Tarkibi (100 ml da) Faol komponentlar: oddiy timyan o‘ti suyuq spirtli ekstrakti (Thymi extractum fluidum ethanolum) 4,1624 g, sudraluvchi timyan o‘ti suyuq spirtli ekstrakti (Serpylli extractum fluidum ethanolum) 4,1630 g, lanset bargli shuvoq barglari suyuq spirtli ekstrakti (Plantaginis extractum fluidum ethanolum) 4,1666 g; yordamchi moddalar: asal 22,5000 g, natriy benzoat 0,1250 g, saxaroza 62,0000 g, glitserol 85 % 0,0078 g, suv 100,0000 ml gacha.

Yo'tal va ajralishi qiyin bo'lgan balg'am bilan kechadigan nafas yo'llarining o'tkir va surunkali yallig'lanish kasalliklarini kompleks davolash tarkibida (traxeit, bronxit, traxeobronxit).

Preparat tarkibiy qismlariga yuqori sezuvchanlik; asal va asalarichilik mahsulotlariga ma'lum toqat qilmaslik bo'lgan bemorlarda; yasnotkali o'simliklar (Lamiaceae) oilasiga yuqori sezuvchanlik; surunkali yurak yetishmovchiligi (dekompensatsiya bosqichida); jigar va buyrak kasalliklari; tug'ma fruktoza toqat qilmaslik; glyukoza-galaktoza malabsorbsiyasi; saxaraza/izomaltaza yetishmovchiligi; homiladorlik; emizish davri; 1 yoshgacha bo'lgan bolalar.

Extiyotkorlik bilan
Alkogolizm, epilepsiya, bosh miya jarohati, bosh miya kasalliklari, jigar, qandli diabet, 4 yoshgacha bo'lgan bolalar. 1 yoshdan 4 yoshgacha bo'lgan bolalarga preparatni faqat shifokor tavsiyasiga ko'ra qabul qilish mumkin.

Og'iz orqali, ovqatdan keyin (ishtahani pasaytirish ehtimoli tufayli). 1 yoshdan 4 yoshgacha bo'lgan bolalarga preparatni faqat shifokor tavsiyasiga ko'ra qabul qilish mumkin. 1 yoshdan 4 yoshgacha bo'lgan bolalarga - ½ choy qoshiqdan (1 choy qoshiq=5 ml) kuniga 3 marta, 4 yoshdan 12 yoshgacha - 1–2 choy qoshiqdan (1 choy qoshiq=5 ml) kuniga 3 marta, 12 yoshdan katta o'smirlar, kattalar va qariyalar - 1 osh qoshiqdan (1 osh qoshiq=15 ml) kuniga 3-4 marta (kuniga 4 martadan ko'p emas). Shifokor tayinlovisiz davolash kursi - 10 kundan oshmasligi kerak. Kattalarda 5 kun, bolalarda 3 kun davomida yaxshilanish bo'lmasa yoki ahvol yomonlashsa, shifokorga murojaat qiling. Davolash davomiyligini oshirish va takroriy kurslarni o'tkazish shifokor tavsiyasiga ko'ra mumkin. Preparatni faqat yo'riqnomada ko'rsatilgan ko'rsatmalar, qo'llash usuli va dozalarda qo'llang.

Nojo'ya reaksiyalar Jahon sog'liqni saqlash tashkiloti (JSST) tasnifiga muvofiq tizimlashtirilgan: tez-tezligi noma'lum (mavjud ma'lumotlarga asoslanib aniqlash mumkin emas).

Allergik reaksiyalar: tez-tezligi noma'lum - dispnoe, teri toshmasi, eshakemi, shuningdek yuz, og'iz bo'shlig'i yoki tomoq shishishi (Kvinke shishi).

Ovqat hazm qilish tizimi tomonidan buzilishlar: tez-tezligi noma'lum - spazmlar, ko'ngil aynishi, qusish.

Ushbu hollarda, shuningdek, yo'riqnomada ko'rsatilmagan boshqa nojo'ya hodisalar rivojlanishida preparatni qabul qilishni to'xtatish va shifokorga murojaat qilish zarur.

An’anaviy o‘simlik dori vositasi. Preparat balg‘am ko‘chiruvchi, yallig‘lanishga qarshi ta’sir ko‘rsatadi, balg‘amning quyuqligini kamaytirishga va uning chiqarilishini tezlashtirishga yordam beradi.

Agar bemorning ahvoli yaxshilanmasa yoki bo'g'ilish xurujlari, yiringli balg'am paydo bo'lsa, shuningdek tana harorati ko'tarilsa, darhol shifokorga murojaat qilish kerak.
Stopptussin FITO preparati tarkibida 62% saxaroza mavjud, shuning uchun uni qandli diabet bilan kasallangan bemorlarda va uglevodlar miqdori kamaytirilgan dietada bo'lgan shaxslarda ehtiyotkorlik bilan qo'llash kerak. Stopptussin FITO preparatining 1 choy qoshiqida 3,1 g gacha saxaroza (bu 0,28 XE ga teng), 1 osh qoshiqda esa 9,3 g gacha saxaroza (bu 0,85 XE ga teng) mavjud.
Stopptussin FITO preparati 3,4 % (hajm.) etanolni o'z ichiga oladi: 1 choy qoshiq siropda (5 ml) 0,14 g gacha sof etil spirti; 1 osh qoshiq siropda (15 ml) 0,42 g gacha sof etil spirti; kattalar uchun Stopptussin FITO preparatining maksimal sutkalik dozasida (60 ml) 1,68 g gacha sof etil spirti mavjud.

Transport vositalarini, mexanizmlarni boshqarish qobiliyatiga ta'siri

Transport vositalarini boshqarish va mexanizmlar bilan ishlash qobiliyatiga mumkin bo'lgan ta'siri haqida ma'lumotlar yo'q. Spirtli ichimliklar tarkibi tufayli preparat bunday faoliyatni amalga oshirish qobiliyatiga salbiy ta'sir ko'rsatishi mumkin. Stopptussin FITO preparati bilan davolanish davrida diqqatni yuqori jamlash va psixomotor reaksiyalar tezligini talab qiladigan potentsial xavfli faoliyat turlarini (transport vositalarini boshqarish, harakatlanuvchi mexanizmlar bilan ishlash, dispetcher, operator ishlari) bajarishdan saqlanish kerak.