Zveroboy o'simligi tarkibida dubil moddalar, efir moyi, P-sitosterin, triterpen saponinlar, S, E vitaminlari, flavonoidlar, antraxinonlar, makro- va mikroelementlar va boshqa biologik faol moddalar mavjud. U bog'lovchi, yallig'lanishga qarshi ta'sirga ega.

Quyidagilarda tavsiya etilishi mumkin: og'iz bo'shlig'i shilliq qavati yallig'lanish kasalliklarida; xronik kolitda (kompleks terapiya tarkibida).

Preparat tarkibiy qismlariga individual toqat qilmaslik. Homiladorlik, laktatsiya davri. 12 yoshgacha bo'lgan bolalar yoshi.

Taxminan 10 g (2 osh qoshiq) o'simlik emallangan idishga solinadi, 200 ml (1 stakan) issiq qaynatilgan suv quyiladi, qopqoq bilan yopiladi va qaynab turgan suv hammomida 15 daqiqa isitiladi, xona haroratida 45 daqiqa sovutiladi, suzib olinadi, qolgan xomashyo siqiladi. Olingan damlama hajmi qaynatilgan suv bilan 200 ml gacha yetkaziladi. Ichga iliq holda 1/2 stakandan kuniga 3 marta ovqatdan 30 daqiqa oldin qabul qilinadi. Davolash kursi 2-3 hafta. Chayish uchun 1/2 stakan iliq damlama kuniga 3-4 marta qo'llaniladi. Davolash kursi 5-10 kun. Istemol qilishdan oldin damlamani chayqatish tavsiya etiladi.