Tonometr – bu arterial bosimni o‘lchash uchun mo‘ljallangan tibbiy apparat. Uning qo‘llanilishi insonning jismoniy holatini baholash, shuningdek, organizm faoliyatidagi chetlanishlarni aniqlash imkonini beradi. Qurilma tibbiyotda keng qo‘llaniladi, chunki arterial bosim ko‘rsatkichi tibbiy komissiyadan o‘tishda va deyarli har qanday sog‘liq holatini tibbiy tekshiruvda majburiy hisoblanadi. Tonometrdan foydalanish bosimning qabul qilingan me’yor 120 ga 80 mm. simob ustunidan yuqori yoki pastga chetlanishini aniqlash imkonini beradi. Bu esa, ahvolni yaxshilash uchun qaysi dori vositasini qabul qilish kerakligini to‘g‘ri tanlash imkonini beradi.

Binaural stethoskop quvurlarini quloqlarga joylashtiring. Havo klapanini bosim beruvchida soat miliga qarab burab, yoping. Bosim beruvchini siqib, manjetni to'ldiring, stethoskop bilan pulsni eshitib. Pulsni eshitishni to'xtatganingizdan so'ng, manjetni yana 30 mm sim. ust. ko'proq to'ldiring. 2. Havo klapanini sekin ochib, soat miliga qarshi burab, manjetdagi bosimni pasaytiring. Manjetdagi bosimning har sekundda 2 - 4 mm sim. ust. ga pasayishini kuzating. Bu aniq natija olish uchun zarur. 3. Pulsning zaif urishlarini eshitganingizda, manometr ko'rsatkichini eslab qoling. Bu sizning sistolik (yuqori) arterial bosimingiz. 4. Manjetdagi bosim shu tezlikda (2-4 mm sim. ust. ga sekundda) pasayishda davom etadi. Siz pulsni eshitishda davom etasiz. Eshitayotgan tovushlaringiz o'zgaradi. Birinchi urishlardan farqli o'laroq, ular yumshoqroq, shovqin kabi bo'ladi. Siz pulsni deyarli eshitmay qolganda, manometr ko'rsatkichini eslab qoling. Bu sizning diastolik (pastki) arterial bosimingiz.