Farmakodinamikasi:
Bakteriostatik antibiotik, tetratsiklinlar guruhiga mansub. Transport RNK va ribosoma o'rtasida kompleks hosil bo'lishini buzadi, bu esa mikroblar hujayrasida oqsil sintezi bostirilishiga olib keladi.

Gram-musbat (Staphylococcus spp., jumladan Staphylococcus aureus, shu jumladan penitsillinaza ishlab chiqaruvchi shtammlar, Streptococcus pyogenes, Streptococcus pneumoniae (Diplococcus pneumoniae), Bacillus anthracis, Listeria spp.; gram-manfiy mikroorganizmlar (Escherichia coli, Haemophilus influenzae, Haemophilus ducreyi, Klebsiella pneumoniae, Neisseria gonorrhoeae, Bordetella pertussis, Enterobacter spp., Francisella tularensis (Pasteurella pestis), Salmonella spp., Shigella spp.); hujayra ichidagi (intratsellyulyar) va boshqa mikroorganizmlar (Chlamydia trachomatis, Chlamydia spp., Mycoplasma spp., Rickettsia spp., Treponema spp.) ga nisbatan faol.

Tetratsiklinga quyidagi mikroorganizmlar chidamli: Pseudomonas aeruginosa, Proteus spp., Serratia spp., Bacteroides spp. ning ko'pchilik shtammlari va zamburug'lar, viruslar, beta-gemolitik streptokokklar A guruhi (shu jumladan Streptococcus pyogenes ning 44% shtammlari va Streptococcus faecalis ning 74% shtammlari).

Farmakokinetikasi:
Mahalliy qo'llanganda ko'z to'qimalarida tetratsiklinning terapevtik konsentratsiyasi hosil bo'ladi, tizimli so'rilishi past. Qorachiq epiteliyasi shikastlanganda, tetratsiklinning samarali konsentratsiyasi oldingi kamera suyuqligida qo'llangandan 30 daqiqa o'tgach erishiladi.

 Transport vositalarini, mexanizmlarni boshqarish qobiliyatiga ta'siri
Qo'llashdan so'ng vaqtincha ko'rish ravshanligi pasaygan bemorlarga, u tiklanmaguncha, transport vositalarini boshqarish va yuqori e'tibor talab qiladigan faoliyat turlari bilan shug'ullanish tavsiya etilmaydi.

Agar bir necha kun davomida holat yaxshilanmasa, shifokorga murojaat qilish kerak. 
 

Dori vositasini homiladorlik va emizish davrida qo'llash mumkin emas.
 Qo'llashdan so'ng vaqtincha ko'rish ravshanligi yo'qolgan bemorlarga, dori vositasini qo'llagan zahoti avtomobil haydash yoki murakkab texnika, stanoklar yoki ko'rish ravshanligini darhol talab qiladigan boshqa murakkab uskunalar bilan ishlash tavsiya etilmaydi. 

 Yorug'likdan himoyalangan joyda 15 °C dan yuqori bo'lmagan haroratda saqlansin. Bolalar ololmaydigan joyda saqlansin. Qadoq birinchi ochilgandan so'ng 6 haftadan ortiq saqlanmasin.