Extiyotkorlik bilan preparatni podagra, giperyurikemiya, oshqozon va o‘n ikki barmoqli ichak yarasi yoki oshqozon-ichak qon ketishlari (anamnezda), buyrak/jigar yetishmovchiligi, bronxial astma, nafas olish organlarining surunkali kasalliklari, pichan isitmasi, burun polipozi, dori allergiyasi, metotreksatni haftasiga 15 mg dan kam dozalarda birga qabul qilish, birga antikoagulyantlar bilan davolash, homiladorlikning II trimestrida qo‘llash kerak.

Homiladorlik va emizish davrida qo‘llash
“Trombafon” preparatini homiladorlikning I va III trimestrlarida hamda laktatsiya davrida qo‘llash mumkin emas.
Homiladorlikning I trimestrida salitsilatlarni qo‘llash yuqori tanglay yoriqlari, yurak nuqsonlari rivojlanishiga olib keladi; III trimestrda esa tug‘ruq faoliyatining susayishi, homilada arterial kanalning erta yopilishi, ona va homilada qon ketishining kuchayishi, tug‘ruq oldidan buyurilganda esa, ayniqsa muddatidan oldin tug‘ilgan bolalarda, bosh ichiga qon quyilishiga sabab bo‘lishi mumkin.
Homiladorlikning II trimestrida salitsilatlarni faqat onaga kutilayotgan foyda va homilaga potensial xavf qat’iy baholangandan so‘ng buyurish mumkin.
Salitsilatlar va ularning metabolitlari kichik miqdorda ona suti bilan ajraladi. Laktatsiya davrida salitsilatlarni tasodifiy qabul qilish bolada nojo‘ya reaksiyalar rivojlanishi bilan kechmaydi va emizishni to‘xtatishni talab qilmaydi. Biroq preparatni uzoq muddat qo‘llash yoki yuqori dozalarda buyurilganda emizishni darhol to‘xtatish kerak.

Dori vositasi uzoq muddat qo'llash uchun mo'ljallangan. Davolash davomiyligini shifokor belgilaydi.
Tabletkalar og'iz orqali, ovqat qabul qilishdan qat'i nazar, chaynalmay, oz miqdorda suv bilan ichiladi.
Yurakning o'tkir infarkti gumon qilinganda profilaktika maqsadida 75 mg/kun yoki 150 mg/kun buyuriladi.
Birinchi marta yuzaga kelgan o'tkir yurak infarkti profilaktikasi maqsadida xavf omillari mavjud bo'lsa, 75 mg/kun yoki 150 mg/kun buyuriladi.
Qayta infarkt, beqaror stenokardiya, insult va miya qon aylanishining o'tkinchi buzilishi, jarrohlik amaliyotlari yoki invaziv tekshiruvlardan keyingi tromboembolik asoratlar profilaktikasi maqsadida 75 mg/kun yoki 150 mg/kun buyuriladi.
Chuqur venalar trombozi va o'pka arteriyasi hamda uning shoxlarining tromboemboliyasi profilaktikasi maqsadida 75 mg/kun yoki 150 mg/kun buyuriladi.

Ovqat hazm qilish tizimi tomonidan: ko'ngil aynishi, qizish, qusish, qorin sohasida og'riq, diareya, me'da va o'n ikki barmoqli ichak shilliq qavatining yaralari, shu jumladan perforativ, me'da-ichak qon ketishi, jigar fermentlari faolligining oshishi.
Nafas olish tizimi tomonidan: bronxospazm.
Markaziy asab tizimi tomonidan: bosh aylanishi, quloqda shovqin.
Qon yaratilish tizimi tomonidan: qon ketuvchanlikning oshishi; kamdan-kam hollarda - anemiya.
Allergik reaksiyalar: eshakemi, Kvinke shishi.

