Quyidagi holatlar va kasalliklarda kompleks terapiyada: erektil disfunktsiya, shu jumladan libidoning pasayishi bilan; erkaklarda bepushtlik, idiopatik oligoastenoteratozoospermiya (ajratilgan spermada spermatozoidlar soni va sifati kamayishi), varikotsele (urug‘ yo‘li tomirlarining varikoz kengayishi) bo‘yicha operatsiyadan so‘ng; immunologik bepushtlik; dislipidemiyalar (umumiy xolesterin darajasini kamaytirish uchun).

preparatning barcha komponentlariga yuqori sezuvchanlik; prostata bezining gipertrofiyasi; og‘ir yurak-qon tomir kasalliklari (so‘nggi bir yil ichida insult, miokard infarkti) yoki og‘ir, beqaror va nazorat qilinmaydigan yurak-qon tomir kasalliklari (beqaror stenokardiya, dam olishda simptomlari bo‘lgan surunkali yurak yetishmovchiligi, sinus tugunining zaiflik sindromi yoki sinoatriyal blok, AV blokada II yoki III daraja, bradikardiya kabi o‘tkazuvchanlik buzilishlari) yer yong‘og‘i oqsili yoki soya allergiyasi; homiladorlik; emizish davri; 18 yoshgacha bo‘lgan yosh.

Tribestan ovqat vaqtida kuniga 3 marta 1-2 tabletkadan qabul qilish tavsiya etiladi. Davolash kursining davomiyligi va terapiya takroriy kurslarini o'tkazish zarurati bemorning klinik holatiga va olib borilayotgan davolash samaradorligiga qarab belgilanadi.

Allergik reaktsiyalar mumkin. Oshqozon shilliq qavatiga ta'sir qiluvchi ta'sir (qusish). Agar nojo'ya ta'sirlar, jumladan, ko'rsatilmagan ta'sirlar paydo bo'lsa, shifokorga murojaat qilish kerak.

Tribulus terrestris (yakkashak) o'simligi o‘tidan original texnologiya asosida olingan fitopreparat. Tribestanning faol komponentlari furostanol turidagi steroid saponinlar (shu jumladan protodiossin) bo‘lib, ular umumiy toniziruvchi ta’sir ko‘rsatadi va jinsiy tizim funksiyalarini stimulyatsiya qiladi. Erkaklarda Tribestan libido tiklanishi va yaxshilanishini hamda erektsiya davomiyligini oshiradi. Spermatogenezga rag'batlantiruvchi ta'sir ko'rsatadi, spermatozoidlar soni va ularning harakatchanligini oshiradi. Ayollarda Tribestan libido yaxshilanishiga va tabiiy hamda postkastratsion klimakterik sindromning psixoemotsional va vazomotor namoyonlariga ijobiy ta’sir ko‘rsatadi, uyqusizlik, zo‘riqish, asabiy qo‘zg‘aluvchanlik yoki apatiya kabi sub’ektiv shikoyatlarni kamaytiradi. Tadqiqot natijalari shuni ko‘rsatdiki, sog‘lom ko‘ngillilarda Tribestan gipofiz-gonad o‘qi gormonlarining zardobdagi darajasiga ta’sir qiladi, biroq organizmning gormonal muvozanatini buzmaydi. Andropauzadagi erkaklarda klinik tadqiqotlar follikulostimullovchi gormon (FSH) darajasining zardobda pasayishini ko‘rsatdi. Ma’lumki, FSH va germinativ epiteliy o‘rtasida teskari salbiy bog‘liqlik mavjud. Spermatogenez yaxshilanganda gipofiz tomonidan FSH ishlab chiqarilishi kamayadi. Ayollarda FSH va estradiolning zardobdagi konsentratsiyasi oshadi. Tribulus terrestris ekstrakti tarkibiga kiruvchi protodiossin organizmda degidroepiandrosteronga (DGEA) metabolizatsiyalanadi, u immunitet, hujayra membranalari yaxlitligi, erektil funksiyaga va xolesterin almashinuviga ijobiy ta’sir ko‘rsatadi. Ma’lumki, xolesterin barcha steroidlar, shu jumladan DGEA hosil bo‘lishi uchun boshlang‘ich modda hisoblanadi, bu Tribestanning gipo-lipidemik ta’sirini tushuntiradi. Ekstrakt tarkibiga kiruvchi boshqa faol furostanol saponinlar protodiossin ta’sirini modulyatsiya qiladi. Tribestan gipo-lipidemik ta’sirga ega bo‘lib, dislipoproteinemiya bilan kasallangan bemorlarda umumiy xolesterin va LDL darajasini sezilarli darajada pasaytiradi, zardobdagi triglitseridlar va HDL darajasini o‘zgartirmaydi.

Preparat diqqatni jamlash qobiliyatiga ta’sir qilmaydi va haydovchilar hamda potensial xavfli mexanizmlarni boshqarishda qo‘llanilishi mumkin.