1 tabletka quyidagilarni saqlaydi:
faol moddalar:
Gentianae radix (gajak o't ildizi) 12 mg
Primulae flos (navro'zgul gullari) 36 mg
Rumicis herba (shovul o'ti) 36 mg
Sambusi flos (marjon guli) 36 mg
Verbenae herba (tizimgul o'ti) 36 mg
yordamchi moddalar: kartoshka kraxmali, suvsiz kolloid kremniy dioksidi, tozalangan suv, laktoza monogidrati, jelatin, sorbitol, stearin kislotasi, kaltsiy karbonati, glyukoza siropi, magniy oksidi, makkajo'xori kraxmali, dekstrin, glikolli tog'mumi, asosiy butillangan metakrilat sopolimeri, kanakunjut moyi, saxaroza, shellak, talk, titan dioksidi, indigo-karmin (alyumin laki) (E132), 25% li xlorofill kukuni (E141), riboflavin (E101).

Yopishqoq sekret hosil bo'lishi va burun bitishi bilan kechuvchi o'tkir va surunkali rinosinusitlarda qo'llanadi.

Preparatning faol va yordamchi moddalariga yuqori sezuvchanlik.
Tegishli ma'lumotlarni yo'qligi sababli, preparatni 12 yoshdan kichik bolalarda qo'llash mumkin emas.

Ichga qabul qilish uchun buyuriladi.
Kattalar va 12 yoshdan oshgan o'smirlar: 1 tabletkadan bir kunda uch marta.
Tabletkani butunligicha, chaynamasdan, etarli miqdordagi suyuqlik (masalan, bir stakan suv) bilan yutish kerak. Sinupret ® Forte tabletkasini qabul qilish 7-14 kundan oshmasligi kerak.
Agar simptomlar saqlanib qolsa yoki vaqti-vaqti bilan qaytalansa, shifokor bilan maslahatlashish kerak.

Me'da–ichak yo'llari tomonidan buzilishlar (masalan, me'dada og'riq, ko'ngil aynishi) kam hollarda namoyon bo'ladi.
Ayrim hollarda terida toshma, qichishish, qizarish kabi teri allergik reaktsiyalari kuzatilishi mumkin. Shuningdek, Kvinke shishi, hansirash, yuzni shishi kabi allergik reaktsiyalar ham yuzaga kelishi mumkin.
Har qanday allergik reaktsiyalar paydo bo'lganida Sinupret ® forteni qabul qilishni to'xtatish va shifokorga murojaat qilish kerak.
Nojo'ya samaralar, shu jumladan ilova-varaqada ko'rsatilmagan nojo'ya samaralar paydo bo'lganida shifokorga murojaat qilish kerak.

O'simliklardan olinadigan majmuaviy preparatdir.
Farmakologik xususiyatlari preparatning tarkibidagi biologik faol moddalarga bog'liqdir. Sinupret ® Forte sekretolitik, sekretomotor, shuningdek yallig'lanishga qarshi ta'sir ko'rsatadi. Shu sababli, preparat burunning yondosh bo'shliqlaridan va yuqori nafas yo'llaridan shilliq sekretni chiqarilishiga yordam beradi. Shu bilan birga preparat antivirus va antibakterial hususiyatlariga ega va infektsiyalarda yordam beradi.

Boshqa antibakterial dori vositalari bilan majmuada ishlatilishi mumkin.
Boshqa dori vositalari bilan o'zaro ta'siri hozirgi paytgacha ma'lum emas.

Agar simptomlar 7-14 kundan ortiq davom etsa, yomonlashsa yoki vaqti-vaqti bilan takrorlansa va/yoki pasientda davomli isitma, kuchli og'riq yoki noaniq shikoyatlar paydo bo'lsa shifokorga murojaat etish kerak.
Me'dani sezgirligi yoki me'daning ma'lum kasalliklari mavjud bo'lgan pasientlarda ushbu dori vositasini qabul qilganda ehtiyotkorlik talab etiladi. Sinupret ® forteni bir stakan suv bilan ovqatdan keyin qabul qilgan afzal.
Glyukoza, laktoza, saxaroza yoki sorbitolni o'zlashtiraolmaslikda Sinupret ® Forte dori vositasini faqat shifokor bilan maslahatlashgandan keyingina qo'llash mumkin.
Homiladorlik va laktasiya davri
Sinupret ® Forte dori vositasini homiladorlik va laktasiya davrida faqat davolovchi shifokor tomonidan foyda/xavf nisbatini sinchkovlik bilan baholagandan keyingina qo'llash mumkin. Laktasiya davrida qo'llash yuzasidan ma'lumotlar yo'qligi tufayli, Sinupret ® Forte qobiq bilan qoplangan tabletkalarni ushbu davrda qabul qilish mumkin emas.
Preparat tavsiya qilingan dozalarda avtomobilni boshqarish va yuqori diqqatni talab qiluvchi mexanizmlar bilan ishlash qobiliyatiga ta'sir ko'rsatmaydi.
Qandli diabeti bo'lgan bemorlar uchun ma'lumot: preparatning bir martalik dozasi o'rtacha 0,2 birlik uglevodlar saqlaydi.

Agar siz preparatni katta dozada qabul qilgan bo'lsangiz, kerakli choralarni ko'rish uchun shifokoringizga murojaat qiling. Nojo'ya ta'sirlar kuchli namoyon bo'lishi mumkin.