Bir tabletka tarkibida
faol modda - trimetazidinning dihidrokloridi 35 mg,
qo'shimcha moddalar polietilenoksid (Polyox WSR Coagulant), jelatinlangan kraxmal (Starch 1500), mikrokristallik selluloza, magniy stearat, kremniy dioksid (Orisil 200).
qoplama Opadry II pink (polivinil spirti, polietilen glikol, titanning dioksidi E171, temir(III) oksidi sariq E172, temir(III) oksidi qizil E172, talk.

Trimekor MR energiya metabolizmini normallashtiradi, gipoksiya yoki ishemiya ta'siriga uchragan hujayralarda, ichki hujayra ATP miqdorini kamayishini oldini oladi. Shunday qilib, preparat membranali ion kanallarining normal ishlashini, transmembranli kaliy va natriy ionlarini o'tkazishni, hujayra gomeostazasini saqlashni ta'minlaydi.
Trimekor MR yog' kislotalarining oksidlanishini sekinlashtiradi, glyukoza oksidlanishini oshiradi va glykoliz va oksidlanish dekarboksilatsiyasi o'rtasidagi bog'lanishni tiklaydi va miokardni ishemiya ta'siridan himoya qiladi. Yog' kislotalarining oksidlanishini glyukoza oksidlanishiga o'tkazish preparatning antianginal ta'sirining asosini tashkil etadi.
Trimetazidin yurak va neyrosensor organlarining energiya metabolizmini ishemiya epizodlari davrida qo'llab-quvvatlaydi; ichki hujayra kislotalanishini kamaytiradi; ishemik va reperfuzion yurak to'qimalarida polinuklear neytrofillarning migratsiya va infiltratsiya darajasini pasaytiradi, miokard zararlanishining o'lchamini kamaytiradi. Preparatning ushbu ta'sirlari har qanday to'g'ridan-to'g'ri gemodinamik ta'sir yo'qligida kuzatiladi.
Stenokardiyadan azob chekayotgan bemorlarda trimetazidin koronar zaxirani oshiradi, shunday qilib, jismoniy yuklama bilan bog'liq ishemiya rivojlanishini sekinlashtiradi, qon bosimining keskin o'zgarishlarini cheklaydi, yurak ritmida sezilarli o'zgarishlarsiz, stenokardiya tutishlarining chastotasini sezilarli darajada kamaytiradi, nitratlarni qabul qilish ehtiyojini sezilarli darajada kamaytiradi, ishemik disfunktsiyaga ega bemorlarda chap qorincha qisqarish funksiyasini yaxshilaydi.
Trimetazidin bosh aylanishi tutishlarining darajasini, davomiyligini va chastotasini samarali ravishda kamaytiradi, quloqlardagi shovqinlarning intensivligini va chastotasini kamaytiradi, uning qaytalanishining oldini oladi.
Perseptiv karilikda eshitish qobiliyatini oshirishga yordam beradi va eshitish buzilishlari namoyon bo'lishini kamaytiradi. Trimetazidin ishemiya ta'siriga sezgir b-to'lqin elektrretinogrammasining amplitudasini normallashtiradi, shuningdek, retina funksiyalarining tiklanishini prognoz qiladi. Preparat ko'rish o'tkirligini va ko'rish maydonini yaxshilaydi, bu esa retina patologiyasining funksional simptomlarini kamaytirishga olib keladi, ayniqsa, qariyalar sariq dog'ining degeneratsiyasida.

 

E'tiborga olish kerakki, Trimekor MR stenokardiya xurujlarini bartaraf etish uchun mo'ljallanmagan va beqaror stenokardiya yoki miokard infarkti boshlang'ich davolash kursi uchun ko'rsatilmagan.

Trimekor MR preparatini buyrak yetishmovchiligi bo'lgan (KK 15 ml/min dan kam) bemorlarga, shuningdek, jigar faoliyatining og'ir buzilishlari bo'lgan bemorlarga buyurish tavsiya etilmaydi. 
 

Transport vositalarini, mexanizmlarni boshqarish va boshqa faoliyat turlari bilan shug'ullanish qobiliyatiga ta'siri

Ta'sir qilmaydi.