Bitta tabletkada quyidagilar mavjud: faol modda: alimemazin tartrat - 5,0 mg; yordamchi moddalari: laktoza monogidrat, mikrokristallik sellyuloza, prejelatinizatsiyalangan kraxmal, kolloid kremniy dioksidi (aerosil), kroskarmelloza natriy, magniy stearati. qobiq tarkibi: Opadry II 85F34655: polivinil spirti qisman gidrolizlangan, makrogol-3350, talk, titana dioksid E 171, karmin qizil bo'yoq E 120, alyuminiy lak asosida quyosh botishi sariq bo'yoq E 110, alyuminiy lak asosida indigokarmin E 132.

Kattalar va 7 yoshdan boshlab bolalarda: Sedativ (tinchlantiruvchi), anksiolitik (tashvishga qarshi) va uxlab qolishni yaxshilovchi vosita sifatida: - Demensiya (shu jumladan, epilepsiya bilan bog‘liq demensiya), psixomotor qo‘zg‘alish, tashvish affekti bilan kechuvchi (kombinatsiyalangan terapiya tarkibida); - Organik tashvishli buzilish (monoterapiya ko‘rinishida yoki kombinatsiyalangan terapiya tarkibida); - Shizofreniya (nevrozga o‘xshash buzilishlar ustun bo‘lsa, kombinatsiyalangan terapiya tarkibida); - Kayfiyat buzilishlari (affektiv buzilishlar) – kombinatsiyalangan terapiya tarkibida; - Generalizatsiyalashgan tashvishli buzilish (kombinatsiyalangan terapiya tarkibida); - Obsessiv-kompulsiv buzilish (kombinatsiyalangan terapiya tarkibida); - Og‘ir stressga reaksiya va moslashuv buzilishlari (o‘tkir stressga reaksiya, posttravmatik stress buzilishi, aniqlanmagan og‘ir stressga reaksiya, boshqa og‘ir stressga reaksiyalar) – kombinatsiyalangan terapiya tarkibida; - Dissotsiativ (konversion) buzilishlar (kombinatsiyalangan terapiya tarkibida); - Somatoform buzilishlar (somatizatsiyalashgan buzilish, differensiyalanmagan somatoform buzilish, gipoxondrik buzilish, vegetativ asab tizimining somatoform disfunktsiyasi, barqaror somatoform og‘riqli buzilish, aniqlanmagan somatoform buzilish, boshqa somatoform buzilishlar) – yaqqol tashvish yoki standart terapiya samarasiz bo‘lsa, kombinatsiyalangan terapiya tarkibida; - Aniqlanmagan vegetativ (avtonom) asab tizimi buzilishi, boshqa vegetativ (avtonom) asab tizimi buzilishlari (kombinatsiyalangan terapiya tarkibida); - Asabiy anoreksiya (kombinatsiyalangan terapiya tarkibida); - Emotsional beqaror shaxsiyat buzilishi (impulsiv va chegara tiplar) – kombinatsiyalangan terapiya tarkibida; - Isterik shaxsiyat buzilishi, tashvishli (chetlanuvchi, qochuvchi) shaxsiyat buzilishi (kombinatsiyalangan terapiya tarkibida); - Falokatdan so‘ng shaxsiyatning barqaror o‘zgarishi (kombinatsiyalangan terapiya tarkibida); - Giperkinektik xulq-atvor buzilishi (kombinatsiyalangan terapiya tarkibida); - Xulq-atvor buzilishi, faqat oila doirasida cheklangan (standart terapiya samarasiz bo‘lsa, kombinatsiyalangan terapiya tarkibida); - Ijtimoiylashmagan xulq-atvor buzilishi (monoterapiya ko‘rinishida yoki kombinatsiyalangan terapiya tarkibida); - Bezovtalik, qo‘zg‘alish va emotsional holatga oid boshqa simptom va belgilar (kombinatsiyalangan terapiya tarkibida); - Boshqa nevrotik buzilishlar (nevrasteniya, aniqlanmagan nevrotik buzilish) - kombinatsiyalangan terapiya tarkibida; - Noorganik etiologiyali uyqusizlik (standart terapiya samarasiz bo‘lsa, kombinatsiyalangan terapiya tarkibida); - Bolalik yoshiga xos boshlanuvchi emotsional buzilishlar (bolalik yoshidagi fobik tashvishli buzilish, bolalik yoshidagi ijtimoiy tashvishli buzilish, aka-uka va opa-singil raqobati natijasidagi buzilish, bolalik yoshidagi aniqlanmagan emotsional buzilish, bolalik yoshidagi boshqa emotsional buzilishlar) - kombinatsiyalangan terapiya tarkibida. Allergiyaga qarshi vosita sifatida: - Qichishish joyi va etiologiyasidan qat’i nazar (anal soha qichishishi, vulva qichishishi, aniqlanmagan anogenital qichishish, fotokontakt dermatiti va quyosh toshmasi, dermatit, ekzema, toshma, zaharsiz hasharotlar yoki boshqa zaharsiz bo‘g‘imoyoqlilar chaqishi yoki chaqishi, suvchechak, qizamiq, Xodjkin kasalligi, qandli diabet, herpes zoster) monoterapiya ko‘rinishida yoki kombinatsiyalangan terapiya tarkibida; - Astma, polinoz, ko‘kyo‘tal (kompleks terapiya tarkibida allergiyaga qarshi vosita sifatida yo‘tal, nafas qisilishi va bo‘g‘ilish xurujlarini bartaraf etish uchun); - Aniqlanmagan allergiya (monoterapiya ko‘rinishida yoki kombinatsiyalangan terapiya tarkibida). 3 yoshdan boshlab bolalarda: Allergiyaga qarshi vosita sifatida: - Qichishish joyi va etiologiyasidan qat’i nazar (fotokontakt dermatiti va quyosh toshmasi, dermatit, ekzema, toshma, zaharsiz hasharotlar yoki boshqa zaharsiz bo‘g‘imoyoqlilar chaqishi yoki chaqishi, suvchechak, qizamiq, Xodjkin kasalligi, qandli diabet, herpes zoster, anal soha qichishishi, vulva qichishishi, aniqlanmagan anogenital qichishish) monoterapiya ko‘rinishida yoki kombinatsiyalangan terapiya tarkibida. Sedativ (tinchlantiruvchi) vosita sifatida: - Operatsiyaga dori-darmonli tayyorgarlikda (jarrohlik aralashuvi oldidan sedatsiya maqsadida).

