari tomonidan: Juda kamdan-kam: o'tkinchi leykopegiya, agranulositoz, panstsitopeniya, trombotsitopeniya yoki eozinofiliya. Qon ivishining buzilishi alohida hollarda kuzatilgan. Tez-tezligi noma'lum: gemolitik anemiya Allergik reaksiyalar: Kamdan-kam: allergik reaksiyalar (masalan, toshma, toshma, ko'p shaklli eritema, teri qichishishi). Juda kamdan-kam: Layell sindromi (toksik epidermal nekroliz); sensibilizatsiya bilan bog'liq boshqa allergik reaksiyalar – dori isitmasi, zardob kasalligiga o'xshash sindrom, gemolitik anemiya va interstitsial nefrite, Stivens-Djonson sindromi, anafilaktik shok. Ba'zi bemorlarda dori toshmasi, eozinofiliya va tizimli namoyonlar bilan sindrom holatlari kuzatilgan. Nerv tizimi tomonidan: Tez-tez emas: bosh og'rig'i, bosh aylanishi, disforiya, bezovtalik. Nafas olish tizimi tomonidan: Tez-tezligi noma'lum: dispnoe. Ovqat hazm qilish tizimi tomonidan reaksiyalar: Tez-tez: qorin og'rig'i, ovqat hazm qilish buzilishi, ko'ngil aynishi, qusish va diareya. Juda kamdan-kam: soxta membranoz kolit. Gepatobiliar tizimi tomonidan: Kamdan-kam: ishqoriy fosfataza va "jigar" transaminazalarining faolligi oshishi, qonda bilirubin kontsentratsiyasining oshishi. Juda kamdan-kam: gepatit va xolestatik sariqlikning alohida hollari. Siydik-tanlov tizimi tomonidan: Juda kamdan-kam: qonda kreatinin va mochevina kontsentratsiyasining biroz oshishi, gematuriya. Ogohlantirishlar: Qari yosh, buyrak yetishmovchiligi, kolit (anamnezda), homiladorlik.

Ta'sir mexanizmi Og'iz orqali qabul qilinadigan III avlod sefalosporinlar guruhiga mansub yarim sintetik antibiotik. Bakterisid ta'sir ko'rsatadi. Ta'sir mexanizmi bakteriyalar hujayra devori sintezini bostirish bilan bog'liq. Tsefiksim ko'plab gram-musbat va gram-manfiy bakteriyalar tomonidan ishlab chiqariladigan β-laktamazalarga nisbatan barqaror. Antimikrob faollik spektri Klinik amaliyotda va in vitro sharoitida tsefiksimning samaradorligi quyidagi infeksiyalarda tasdiqlangan: Streptococcus pneumoniae, Streptococcus pyogenes, Haemophilus influenzae, Moraxella catarrhalis, Escherichia coli, Proteus mirabilis, Neisseria gonorrhoeae. Tsefiksim, shuningdek, in vitro sharoitida quyidagi gram-musbat – Streptococcus agalactiae va gram-manfiy bakteriyalarga – Haemophilus parainfluenzae, Proteus vulgaris, Klebsiella pneumoniae, Klebsiella oxytoca, Pasteurella multocida, Providencia spp., Salmonella spp., Shigella spp., Citrobacter amalonaticus, Citrobacter diversus – nisbatan faollikka ega. Preparatga Pseudomonas spp., Enterococcus spp., Listeria monocytogenes, Enterobacter spp.ning ko'pchilik shtammlari, Staphylococcus spp. (shu jumladan, metitsillinrezistent shtammlar), Bacteroides fragilis, Clostridium spp. barqaror.

Karbamazepin Tsefiksimni karbamazepin bilan bir vaqtda qo‘llashda karbamazepin darajalarining oshishi haqida xabar berilgan. Plazmadagi karbamazepin konsentratsiyasidagi o‘zgarishlarni aniqlash uchun dori vositalarini monitoring qilish talab qilinishi mumkin. Varfarin va antikoagulyantlar Tsefiksimni varfarin yoki antikoagulyantlar bilan bir vaqtda qo‘llashda protrombin vaqti oshishi, qon ketishi bilan yoki usiz rivojlanishi haqida xabar berilgan. Laborator tahlillar natijalariga ta’siri Nitroprussid qo‘llanilgan tahlillarda siydikda ketonlarga soxta musbat reaksiya kuzatilishi mumkin, ammo nitroferritsianid qo‘llanilganda emas.

