Trimolning dori vositalari bilan o'zaro ta'siri uning tarkibiga kiruvchi komponentlarning xususiyatlari bilan bog'liq. Preparatni tutqanoqka qarshi vositalar bilan bir vaqtda qo'llash tavsiya etilmaydi. Paratsetamol va boshqa nosteroid yallig'lanishga qarshi preparatlarni (NYaQP) uzoq muddat birga qo'llash nefropatiya va buyrak papillyar nekrozi, buyrak yetishmovchiligini terminal bosqichiga o'tish xavfini oshiradi. Urikozurik dori vositalarining samaradorligini pasaytiradi. Paratsetamolni etanol bilan birga qabul qilish o'tkir pankreatit rivojlanishiga olib keladi. Paratsetamolning gepatotoksik ta'siri xavfi barbituratlar, difenin, karbamazepin, rifampitsin, zidovudin, fenilbutazon, tritsiklik antidepressantlar va boshqa jigar mikrosomal fermentlari induktorlarini birga buyurilganda oshadi. Bunday dori vositalarini birga qo'llash paratsetamolning gidroksillangan faol metabolitlari ishlab chiqarilishini oshiradi, bu esa hatto kichik dozani oshirib yuborishda ham og'ir intoksikatsiyalar rivojlanishiga sabab bo'lishi mumkin. Diflunisal paratsetamolning plazmadagi kontsentratsiyasini 50% ga oshiradi, bu esa gepatotoksiklik rivojlanish xavfini oshiradi. Kofein uyqu dori vositalari va narkotik vositalarning ta'sirini susaytiradi, NYaQP ta'sirini kuchaytiradi.

Belgilar: Ko'ngil aynishi, qusish, qorin og'rig'i, terlash, terining oqarishi, yurak aritmiyalari, nafas olish buzilishlari, og'ir hollarda nafas olishning susayishi. 1-2 kundan so'ng jigar zararlanishi belgilari aniqlanadi. Og'ir hollarda jigar yetishmovchiligi va komatoz holat rivojlanadi. Zaharli ta'sirga gumon qilinganda darhol shifokorga murojaat qilish zarur. Davolash: Zaharlanishdan keyingi dastlabki 4 soat ichida oshqozonni yuvish, adsorbentlar buyurish, glutation hosil bo'lishini kuchaytiruvchi vositalarni kiritish (asetilsistein tomir ichiga birinchi 12 soatda tana vazniga 300 mg/kg kunlik doza bilan, ko'rsatilgan dozaning yarmi reanimatsiya tadbirlarining dastlabki 15 daqiqasida kiritiladi; yoki asetilsistein og'iz orqali boshlang'ich doza 140 mg/kg, so'ngra har 4 soatda 70 mg/kg tana vazniga uch kun davomida). Detoksikatsiyani gemodializ usuli bilan o'tkazish mumkin.