Alkogol bilan o‘zaro ta’siri bo‘yicha tadqiqotlar o‘tkazilgan. Hayvonlarda in vitro va in vivo tadqiqotlar mebeverin gidroxloridi va etanol o‘rtasida hech qanday o‘zaro ta’sir yo‘qligini ko‘rsatdi. 

 Homiladorlik yoki emizish davrida qo‘llash.
Mebeverinni homilador ayollarda qo‘llash bo‘yicha faqat juda cheklangan ma’lumotlar mavjud. Hayvonlarda reproduktiv toksiklik bo‘yicha tadqiqotlar yetarli emas. Mebeverin gidroxloridini homiladorlik davrida qo‘llash tavsiya etilmaydi.

Mebeverin yoki uning metabolitlari ona sutiga ajralishi noma’lum. Hayvonlarda mebeverinning ona sutiga ajralishi o‘rganilmagan. Sparkni emizish davrida qo‘llash mumkin emas.

Erkak yoki ayol fertilitetiga ta’siri bo‘yicha klinik ma’lumotlar yo‘q, biroq hayvonlarda o‘tkazilgan tadqiqotlar mebeverinning zararli ta’sirini ko‘rsatmaydi.

Avtotransport yoki boshqa mexanizmlarni boshqarish tezligiga ta’sir qilish qobiliyati.
Avtomobil boshqarish va mexanizmlar bilan ishlash qobiliyatiga ta’siri bo‘yicha tadqiqotlar o‘tkazilmagan. Farmakodinamik va farmakokinetik profili, shuningdek, postmarketing tajribasi avtomobil boshqarish va mexanizmlar bilan ishlash qobiliyatiga zararli ta’sir ko‘rsatmaydi. 

 Dozani oshirib yuborishda markaziy asab tizimi qo‘zg‘alishi kuzatilishi mumkin. Mebeverin dozasi oshirib yuborilgan hollarda simptomlar yo‘q yoki yengil bo‘lgan va tezda yo‘qolgan. Dozani oshirib yuborish simptomlari asosan nevrologik yoki kardiovaskulyar kelib chiqishga ega bo‘lgan. Maxsus antidot noma’lum. Simptomatik davolash tavsiya etiladi. Oshqozonni yuvish faqat bir necha dori vositalari bilan intoksikatsiya bo‘lganda, dori vositalari qabul qilinganidan 1 soat ichida tavsiya etiladi. Absorbsiyani kamaytirish choralarini ko‘rish zarur emas.
Nojo‘ya reaksiyalar
Teri va teri osti yog‘ qavati tomonidan: eshakemi, angionevrotik shish, yuz shishi va toshma.

Immun tizimi tomonidan: gipersensitivlik (anafilaktik reaksiyalar).