Farmakodinamiya

Ta'sir mexanizmi va joyi aniq emas va markaziy asab tizimida prostaglandin sintezini bostirish bilan bog'liq bo'lishi mumkin.

Antipiretik ta'sir: antipiretik ta'sir

paratsetamolning tana haroratini boshqaruvchi gipotalamik markazlarga to'g'ridan-to'g'ri ta'siri bilan bog'liq deb hisoblanadi, natijada tomirlarning kengayishi va kuchaygan terlash natijasida issiqlik atrof-muhitga chiqariladi. Og'riqni qoldiruvchi ta'sir: og'riq sezgirligi chegarasining oshishi bilan izohlanishi mumkin.

Difenhidramin og'iz orqali qabul qilinganda tez va yaxshi so'riladi, plazmadagi maksimal konsentratsiyaga 1-4 soatda erishiladi. Plazma oqsillari bilan bog'lanishi 98-99%. Ko'p qismi jigarda metabolizatsiyalanadi, kam qismi o'zgarmagan holda siydik bilan 24 soat ichida chiqariladi. T1/2 1-4 soatni tashkil etadi. Organizmda yaxshi taqsimlanadi. Ona suti bilan chiqariladi va emizikli bolalarda sedativ ta'sir ko'rsatishi mumkin. Maksimal faollik 1 soatda rivojlanadi, ta'sir davomiyligi 4 dan 6 soatgacha.

Preparat tarkibiga kiruvchi nosteroid yallig'lanishga qarshi faol komponent paratsetamol tufayli isitmani tushiruvchi, yallig'lanishga qarshi, og'riqni qoldiruvchi ta'sirga ega, bu kunlik va tungi tabletkalarda mavjud.

Super Kun va Tun preparati tarkibiga kiruvchi paratsetamol prostaglandin sintezini ingibitsiya qiladi.

Kunlik tabletka tarkibida paratsetamoldan tashqari fenilefrin mavjud bo'lib, u alfa-adrenomimetik hisoblanadi va tomirlarni toraytiruvchi ta'sirga ega, natijada yuqori nafas yo'llari shilliq qavatlarining shishlari kamayadi.

Tungi tabletka tarkibida paratsetamoldan tashqari difenhidramin mavjud bo'lib, u NІ gistamin retseptorlari blokatori hisoblanadi, antiallergik faollikka ega, sedativ va uyqu keltiruvchi ta'sir ko'rsatadi.

Farmakokinetika

Paratsetamol tez va to'liq oshqozon-ichak traktida so'riladi, plazmada maksimal konsentratsiyaga 0,5-2 soatda erishiladi.

Taqsimlanishi: paratsetamolning 25% oqsillar bilan bog'lanadi.

Metabolizm: taxminan 90-95% jigarda metabolizatsiyalanadi.

Chiqarilishi: paratsetamol siydik bilan chiqariladi. O'rtacha yarim chiqarilish davri 1 dan 4 soatgacha o'zgaradi.

Fenilefrin oshqozon-ichak traktidan tez so'riladi (qarang chiqarilish tezligi). Zamonaviy texnologiyalar fenilefrinning bosqichma-bosqich ajralishini va kunlik tabletkalarning uzaytirilgan ta'sirini ta'minlaydi. Fenilefrin metabolizmi jigar va ichakda monoaminoksidaza fermenti ishtirokida amalga oshiriladi.

 

Super Kun va Tun preparati bilan dozani oshirib yuborish holatlari qayd etilmagan. Dori bilan zaharlanish yuzaga kelganda har bir faol komponentga xos simptomatika rivojlanishi mumkin.

Difenhidramin simptomlarni keltirib chiqaradi: og'iz qurishi, nafas olishda qiyinchilik, doimiy midriaz, yuzning qizarishi, markaziy asab tizimining susayishi va qo'zg'alishi (ko'proq bolalarda), ongning chalkashishi, bolalarda tutqanoq rivojlanishi.

Paratsetamol: paratsetamolning katta (10-15 g dan ortiq) dozalari qabul qilinsa, jigar yetishmovchiligi rivojlanishi mumkin. Klassik zararlanish uch bosqichda rivojlanadi.

