5 ml suspenziyada quyidagilar mavjud
Aluminiy gidroksid quruq geli 405 mg, magniy gidroksid 100 mg, simetikon 125 mg;

Oshqozon-ichak trakti kasalliklari, sekretsiya funksiyasi oshgan va normal bo‘lgan, meteorizm (ichakda gaz hosil bo‘lishi ortgan holat) bilan kechuvchi.
Boshqa dori vositalari bilan birga quyidagi kasalliklarda qo‘llaniladi:

oshqozon va o‘n ikki barmoqli ichak yara kasalligi zo‘rayish bosqichida;
o‘tkir gastrit, surunkali gastrit zo‘rayish bosqichida;
oshqozon va o‘n ikki barmoqli ichak eroziyasi; peptik yara; diafragma qizilo‘ngach teshigi churrasi;
refluks-ezofagit;
duodeno-gastral refluks.
Shuningdek, noto‘g‘ri ovqatlanish, ortiqcha alkogol, kofe va nikotin iste’mol qilish natijasida yuzaga keladigan epigastriyadagi noqulaylik va og‘riq, qizilo‘ngachda achishish, o‘tirib ketish holatlarida ham qo‘llash mumkin.

Simalgel preparati komponentlariga yuqori sezuvchanlik; buyrak funksiyasining og‘ir buzilishi (magniy va aluminiy ionlari konsentratsiyasining qon zardobida oshishi xavfi tufayli, ularning buyraklar orqali chiqarilishi sekinlashgani sababli); 10 yoshgacha bo‘lgan bolalar.

Ichga qabul qilish uchun suspenziya.
Kattalarga 10 ml dan kuniga 4 marta ovqatdan 1 soat o‘tib (agar shifokor boshqacha ko‘rsatmasa) qabul qilinadi.
Refluks-ezofagitda preparat ovqatdan qisqa vaqt o‘tib qabul qilinadi.
Davolash kursi 2-3 oy.
Epizodik qo‘llashda (noto‘g‘ri ovqatlanishda noqulaylik) – bir martalik 10 ml.
10 yoshdan katta bolalar uchun dozalashni davolovchi shifokor belgilaydi (odatda kattalar dozasining ½ qismi).

Böyrak yetishmovchiligi bo‘lgan bemorlarda alyuminiy, magniy intoksikatsiyasi rivojlanishi mumkin. Suyak-bo‘g‘im kasalliklari va Altsgeymer kasalligining (keksalarda) kuchayishi. Kamdan-kam hollarda me’da-ichak tizimi tomonidan ta’m bilishning buzilishi, ko‘ngil aynishi, qusish, diareya, qabziyat kuzatilishi mumkin.

Simalgel - bu ko‘p komponentli antasid, qoplovchi, adsorbsiyalovchi mahalliy ta’sirga ega vosita bo‘lib, aluminiy va magniyning optimal nisbatiga ega. Preparat optimal bufer effektini ta’minlaydi – oshqozonda pH qiymatini 3,5-4,0 oralig‘ida ushlab turadi. Maksimal kislota neytrallovchi effektga ega. Simalgel pepsin va o‘t kislotalarini adsorbsiyalaydi, shilliq hosil bo‘lishini va prostaglandinlar PgE2 sintezini kuchaytiradi, shilliq qavatni qoplaydi va tsitoprotektiv ta’sir ko‘rsatadi, shikastlangan to‘qimada himoya qatlami hosil qiladi va pastki ezofageal sfinkter tonusini oshiradi. Tarkibiga kiritilgan yuza-aktiv modda — simetikon, fazalar chegarasida yuza tarangligini kamaytiradi, bu gaz pufakchalari hosil bo‘lishini qiyinlashtiradi va ularning oshqozon-ichak trakti shilliq va suspenziyasida parchalanishiga yordam beradi.
Simetikon antasidlar bilan qo‘llanganda ularning qoplovchi effektini kuchaytiradi va shu bilan shilliq qavatni agressiv omillardan himoya qiladi, meteorizmning klinik ko‘rinishlarini (og‘riq, havoga o‘tirib ketish, qorin dam bo‘lishi, qorinda g‘o‘ldirash) bartaraf etadi.