- preparat komponentlariga yuqori sezuvchanlik; - laktozani o‘zlashtira olmaslik, laktaza yetishmovchiligi, glyukoza-galaktoza malabsorbsiyasi; - yopiq burchakli glaukoma; - prostata bezining gipertrofiyasi; - og‘ir jigar va/yoki buyrak yetishmovchiligi; - parkinsonizm; - miasteniya; - Reyye sindromi; - monoaminooksidaza (MAO) ingibitorlarini bir vaqtda qo‘llash; - homiladorlik; - laktatsiya davri; - 3 yoshgacha bo‘lgan bolalar uchun preparatni allergiyaga qarshi vosita sifatida va jarrohlik aralashuvidan oldin sedatsiya uchun qo‘llashda, boshqa ko‘rsatmalar bo‘yicha 7 yoshgacha bo‘lgan bolalar uchun. Qo‘llashda ehtiyot choralar Preparatni ehtiyotkorlik bilan quyidagi holatlarda qo‘llash kerak: alkogolizmda, agar anamnezda fenotiazin qatoridagi preparatlarni qo‘llashda asoratlar bo‘lgan bo‘lsa; siydik pufagi bo‘yni obstruksiyasida; siydik tutilishiga moyillikda; epilepsiyada; ochiq burchakli glaukoma; sariqlikda; suyak iligi funksiyasining susayishida; arterial gipotenziyada.

Og'iz orqali. Chaynalmaydi. Preparatning ta'siri doza bog'liq xususiyatga ega, doza terapiya maqsadlariga qarab tanlanadi. Kattalar uchun Vegetostabilizatsion effektga erishish uchun 15-60 mg/kun. Anksiolitik effektga erishish uchun 20-80 mg/kun. Sedativ va/yoki uyqu keltiruvchi effektga erishish uchun 5-10 mg bir marta (uyqudan 20-30 daqiqa oldin). Allergik reaksiyalarni simptomatik davolash uchun 10-40 mg/kun. Kursli davolashni kechqurun 2,5-5 mg qabul qilishdan boshlash va kunlik doza asta-sekin kerakli effektga erishilgunga qadar oshiriladi. Kunlik doza 3-4 marta qabul qilishga bo'linishi mumkin. Kursli davolash davomiyligi 2 dan 6 va undan ortiq oygacha bo'lishi mumkin va shifokor tomonidan belgilanadi. Kattalar uchun eng yuqori doza 500 mg/kun, keksa yoshdagilar (60 yoshdan katta) uchun – 200 mg/kun. 7 yoshdan boshlab bolalarga quyidagi sxema bo'yicha (yosh va tana vazniga qarab) buyuriladi. Anksiolitik effektga erishish uchun 20-40 mg/kun. Davolash kursini 2,5-5 mg qabul qilishdan boshlash va kunlik doza asta-sekin kerakli effektga erishilgunga qadar oshiriladi. Kunlik doza 3-4 marta qabul qilishga bo'linishi mumkin. Sedativ va/yoki uyqu keltiruvchi effektga erishish uchun 2,5-5 mg bir marta (uyqudan 20-30 daqiqa oldin). Psixotik holatlarda xulq-atvor buzilishida sedativ effektga erishish uchun kunlik doza 60 mg/gachaga oshirilishi mumkin. Allergik reaksiyalarni simptomatik davolash uchun 5-20 mg/kun. Kursli davolash davomiyligi 2 dan 6 va undan ortiq oygacha bo'lishi mumkin va shifokor tomonidan belgilanadi. 3 yoshdan boshlab bolalar uchun Allergik reaksiyalarni simptomatik davolash uchun 2,5-5 mg 3-4 marta kuniga. Kursli davolash davomiyligi 2 dan 6 va undan ortiq oygacha bo'lishi mumkin va shifokor tomonidan belgilanadi. Sedatsiya maqsadida jarrohlik aralashuvi oldidan 3 dan 7 yoshgacha bo'lgan bolalarga 2 mg/kg hisobida operatsiyadan 1-2 soat oldin buyuriladi. Maksimal kunlik doza 2 mg/kg.