Yallig'lanishga qarshi nosteroid vosita, antiagregant. Atsetilsalisil kislotasining ta'sir mexanizmi asosida COX-1 ni qaytmas ingibitsiyalash yotadi, natijada tromboksan A 2 sintezi bloklanadi va trombotsitlar agregatsiyasi bostiriladi.
Antiagregant ta'siri preparatning kichik dozalarda qo'llanilishidan keyin ham rivojlanadi va bir martalik qabuldan so'ng 7 kun davomida saqlanib turadi. Ushbu xususiyatlari tufayli atsetilsalisil kislotasi miokard infarkti, IBO, varikoz kasalligi asoratlarini oldini olish va davolashda qo'llaniladi.
Atsetilsalisil kislotasi, shuningdek, yallig'lanishga qarshi, og'riq qoldiruvchi, isitmani tushiruvchi ta'sir ko'rsatadi.
“Trombafon” tabletkalari ichakda eriydigan qobiq bilan qoplangan, bu orqali ular o'n ikki barmoqli ichakning ko'proq ishqoriy muhitida eriydi va faol modda ajralib chiqadi, atsetilsalisil kislotasining oshqozon shilliq qavatiga ta'sirini kamaytiradi.

Asetilsalisil kislotasi bronxospazmni qo‘zg‘atishi, shuningdek, bronxial astma xurujlari va boshqa yuqori sezuvchanlik reaksiyalarini keltirib chiqarishi mumkin.
Risk omillari sifatida bronxial astma anamnezda bo‘lishi, pichan isitmasi, burun polipozi, nafas olish tizimining surunkali kasalliklari, shuningdek, boshqa preparatlarga (masalan, teri reaksiyalari, qichishish, toshma) allergik reaksiyalar mavjudligi hisoblanadi.
Asetilsalisil kislotasi jarrohlik aralashuvlari vaqtida va undan keyin turli darajadagi qon ketishlarni keltirib chiqarishi mumkin. Preparat qabulini taxmin qilinayotgan operatsiyadan 5-7 kun oldin to‘xtatish zarur.
Asetilsalisil kislotasini antikoagulyantlar, trombolitik preparatlar va trombotsitlar agregatsiyasi ingibitorlari bilan birga qo‘llash qon ketish rivojlanish xavfini oshiradi.
Asetilsalisil kislotasi past dozalarda moyilligi bo‘lgan shaxslarda (siydik kislotasining chiqarilishi kamaygan) podagra rivojlanishini qo‘zg‘atishi mumkin.
Asetilsalisil kislotasini metotreksat bilan birga qo‘llash gematopoez organlari tomonidan nojo‘ya ta’sirlar rivojlanishining yuqori chastotasi bilan kechadi.
Asetilsalisil kislotasi yuqori dozalarda gipoglikemik ta’sir ko‘rsatadi, bu esa uni qandli diabet bilan og‘rigan, gipoglikemik vositalar qabul qilayotgan bemorlarga buyurishda inobatga olinishi kerak.
Shuni inobatga olish kerakki, GKS va salitsilatlar birga buyurilganda qonda salitsilatlar konsentratsiyasi kamayadi, GKS bekor qilingandan so‘ng esa salitsilatlar bilan dozani oshirib yuborish mumkin.
“Trombafon” preparatini ibuprofen bilan birga qo‘llash tavsiya etilmaydi, chunki oxirgisi asetilsalisil kislotasining samaradorligini kamaytiradi.
Asetilsalisil kislotasi dozasining oshirib yuborilishi me’da-ichak qon ketishi xavfi bilan bog‘liq.
Asetilsalisil kislotasini etanol bilan birga qo‘llash me’da-ichak shilliq qavatiga zarar yetkazish va qon ketish vaqtining uzayishi xavfini oshiradi.
Dozani oshirib yuborish ayniqsa keksalarda xavflidir. 65 yoshdan katta bemorlarga buyrak funksiyasi yomonlashgani va ovqat hazm qilish tizimi tomonidan nojo‘ya reaksiyalar ko‘proq uchragani sababli “Trombafon” ni kichik dozalarda buyurish kerak.
Transport vositalarini va mexanizmlarni boshqarish qobiliyatiga ta’siri “Trombafon” preparatining avtotransportni boshqarish yoki mexanizmlar bilan ishlash qobiliyatiga salbiy ta’siri haqida ma’lumotlar mavjud emas.