Gipersensitivlik reaksiyalari: tsefiksim qo‘llangandan so‘ng anafilaktik va anafilaktoid reaksiyalar (shu jumladan shok va o‘lim holatlari) rivojlanishi haqida xabar berilgan. Clostridium difficile bilan bog‘liq diareya: deyarli barcha antimikrob preparatlarni, shu jumladan Tsefiksimni qabul qilgandan so‘ng Clostridium difficile (CDAD) bilan bog‘liq diareya rivojlanishi kuzatiladi va og‘irlik darajasi yengil diareyadan o‘limga olib keluvchi kolitgacha bo‘lishi mumkin. Antimikrob preparatlar bilan davolash kursi ichakning normal mikroflorasini o‘zgartiradi, bu esa C. difficile ning haddan tashqari ko‘payishiga olib keladi. Buyrak yetishmovchiligi Tsefiksim dozasini buyrak yetishmovchiligi bo‘lgan bemorlar, shuningdek, doimiy ambulator peritoneal dializ (CAPD) va gemodializ (HD) buyurilgan bemorlar uchun moslashtirish kerak. Dializdagi bemorlarni diqqat bilan monitoring qilish zarur. Koagulyatsiya effekti Tsefiksim (tsefalosporinlar) qabul qilish protrombin faolligining pasayishi bilan bog‘liq bo‘lishi mumkin. Xavf guruhiga buyrak yoki jigar yetishmovchiligi, yoki yetarli ovqatlanmaslik bo‘lgan bemorlar, shuningdek, uzoq muddatli antimikrob terapiya buyurilgan bemorlar va ilgari antikoagulyantlar bilan davolangan bemorlar kiradi. Xavf guruhidagi bemorlarda protrombin vaqtini monitoring qilish va ko‘rsatmalar bo‘yicha ekzogen vitamin K buyurish zarur. Preparatga rezistent bakteriyalarning rivojlanishi Tsefiksim (pefiksim) ni tasdiqlangan yoki gumon qilingan mikrob infeksiyasi bo‘lmagan holda buyurish bemorga zarar yetkazmaslik va preparatga rezistent bakteriyalar rivojlanish xavfini oshirmaslik uchun maqsadga muvofiq emas. Qariyalar Klinik tadqiqotlarga 65 yosh va undan katta yoshdagi bemorlar yetarli miqdorda kiritilmagan, shuning uchun ushbu toifadagi bemorlarning javobi yoshroq bemorlar javobidan farq qiladimi aniqlanmagan. Klinik qo‘llash natijalari qariyalar va yoshroq bemorlar javobida farq yo‘qligini tasdiqlamagan. Qariyalarda farmakokinetik tadqiqotlar natijalari farmakokinetik ko‘rsatkichlarda farq borligini ko‘rsatgan. Bu farqlar ahamiyatsiz bo‘lgan va ushbu toifadagi bemorlar uchun doza tuzatishni talab qilmagan. Homiladorlik va laktatsiya davri Sichqonlarda o‘tkazilgan reproduktiv funktsiya tadqiqotlari, homilador ayollar uchun tavsiya etilgan terapevtik dozadan 40 baravar yuqori dozada, tsefiksimning embrionga ta’siri yo‘qligini ko‘rsatgan. Homilador ayollarda yetarli va nazoratli tadqiqotlar o‘tkazilmagan. Hayvonlar modelida o‘tkazilgan reproduktiv funktsiya tadqiqotlari har doim ham odamlarda klinik javobni oldindan aytib bera olmasligi sababli, ushbu preparatni homiladorlik davrida faqat zaruriyat bo‘lsa qo‘llash maqsadga muvofiq. Tsefiksimning ko‘krak sutiga o‘tishi haqida ma’lumotlar yo‘q. Ushbu preparatni qo‘llash davrida emizishni vaqtincha to‘xtatish imkoniyati hisobga olinishi kerak. Bolalar Tsefiksimni 6 oylikdan kichik bolalarda qo‘llash xavfsizligi va samaradorligi o‘rganilmagan. Tsefiksim suspenziyasi buyurilgan bolalarda oshqozon-ichak trakti tomonidan nojo‘ya ta’sirlar, shu jumladan diareya va suyuq axlat, uchrash tezligi tsefiksim tabletkalari buyurilgan kattalardagi tezlikka mos kelgan.

Siptomlar: sog‘lom kattalar ko‘ngillilarida kuniga bir martalik 2 g gacha tsefiksim dozalari buyurilganda kuzatilgan nojo‘ya reaksiyalar profili tavsiya etilgan terapevtik dozalari buyurilgan bemorlardagi profilidan farq qilmagan. Davolash: oshqozonni yuvish talab qilinishi mumkin; biroq, maxsus antidot mavjud emas. Tsefiksim gemodializ yoki peritoneal dializ vaqtida qon aylanish tizimidan sezilarli miqdorda chiqarilmaydi.