Nojo'ya ta'sirlar juda kam uchraydi va unchalik kuchli emas. Nerv tizimi tomonidan: uyquchanlik, sustlik, tez charchash (asosan, qabul qilishning dastlabki kunlarida paydo bo'ladi va kamdan-kam hollarda preparatni bekor qilishni talab qiladi), paradoksal reaksiya (bezovtalik, qo'zg'alish, dahshatli tushlar, asabiylik); ongning chalkashishi, ekstrapiramidal buzilishlar (gipokineziya, akatiziya, tremor). Sezgi organlari tomonidan: ko'rishning noaniqligi (akkomodatsiya parezi), quloqda shovqin yoki jiringlash. Yurak-qon tomir tizimi tomonidan: bosh aylanishi, arterial bosimning pasayishi (AB), taxikardiya. Ovqat hazm qilish tizimi tomonidan: og'iz bo'shlig'i shilliq qavatining qurishi, me'da-ichak trakti atoniyasi, qabziyat, ishtahaning pasayishi. Nafas olish tizimi tomonidan: burun, halqumda qurish, bronxial sekretsiyaning quyuqlashishi. Siydik ajratish tizimi tomonidan: siydik pufagi atoniyasi, siydik tutilishi. Boshqalar: allergik reaksiyalar, suyak iligi gemopoezining susayishi, terlashning kuchayishi, mushak relaksatsiyasi, fotosensibilizatsiya.

Farmakodinamikasi Fenotiazin hosilasi hisoblanadi. Alimemazin yumshoq sedativ va anksiolitik vosita sifatida ta'sir qiladi, senestopatiya, majburiy harakatlar va fobiyalarda ijobiy ta'sir ko‘rsatadi. Neyrovegetativ buzilishlar, tomir, travmatik va infeksion markaziy asab tizimi funksiyalarining buzilishlari natijasida rivojlanadigan psixosomatik namoyonlarda qo‘llaniladi. Sedativ ta'siri ushbu toifadagi bemorlarda uyquni normallashtirishga yordam beradi. Quvvatli qusishga qarshi va yo‘talga qarshi faollikka ega. Sedativ va anksiolitik ta'siri bosh miya poyasining retikulyar formasiyasi adrenoretseptorlarini bloklash bilan bog‘liq. Qusishga qarshi va vegetostabilizatsion ta'siri qusish markazi trigger zonasining dofamin D2-retseptorlarini bloklash bilan bog‘liq. Antigistamin faolligi tufayli alimemazin allergik kasalliklarda, ayniqsa nafas yo‘llari va teri qichishishida qo‘llaniladi. Alimemazin antigistamin va sedativ ta'siri bo‘yicha diprazinga nisbatan faolroq. Qichishishga qarshi ta'siri birinchi turdagi gistamin retseptorlariga ta'siri bilan bog‘liq. Farmakokinetikasi Har qanday qo‘llash yo‘llarida tez va to‘liq so‘riladi. Alimemazinning ta'siri yuborilgandan 15-20 daqiqa o‘tib boshlanadi va 6-8 soat davom etadi. Plazma oqsillari bilan bog‘lanishi 20-30 %. Jigarda metabolizatsiyalanadi. Buyraklar orqali chiqariladi — 70-80 % metabolit (sulfoksid) ko‘rinishida.

Alimemazin birga qo‘llanilayotgan Dori vositalarining ototoksik ta’sirini (quloqda shovqin, bosh aylanishi) yashirishi mumkin. Alimemazin organizmning riboflavinga bo‘lgan ehtiyojini oshiradi. Teridagi skarifikatsion allergen testlari natijalarini buzilishining oldini olish uchun preparatni allergologik testdan 72 soat oldin bekor qilish kerak. Davolash davrida homiladorlik mavjudligiga soxta musbat natijalar bo‘lishi mumkin. Davolash davrida spirtli ichimliklar iste’mol qilinmasligi kerak. Avtotransport vositalarini boshqarish va mexanizmlarni boshqarish qobiliyatiga ta’siri: Preparat bilan davolash fonida diqqatni yuqori jamlash va psixomotor reaksiyalar tezligini talab qiladigan faoliyat turlari bilan shug‘ullanish tavsiya etilmaydi (avtomobil va boshqa transport vositalarini boshqarish, harakatlanuvchi mexanizmlar bilan ishlash, dispetcher va operator ishi).

Siptomlari: tavsiflangan nojo‘ya ta’sirlarning kuchayishi, allergik reaksiyalar bundan mustasno. Davolash: preparatni bekor qilish, simptomatik terapiya.