1 tabletka, qobiq bilan qoplangan, quyidagilarni o‘z ichiga oladi: Faol modda: Albendazol 200 mg yoki 400 mg. Yordamchi moddalari: Laktosa monogidrat, makkajo‘xori kraxmali, magniy stearati, natriy kraxmal glikolyat, krosprovidon, polivinilpirrolidon K25, natriy laurilsulfat. Qobiqning yordamchi moddalari: gidroksipropilmetilsellyuloza, polietilenglikol 4000, titana dioksid, talk, Sunset Yellow bo‘yoq - 200 mg doza uchun. Tavsifi: 200 mg qobiq bilan qoplangan tabletkalar: Dumaloq, ikki tomonlama qavariq, qobiq bilan qoplangan och sariq-to‘q sariq rangli, o‘ziga xos hidli tabletkalar. 400 mg qobiq bilan qoplangan tabletkalar: Ikki tomonlama qavariq, cho‘zilgan shakldagi, bir tomonida chizig‘i bor, qobiq bilan qoplangan oq yoki deyarli oq rangli, o‘ziga xos hidli tabletkalar.

Preparat gelmint invaziyalarida, jumladan, nematodozlarda qo'llaniladi: - cho'chqa tasmasimon chuvalchangining lichinka shakli (Taenia solium) chaqirgan neyrotsistitsirkoz; - it tasmasimon chuvalchangining lichinka shakli (Echinococcus granulosus) chaqirgan jigar, o'pka, qorin parda ehinokokkozi; ehinokokk kistalarini jarrohlik davolashda yordamchi vosita sifatida; - askaridoz; - trixocefalez; - ankilostomidoz; - enterobioz; - nekatoroz; - strongiloidoz (strogiloidoz); - opistorxoz; - mikrosporidioz; - toksokaroz; - lyamblioz; - aralash gelmintozlar.

Gipersensitivlik, homiladorlik, laktatsiya davri, 6 yoshgacha bo‘lgan bolalar yoshi - xavfsizligi aniqlanmagan. Ehtiyotkorlik bilan: suyak iligi gemopoezining susayishi, jigar yetishmovchiligi, jigar sirrozi, ko‘z to‘r pardasi patologiyasi.

Og'iz orqali, ovqatdan keyin, tabletkalar chaynalmaydi, suv bilan ichiladi. Sutkalik doza – 0,4 g (bir marta qabul qilishda), bolalar uchun - 6 mg/kg. Ichak bo'shatadigan dori vositalari va maxsus dieta talab qilinmaydi. Ankilostomidoz va askaridozda 0,4 g, enterobiozda 0,2 g bir marta, zarur bo'lsa 3 haftadan so'ng takrorlanadi. Strongiloidozda 0,4 g va tsestodozda 0,2 g kuniga 1 marta 3 kun davomida, zarur bo'lsa 3 haftadan so'ng takrorlanadi. 2 yoshdan katta bolalar va kattalar - miya tsistiserkozi: 0,4 g kuniga 2 marta 8-30 kun davomida. Askaridoz, trixocefalez, enterobioz va ankilostomidoz – 0,4 g bir marta, zarur bo'lsa 3 haftadan so'ng takrorlanadi. Lyamblioz: 0,4 g kuniga 1 marta 3 kun davomida. Strongiloidoz va tsestodoz: 0,4 g kuniga 1 marta 3 kun davomida, zarur bo'lsa 3 haftadan so'ng takrorlanadi.

Ovqat hazm qilish tizimi tomonidan: - qorin og'rig'i, ko'ngil aynishi, qusish, dispepsiya, "jigar" transaminazalarining faolligi oshishi. Nerv tizimi tomonidan: - bosh og'rig'i, bosh aylanishi, meningeal simptomlar. Qon hosil qiluvchi organlar tomonidan: - suyak iligi qon hosil qilishining susayishi, leyopeniya, granulositopeniya, agranulositoz, trombotsitopeniya, pansitopeniya. Siydik ajratish tizimi tomonidan: - buyrak funksiyasining buzilishi, o'tkir buyrak yetishmovchiligi. Allergik reaksiyalar: - teri toshmasi, qichishish. Boshqalar: - gipetermiya (haroratning oshishi), arterial bosimning oshishi, qaytuvchi alopesiya.

Antigelmint vositasi, mono- va poliinvaziyalarda samarali. Beta-tubulinning polimerizatsiyasini selektiv tarzda bostiradi, gelmintlarning ichak kanali hujayralarining mikrotubulyar tizimi faoliyatini buzadi; glyukozaning utilizatsiyasini bostiradi, sekretor granulalar va boshqa organellalarning dumaloq chuvalchanglarning mushak hujayralarida harakatlanishini bloklaydi, bu ularning o'lishiga olib keladi. Ayniqsa, tsestodlarning lichinka shakllariga nisbatan samarali - Echinococcus granulosus va Taenia solium, nematodlar – Strongyloides stercolatis.

Albendazol suyak iligi gemopoezi susaygan, jigar yetishmovchiligi, jigar sirrozi, ko'z to'r pardasi patologiyasi bo'lgan bemorlarga ehtiyotkorlik bilan buyuriladi. Har bir 28 kunlik davr boshida va davolash davomida har 2 haftada qon tahlillari o'tkazilishi kerak. Leykopeniya rivojlanishida davolashni to'xtatish zarur. Agar leykotsitlar va neyrotrof leykotsitlar umumiy miqdorining pasayishi mo''tadil va progres qilmasa, albendazol bilan davolashni davom ettirish mumkin. Preparatning yuqori dozasini oladigan bemorlar jigar funksiyasi holatini doimiy nazorat qilgan holda, diqqat bilan kuzatuvda bo'lishi kerak. Reproduktiv yoshdagi ayollarga davolashni boshlashdan oldin homiladorlik yo'qligiga test o'tkaziladi. Davolash davomida ishonchli kontratseptsiya majburiy. Ko'z zararlangan neyrotsistitsirkozda albendazol bilan davolashni boshlashdan oldin ko'z to'r pardasini tekshirish zarur (uning patologiyasi kuchayishi xavfi). Neyrotsistitsirkoz bilan kasallangan bemorlar mos ravishda steroidlar (GKS) va antikonvulsant preparatlar bilan davolanishi kerak. Og'iz orqali yoki vena ichiga kortikosteroidlar antitsist terapiyaning birinchi haftasida gipertenziya xurujini oldini olish uchun qo'llaniladi.