CEF-OD DS suspenziyasining har 5 ml da: Faol modda: Tsefiksim trigidrat 200,0 mg. Yordamchi moddalari: Xanthan Gum, Natriy benzoat, Metilparaben, Propilparaben, Natriy sitrat, Aspartam, Karboksimetilsellyuloza, Kremniy dioksid kolloid (Aerosil 200), ananas aromatizatori, Shakar.

Infeksion-yallig‘lanish kasalliklari: faringit; tonzillit; sinusitlar; o‘tkir va surunkali bronxit; o‘rta otit; murakkablanmagan siydik yo‘llari infeksiyalari; murakkablanmagan gonoreya.

Tsefalosporinlar va penisillinlarga yuqori sezuvchanlik. Ehtiyotkorlik bilan quyidagi bemorlarga buyuriladi: keksalar, surunkali buyrak yetishmovchiligi yoki psevdomebranli koliti (anamnezda) bo‘lgan bemorlar, suspenziya tayyorlash uchun granulalar shaklida – 6 oygacha bo‘lgan bolalarga.

12 yoshgacha bo‘lgan bolalarga preparat suspenziya shaklida tana vazniga 8 mg/kg dozada 1 marta/kun yoki har 12 soatda 4 mg/kg dozada buyuriladi. Yosh 200 mg/5 ml 1-4 yosh 2,5 - 4 ml/0,5 choy qoshiq 5-9 yosh 5 ml / 1 choy qoshiq 10-12 yosh 7,5 ml / 1,5 choy qoshiq Streptococcus pyogenes tomonidan chaqirilgan infeksiyalarda davolash kursi kamida 10 kun bo‘lishi kerak.

Ovqat hazm qilish tizimi tomonidan: og‘iz qurishi, anoreksiya, ko‘ngil aynishi, qusish, diareya, qabziyat, qorin og‘rig‘i, meteorizm, jigar transaminazalari va ishqoriy fosfataza faolligining o‘tkinchi oshishi, giperbilirubinemiya, sariqlik, OVKT kandidozi, disbakterioz; kamdan-kam hollarda - stomatit, glossit, soxta membranoz enterokolit. Qon yaratish tizimi tomonidan: leyopeniya, trombotsitopeniya, neyropeniya, gemolitik anemiya. Markaziy asab tizimi tomonidan: bosh aylanishi, bosh og‘rig‘i. Siydik ajratish tizimi tomonidan: interstitsial nefrid. Allergik reaksiyalar: teri qichishishi, toshma, teri giperemiyasi, eozinofiliya, isitma, ko‘p shaklli ekssudativ eritema, toksik epidermal nekroliz, anafilaktik shok. Laborator ko‘rsatkichlar tomonidan: siydik azoti oshishi, giperkreatininemiya, protrombin vaqti oshishi. Boshqalar: kandidoz, nafas qisishi, B vitamini gipovitaminozi rivojlanishi.

Tsefiksim – III avlod tsefalosporin antibiotigi. Bakteritsid ta'sir ko‘rsatadi (bakteriya hujayra devorining asosiy strukturaviy komponenti bo‘lgan peptidoglikan sintezini ingibitsiya qiladi). Beta-laktamazalarga nisbatan barqaror. Keng ta'sir doirasiga ega, u turli aerobl va anaerobl gram-musbat va gram-manfiy mikroorganizmlarni, shu jumladan Pseudomonas aeruginosa ni o‘z ichiga oladi. Tsefiksim quyidagi mikroorganizmlar tomonidan chaqirilgan, preparatga sezgir bo‘lgan quyidagi infeksiyalarni davolash uchun qo‘llaniladi. Turlari: Streptococcus spp., Streptococcus pneumonia, Neisseria gonorrhoeae, Neisseria meningitides, Moraxella (Branhamella) catarrhalis, Escherichia coli, Klebsiella spp., Serratia spp., Proteus spp., Providencia spp., Morganella morganii, Haemophilus influenza, Haemophilus parainfluenzae, Salmonella spp., Shigella spp., Aeromonas hydrophila, Pasteurella multocida, Citrobacter freundii, Citrobacter amalonaticus, Citrobacter diversus, Enterobacter spp., Acinetobacter lwoffi, Yersinia enterocolitica, Campylobacter jejuni. Barqaror mikroorganizmlar: Gram-musbat aerobl mikroorganizmlar: Enterococcus spp., Staphylococcus spp., Streptococcus pneumoniae (penitsillinga o‘rtacha sezuvchanlik yoki barqarorlikda). Gram-manfiy aerobl mikroorganizmlar: Pseudomonas aeruginosa. Boshqa mikroorganizmlar: Chlamydia spp., Chlamydophila spp., Legionella pneumophila, Mycoplasma spp.

Kanaltubulyar sekretsiya blokatorlari (allopurinol, diuretiklar) tsefiksimning buyraklar orqali chiqarilishini sekinlashtiradi, bu esa dori vositasining qon plazmasidagi konsentratsiyasining oshishiga olib kelishi mumkin. Tsefiksim va karbamazepin birga qo‘llanganda, karbamazepinning qon plazmasidagi konsentratsiyasi oshadi. Protrombin indeksini pasaytiradi, bilvosita antikoagulyantlarning ta’sirini kuchaytiradi. Magnezium yoki alyuminiy gidroksidini o‘z ichiga olgan antatsidlar preparatning so‘rilishini sekinlashtiradi, shuning uchun preparatni ushbu dori vositalarini qabul qilishdan 1-2 soat oldin yoki 4 soat o‘tgach qabul qilish kerak.

Umumiy qoida sifatida, preparatni qo‘llash davomiyligi bemorning holatini davolash uchun zarur bo‘lgan minimal muddat bilan cheklanishi kerak, patogen sezuvchanligi aniqlangandan so‘ng, mikroorganizmlarning preparatga barqarorligi paydo bo‘lishining oldini olish uchun. Davolashni boshlashdan oldin tsefalosporinlar, penisillinlar va boshqa preparatlarga yuqori sezuvchanlik reaksiyalari haqida anamnezda ma’lumot bor-yo‘qligini aniqlash zarur. Allergik reaksiyalarga, masalan, bronxial astma, toshma yoki eshakemiya kabi shaxsiy yoki irsiy moyilligi bo‘lgan bemorlarga ehtiyotkorlik bilan buyuriladi.