1 g gel tarkibida Faol modda deksetoprofen (deksetoprofen trometamol shaklida) 12,5 mg. Yordamchi moddalari: karbomer gomopolimer, etanol 96%, lavanda yog'i, mentol, natriy gidroksid, tozalangan suv.

Yengil va o'rtacha og'riq sindromi quyidagi kasalliklar va holatlarda - o'tkir va surunkali yallig'lanishli, yallig'lanish-degenerativ va metabolik tayanch-harakat apparati kasalliklarida (jumladan revmatoid artrit, spondiloartrit, artroz, osteoxondroz); - yumshoq to'qimalarning revmatik kasalliklarida (tendovaginit, bursit va boshqalar); - yumshoq to'qimalar va bo'g'imlarning jarohatdan keyingi yallig'lanishida (cho'zilish, zo'riqish, lat yeyish, chiqish va boshqalar natijasida).

- deksetoprofen, atsetilsalitsil kislotasi yoki boshqa YOKVQ, yoki preparat tarkibiga kiruvchi har qanday yordamchi moddalarga yuqori sezuvchanlik; - anamnezda astma xurujlari, bronxospazm, o‘tkir rinit, urtikariya yoki angionevrotik shish, shuningdek, shunga o‘xshash ta’sir mexanizmiga ega moddalar (atsetilsalitsil kislotasi va boshqa YOKVQ) qo‘llanilganda yuzaga kelgan; - teri butunligining buzilishi; - homiladorlikning III trimestri.

Sertofen gel tashqi qo'llanadi. Qo'llaniladigan preparat miqdori yallig'lanish jarayoni va og'riq sindromining og'irligiga bog'liq. Kattalar va 6 yoshdan katta bolalarda Sertofen gel kuniga 2-3 marta qo'llaniladi. Sutkalik doza 7,5 g dan oshmasligi kerak, bu taxminan 14 sm gelga to'g'ri keladi. Gel butunlay singib ketguncha butun terining shikastlanmagan qismiga surtiladi va ishqalab yuboriladi. Preparatni okluzion bog'lam ostiga surtish mumkin emas. Sertofen gel surtilgandan so'ng qo'llarni yuvish kerak. Shifokor bilan maslahatlashmasdan preparatni 7 kundan ortiq qo'llash tavsiya etilmaydi.

Sertofen gel quyidagi nojo'ya reaksiyalarni chaqiradi kamdan-kam hollarda dermatit, terining qizarishi, qichishish, shish, qobiq tashlash; juda kam hollarda gipersensitivlik reaksiyalari (toshma, eshakemi, bronxial astma, yuz, ko'z, lab, til shishi); tez-tez fotosensibilizatsiya.

Sertofen – nosteroid yallig‘lanishga qarshi vosita (NYQVQ), propion kislotasi hosilasi. Analgezik, yallig‘lanishga qarshi ta’sir ko‘rsatadi. Ta’sir mexanizmi tsiklooksigenaza-1 va tsiklooksigenaza-2 faolligini susaytirish va prostaglandinlar biosintezini kamaytirish bilan bog‘liq, ular yallig‘lanish, og‘riq va isitma patogenezida asosiy rol o‘ynaydi.

Sertofen gel faqat butun teriga surtilishi kerak, ochiq yaralarga tushishidan saqlanish lozim. Preparatni keng teri sohalarida uzoq muddat qo‘llashdan saqlanish zarur. Preparatning ko‘zga va shilliq qavatlarga tushishiga yo‘l qo‘ymaslik kerak. Davolanish vaqtida va undan keyingi ikki hafta davomida to‘g‘ridan-to‘g‘ri quyosh nurlari ta’siridan yoki solyariyga borishdan saqlanish lozim. Sertofen gel jigar va buyrak funksiyasi buzilgan bemorlarga ehtiyotkorlik bilan buyuriladi. AVTOTRANSPORT BOSHQARISH VA MEXANIZMLAR BILAN ISHLASH QOBILIYATIGA TA’SIRI Sertofen avtomobil boshqarish va yuqori tezlikdagi psixomotor reaksiyalarni talab qiladigan ishlarni bajarish qobiliyatiga ta’sir qilmaydi. HOMILADORLIK VA LAKTATSIYA DAVRIDA QO‘LLANISHI Sertofen homiladorlikning III trimestrida qo‘llash mumkin emas. Homiladorlikning I va II trimestrlarida faqat ona uchun foyda homila uchun potensial xavfdan ustun bo‘lsa, qo‘llash mumkin. Preparat emizish davrida qo‘llash tavsiya etilmaydi.

kam ehtimol, chunki deksetoprofenning tashqi qo'llashda tizimli so'rilishi juda past.