Maxsus ko'rsatmalar
Parenteral qo‘llashdan oldin tiamin gidroxlorid eritmasi bilan individual preparatga sezuvchanlik uchun teri sinovini o‘tkazish majburiydir. In'ektsiyadan so‘ng og‘ir allergik reaksiyalar yuzaga kelishi mumkinligi sababli 30 daqiqa davomida nazorat qilish zarur.
Anafialaktik reaksiyalar ko‘proq yuqori dozalarda vena ichiga yuborilganda rivojlanadi.
Allergik reaksiyalar ko‘proq allergiyaga moyil shaxslarda, preklimakterik va klimakterik davrdagi ayollarda, alkogolizm bilan og‘rigan shaxslarda rivojlanadi.
Tiamin in'ektsiyalarini piridoksin in'ektsiyasidan kamida 12 soat o‘tgach qilish tavsiya etiladi.
Mushak ichiga yuborilganda preparatni chuqur mushakka yuborish kerak, vena ichiga yuborilganda esa sekin yuborish lozim. Mushak ichiga in'ektsiyalar eritmaning past pH sababli og‘riqli bo‘ladi.
Preparatni muvozanatli dietani almashtiruvchi sifatida qo‘llash mumkin emas, faqat dietoterapiya bilan birga qo‘llaniladi.
Preparatning in'ektsion shaklini ichakda so‘rilish buzilgan yoki oshqozon rezektsiyasi bo‘lgan bemorlarni davolashda, tiamin tabletkali shaklini qabul qilish imkoni bo‘lmaganda (ko‘ngil aynishi, qusish, operatsiyadan oldin va keyin), shuningdek, kasallikning og‘ir shakllarida yoki davolash boshida terapevtik effektga tezroq erishish uchun qo‘llash zarur.
Parenteral yuborishni kichik dozalardan (kattalar uchun 0,5 ml dan oshmasligi kerak) boshlash tavsiya etiladi va faqat yaxshi o‘zlashtirilganda yuqori dozalarga o‘tiladi.
Nerv tizimi qo‘zg‘aluvchanligi yuqori bo‘lgan, o‘n ikki barmoqli ichak yara kasalligining giperasid shakllarida ehtiyotkorlik bilan buyuriladi.
Vernike ensefalopatiyasida va alkogolli intoksikatsiyani davolashda tiamin glyukozani yuborishdan oldin yuborilishi kerak, chunki glyukoza tiamin yetishmovchiligi bilan bog‘liq holatlarni og‘irlashtirishi mumkin.
Bola yoshida qo‘llanilishi
Bola yoshida odatda 2,5% tiamin xlorid eritmasi qo‘llaniladi. 5% eritmani 8 yoshdan katta bolalarga yuborish mumkin.
Alkogolizm bilan og‘rigan bemorlarda preparatning nojo‘ya ta’sir simptomlari kuchayishi mumkin.
Tiamin depolarizatsiyalovchi miorelaksantlar, adrenolitik va simpatomimetik vositalarning ta’sirini susaytirishi mumkin.
Preparat (yuqori dozalarda qabul qilinganda) qonda teofillin miqdorini spektrofotometrik usulda aniqlashda va urobilinogenni Erlix reaktivi yordamida aniqlashda natijalarni buzishi mumkin.
Homiladorlik, laktatsiya
Preparatni homiladorlik yoki emizish davrida ko‘rsatmalar bo‘yicha tavsiya etilgan dozalarda qo‘llash mumkin.
Bola
Bola yoshida odatda 2,5% tiamin xlorid eritmasi qo‘llaniladi. 5% eritmani 8 yoshdan katta bolalarga yuborish mumkin.
Dori vositasining avtotransport boshqarish va ayniqsa xavfli mexanizmlarni boshqarish qobiliyatiga ta’sir qilish xususiyatlari
Davolash davomida asab tizimi tomonidan nojo‘ya ta’sirlar rivojlanishi mumkinligi sababli transport vositalarini boshqarishda va murakkab mexanizmlar bilan ishlashda ehtiyotkorlikka rioya qilish kerak.
Dorilar
Dorixona kosmetikasi
Ona va bola
Tibbiy mahsulotlar
Gigiena va parvarish
Vitaminlar va BFQ
Qo'shimcha mahsulotlar