Dori qabul qilingandan bir necha soat o'tgach o'tkir me'da-ichak simptomlari paydo bo'ladi. 24-48 soatdan so'ng bu simptomlar susayadi va ikkinchi, yashirin bosqich rivojlana boshlaydi, yana bir necha kundan so'ng jigar sariqligi rivojlanadi, ko'pincha bu buyrak yetishmovchiligi va boshqa organlarning toksik zararlanishi bilan kechadi.

Fenilefrin gipertenziya, taxikardiya, keyinchalik bradikardiya, tutqanoq, psixoz, gipertermiya chaqiradi.

Davolash: qusishni stimullash, oshqozonni yuvish, faollashtirilgan ko'mir buyurish, simptomatik va qo'llab-quvvatlovchi terapiya nafas olish va arterial bosim darajasini diqqat bilan nazorat qilish fonida.

Paratsetamol bilan zaharlanishda maxsus antidot - atsetilsistein hisoblanadi, u og'iz orqali tana vazniga 140 mg/kg boshlang'ich dozada qo'llaniladi. Keyin preparat har 4 soatda tana vazniga 70 mg/kg dozada qabul qilinadi. Davolashning umumiy davomiyligi odatda 72 soatni tashkil etadi. 

 

Gipertireoz, gipertenziya, koronar yetishmovchilik, qandli diabet (l. mellitus), yopiq burchakli glaukoma, prostata bezi gipertrofiyasi, o'n ikki barmoqli ichakning stenoze qiluvchi yarasi, siydik pufagi bo'ynining stenozi, me'da bo'lgan shaxslarda ehtiyotkorlik bilan qo'llash.

Davolash davrida alkogolli ichimliklarni iste'mol qilishdan saqlanish kerak.

Homiladorlik va laktatsiya davri

Homiladorlik va laktatsiya davrida qo'llash mumkin emas.

Avtomobil va murakkab mexanizmlarni boshqarish qobiliyatiga ta'siri

Kechki tabletkaga kiruvchi difenhidramin umumiy holsizlik, charchoq, diqqatning pasayishi, bosh aylanishi, uyquchanlik, harakatlarni muvofiqlashtirishning buzilishi chaqiradi. Preparat transport vositalari haydovchilari va kasbi yuqori diqqatni jamlash, tez psixik va harakat javobini talab qiladigan odamlarda ishlash vaqtida qo'llanilmasligi kerak. Preparat faqat ko'rsatilgan dozada, belgilangan davrdan oshmasdan va faqat ko'rsatmalarga muvofiq qo'llanilishi kerak.

Tabletkalarni qabul qilish tartibiga qat'iy rioya qilish tavsiya etiladi (sariq tabletkani uxlashdan oldin va oq tabletkani ertalab nonushtadan keyin), chunki sariq kechki tabletkani kunduzgi vaqtda qabul qilinsa, bosh aylanishi va uyquchanlik yuzaga kelishi mumkin. 

 

Difenhidramin: MAO ingibitorlari difenhidraminning xolinolitik effektlarini kuchaytiradi. Psixostimulyatorlar bilan birga qo'llanganda antagonistik o'zaro ta'sir kuzatiladi.

Paratsetamol: Barbituratlar, antikonvulsantlar, rifampitsin, shuningdek, spirtli ichimliklar bilan birga qo'llanganda gepatotoksik ta'sir xavfi sezilarli darajada oshadi.

Fenilefrin: MAO ingibitorlari bilan birga qo'llanganda fenilefrinning effektlari potentsiyalanadi. Fenotiazinlar, alfa-adrenoblokatorlar (fentolamin), furosemid va boshqa diuretiklar fenilefrinning vazokonstriktor effektini kamaytiradi. Oksitotsin, ergot alkaloidlari, tritsiklik antidepressantlar, furazolidon, prokarbazin, selegilin, simpatomimetiklar pressor effektni kuchaytiradi, oxirgisi va aritmogenlikni ham oshiradi. 

 5 ta oq rangli va 5 ta sariq rangli tabletkalar bitta blisterda, tibbiy qo'llash bo'yicha yo'riqnoma bilan birga karton qadoqda joylashtirilgan.