Farmakodinamika.

Dori vositasining faol moddasida antiishemik, membranostabilizatsiyalovchi, antioksidant va immunomodulyator ta’sir mavjud.

Dori vositasining ta’sir mexanizmi anaerob glikolizning kompensator faollashuvini kuchaytirish va Krebs siklida oksidlanish jarayonlarini faollashtirish bilan bog‘liq bo‘lib, hujayra ichidagi ATF zaxirasini saqlab qoladi.

Molekula tarkibida tiol oltingugurtli tiazot kislotasining morfoliniy tuzi mavjud bo‘lib, u oksidlanish-qaytarilish xususiyatlariga ega, shuningdek, ortiqcha vodorod ionlarini bog‘laydigan uchlamchi azot mavjudligi antioksidant tizimni faollashtiradi. Tiol guruhining kuchli qaytaruvchi xususiyatlari kislorodning faol shakllari va lipid radikallari bilan reaksiyaga kirishadi, antioksidant fermentlar - superoksiddismutaza, katalaza va glyutationperoksidaza reaktivatsiyasi esa kislorodning faol shakllari hosil bo‘lishining oldini oladi.

Qonning reologik xususiyatlarini yaxshilanishi fibrinolitik tizimni faollashtirish hisobiga amalga oshiriladi.

Ta’siri miokardning ishemiyaga uchragan sohalarida lipidlarning oksidlanish jarayonlarini sekinlashtirishga, miokardning katexolaminlarga sezuvchanligini kamaytirishga, yurak qisqaruvchanlik funksiyasining progresiv susayishini oldini olishga, nekroz va ishemiya zonalarini mos ravishda barqarorlashtirish va kamaytirishga olib keladi.

Miokard metabolizmi jarayonlarini yaxshilanishi, uning qisqaruvchanlik qobiliyatini oshirish, yurak ritmini normallashtirishga ko‘maklashishi preparatni yurak ishemik kasalligining turli shakllariga chalingan bemorlarni davolash uchun tavsiya etishga imkon beradi.

Kardiologiyada qo‘llanilishi bilan bir qatorda, preparat yuqori gepatoprotektor xususiyatlarini hisobga olib, jigar va boshqa ichki organlar kasalliklarini davolashda ham qo‘llaniladi. Tiazot kislotasining morfoliniy tuzi gepatotsitlarning yemirilishini oldini oladi, yog‘li infiltratsiya darajasini va jigar markaziy lobulyar nekrozlarining tarqalishini kamaytiradi, gepatotsitlarning reparativ regeneratsiya jarayonlariga yordam beradi, ularda oqsil, uglevod, lipid va pigment almashinuvini normallashtiradi. Shuningdek, safro sintezi va ajralish tezligini oshiradi, uning kimyoviy tarkibini normallashtiradi.

Farmakokinetika.

Yuborilganda tiazot kislotasining morfoliniy tuzining maksimal kontsentratsiyasi qon plazmasida 0,84 soatda, tomir ichiga yuborilganda esa 0,1 soatda erishiladi. Qon oqsillari bilan bog‘lanishi 10% dan oshmaydi. Asosan buyraklarda to‘planadi - 31%, shuningdek, katta miqdorda yo‘g‘on ichak, yurak, taloqda, eng kam miqdorda esa ingichka ichak va o‘pka (1-2%)da to‘planadi. 

 Siptomlar: buyrak yetishmovchiligi, gipoglikemiya, metabolik atsidoz. Davolash. Dozani oshirib yuborishda preparat infuziyasini to‘xtatish kerak. Fiziologik reaksiyalarni monitoring qilish va organizmning hayotiy funksiyalarini qo‘llab-quvvatlash lozim. Zarur bo‘lsa, ishqoriylashtiruvchi vositalar va diurezni normallashtiruvchi vositalar (saluretiklar), elektrolit eritmalari (0,9% natriy xlorid eritmasi, 5% glyukoza eritmasi) yuboriladi. 

 Buyrak yetishmovchiligi bo‘lgan bemorlarda infuziya boshlanishidan oldin diurez va qonda kaliy darajasini nazorat qilish zarur, chunki preparat giperkaliemiyaning rivojlanishiga olib kelishi mumkin. Preparat endokrin bezlar funksiyasi buzilgan hollarda ehtiyotkorlik bilan qo‘llaniladi. Preparat insulin va o‘sish gormoni sekretsiyasini stimulyatsiya qilishi mumkin. Og‘iz qurishi paydo bo‘lsa, qonda glyukoza darajasini nazorat qilish kerak. Elektrolit almashinuvi buzilishlari, buyrak kasalliklarida ehtiyotkorlik bilan qo‘llash lozim. Agar preparat qabul qilish fonida asteniya simptomlari kuchaysa, davolashni to‘xtatish kerak. Homiladorlik va emizish davrida qo‘llash. Preparat platsentar to‘siqdan o‘tadi, shuning uchun homiladorlik davrida uni faqat onaga kutilayotgan foyda homila uchun potensial xavfdan ustun bo‘lsa qo‘llash mumkin. Preparatni emizish davrida qo‘llash bo‘yicha ma’lumotlar yo‘q. Davolash davrida emizishni to‘xtatish kerak. Bolalar. Preparat 3 yoshdan katta bolalarda qo‘llaniladi. Transport vositalarini yoki boshqa mexanizmlarni boshqarish tezligiga ta’sir qilish qobiliyati. Preparat bosh aylanishini chaqirishi mumkin, shuning uchun transport vositalarini boshqarishda yoki boshqa mexanizmlar bilan ishlashda ehtiyotkorlik zarur. O‘zaro ta’sirlar Kaliyni tejovchi diuretiklar, spironolakton. Preparatni qo‘llashda, u buyrak yetishmovchiligi fonida spironolakton qabul qilayotgan yoki qabul qilgan bemorlarda yaqqol va barqaror giperkaliemiyani chaqirishi mumkinligini hisobga olish kerak. Kaliyni tejovchi diuretiklarni oldindan qo‘llash ham qonda kaliy konsentratsiyasining oshishiga olib kelishi mumkin. Aminofillin. Aminofillin bilan bir vaqtda qo‘llanganda qonda insulin darajasi oshishi mumkin. Arginin tiopental bilan mos kelmaydi. Mos kelmaslik. Preparat tiopental bilan mos kelmaydi.