1 ml eritma tarkibida: faol modda: tiotriazolin, 100% modda hisobida - 25 mg; yordamchi modda: in'ektsiya uchun suv.

Ishemik yurak kasalliklarini kompleks davolashda: stenokardiya, miokard infarkti, postinfarkt kardioskleroz; yurak aritmiyalarini davolashda qo'shimcha vosita sifatida. Surunkali gepatit, alkogolli gepatit, jigar fibroz va sirrozini kompleks davolashda.

Tiotriazolingа yuqori sezuvchanlik, o‘tkir buyrak yetishmovchiligi.

Kattalarda o'tkir miokard infarkti, faol jarayonli surunkali gepatitda preparat birinchi 5 kun davomida mushak ichiga 2 ml 25 mg/ml eritma (50 mg) dan kuniga 2-3 marta, yoki tomir ichiga sekin 2 ml/min tezlikda 4 ml 25 mg/ml eritma (100 mg) dan kuniga 1 marta, yoki tomchilab 20-30 tomchi/min tezlikda (2 ampula 25 mg/ml eritma 150-250 ml 0,9 % natriy xlorid eritmasida eritiladi) yuboriladi. Terapiyaning beshinchi kunidan yigirmanchi kunigacha Tiozol tabletkalari (100 mg dan kuniga 3 marta) buyuriladi. Kuchanish va tinch stenokardiya, postinfarkt kardioskleroz, minimal va o'rtacha faoliyatli surunkali gepatitda Tiozol mushak ichiga 2 ml 10 mg/ml eritma 3 marta kuniga yuboriladi. Davolash kursi - 20-30 kun. Jigar sirrozida davolash kursi - 60 kun. Davolashni 2 ml 25 mg/ml eritma (50 mg) mushak ichiga 3 marta kuniga 5 kun davomida yuborishdan boshlanadi, keyin davolash tabletkalar bilan (100 mg dan kuniga 3 marta) davom ettiriladi.

Preparat, odatda, yaxshi o'zlashtiriladi. Yuqori sezuvchanlikka ega bemorlarda kamdan-kam hollarda allergik reaksiyalar paydo bo'lishi mumkin: qichishish, teri giperemiyasi, isitma, teri toshmasi (urtikarial, papulyoz, mayda nuqtali, dog'li); boshqa preparatlarni qabul qilish fonida ayrim holatlarda eshakemi va angionevrotik shish, bir holatda anafilaktik shok kuzatilgan. Ayrim bemorlarda, asosan, keksalarda, xususan boshqa preparatlarni qabul qilish fonida, juda kam hollarda quyidagilar kuzatilgan: markaziy va periferik asab tizimi tomonidan: umumiy holsizlik, bosh aylanishi, quloqda shovqin; yurak-qon tomir tizimi tomonidan: taxikardiya, arterial gipertenziya (bir holat); oziq-ovqat hazm qilish tizimi tomonidan: dispeptik holatlar - og'iz qurishi, ko'ngil aynishi, qorin dam bo'lishi, qusish; nafas olish tizimi tomonidan: nafas qisilishi va bo'g'ilish (har biridan bir holat).

Tiozolning farmakologik effekti antiishemik, membranostabilizatsiyalovchi, antioksidant va immunomodulyatsion ta'siri bilan bog‘liq. Preparatning ta'siri anaerob glikolizning kompensator faollashuvi va Krebs siklida oksidlanish jarayonlarining faollashuvi orqali hujayra ichidagi ATF zaxirasini saqlab qolish hisobiga amalga oshiriladi. Tiotriazolin molekulasining tuzilmasida tiol oltingugurt mavjudligi, unga xos bo‘lgan oksidlanish-qaytarilish xususiyatlari va ortiqcha vodorod ionlarini bog‘laydigan uchlamchi azot antioksidant tizimning faollashuviga sabab bo‘ladi. Tiol guruhining kuchli qaytaruvchi xususiyatlari kislorodning faol shakllari va lipid radikallari bilan reaksiyaga kirishadi. Antiradikal fermentlar – superoksiddismutaza, katalaza va glyutationperoksidazaning reaktivatsiyasi kislorodning faol shakllarining boshlanishini oldini oladi. Tiotriazolinning ta'siri miokardning ishemiyalangan sohalarida lipidlarning oksidlanish jarayonlarini sekinlashtiradi, miokardning katexolaminlarga sezuvchanligini kamaytiradi, yurakning qisqaruvchanlik funksiyasining progressiv susayishini oldini oladi, nekroz va ishemiya zonalarini mos ravishda barqarorlashtiradi va kamaytiradi. Qonning reologik xususiyatlarini yaxshilash fibrinolitik tizimning faollashuvi hisobiga amalga oshiriladi. Miokard metabolizmi jarayonlarini yaxshilash, uning qisqaruvchanlik qobiliyatini oshirish, yurak ritmini normallashtirishga yordam berish tiotriazolinni yurak ishemik kasalligining turli shakllariga ega bemorlarni davolash uchun tavsiya etishga imkon beradi. Preparatni kardiologiyada qo‘llash bilan bir qatorda, Tiozol yuqori gepatoprotektor xususiyatlarini hisobga olib, jigar va boshqa ichki organlar kasalliklarini davolashda ham qo‘llaniladi. Preparat gepatotsitlarning yemirilishini oldini oladi, jigarni umumiy infiltratsiya darajasini va sentrolobulyar nekrozlarning tarqalishini kamaytiradi, gepatotsitlarning reparativ regeneratsiya jarayonlariga yordam beradi, ularda oqsil, uglevod, lipid va pigment almashinuvini normallashtiradi. Safro sintezi va ajralish tezligini oshiradi, uning kimyoviy tarkibini normallashtiradi.

Homiladorlik va laktatsiya davrida qo'llanilishi Preparatni homiladorlik yoki emizish davrida qo'llash tajribasi yetarli emas. Bolalar Bolalarda qo'llash tajribasi yetarli emas Avtomobil va murakkab mexanizmlarni boshqarish qobiliyatiga ta'siri Avtotransport vositalarini boshqarish va boshqa murakkab mexanizmlar bilan ishlash qobiliyatiga ta'sir qilmaydi. Preparatni yaroqlilik muddati tugaganidan keyin qo'llash mumkin emas, bolalar uchun yaroqsiz joyda saqlash kerak.

Dozani oshirib yuborishda siydikda natriy va kaliy konsentratsiyasi oshadi. Bunday hollarda preparatni bekor qilish kerak. Davolash: simptomatik.