Teri antiseptik ishlov berish uchun (jarroh qo‘llari, operatsion maydon, in'ektsiya joylari, kichik teri jarohatlari va tirnalishlar, o‘smirlik va boshqa teri toshmalari va boshqalar), yumshoq to‘qimalar va ichki organlarda qon bilan ta’minlanishni normallashtirish uchun (ko‘karishlar, shamollash kasalliklari, migren va boshqalar); damlamalar tayyorlash uchun.

Terining keng shikastlangan joylariga kompresslar qo‘yish tavsiya etilmaydi.

Teri antiseptik ishlov berish suyultirilmagan preparat bilan amalga oshiriladi. Qo‘zg‘atuvchi ta’sirga erishish uchun preparat distillangan yoki qaynatilgan suv bilan 4 hajm preparat va 3 hajm suv nisbatida suyultiriladi. Olingan 40% eritma bilan ishqalanadi yoki kompresslar qo‘yiladi. Bronxit va o‘pka yallig‘lanishida kompresslar orqa va ko‘krakka, migren va burun bitishida – oyoq tagiga, ko‘karishlarda – jarohatlangan joyga qo‘yiladi.

Preparat surtilgan joyda teri butunligi buzilganida achishish seziladi, bu bir necha daqiqadan so‘ng o‘z-o‘zidan o‘tib ketadi.

Tashqi qo‘llanganda etil spirti antiseptik va qo‘zg‘atuvchi ta'sir ko‘rsatadi. Bunda 40% eritma ko‘payishni to‘xtatadi, 70% eritma esa mikroorganizmlarning hayot faoliyatini to‘liq to‘xtatadi. Shu konsentratsiyada etil spirti epidermisning chuqur qatlamlariga kirib boradi, bu yerda ko‘pincha patogen mikroflora to‘planadi. Shuning uchun terini dezinfeksiya qilish uchun 70% etil spirti eritmasi qo‘llaniladi. Etil spirti chaqiradigan qo‘zg‘atuvchi ta'sir teri retseptorlaridan reflekslar paydo bo‘lishiga olib keladi, bu esa qo‘zg‘atilgan refleksogen zona bilan bog‘liq organlarning normal qon bilan ta'minlanishini tiklaydi. Katta teri yuzalarining qo‘zg‘atilishida nafas olish reflektor uyg‘onishi va arterial bosimning ko‘tarilishi, shuningdek, yurak qisqarishlari ritmining tezlashishi yuz beradi. Qo‘zg‘atuvchi ta'sir olish uchun odatda 70% etil spirti eritmasi qo‘llaniladi.