Farmakokinetika

Saitotek peroral qabul qilinganda tez so‘riladi va plazmada faol metabolit (mizoprostol kislotasi) ning maksimal konsentratsiyasiga taxminan 30 daqiqada erishiladi. Mizoprostol kislotasining plazmadan yarim chiqarilish davri 20–40 daqiqa. Preparatni 400 mkg dozada kuniga ikki marta ko‘p marotaba qabul qilganda mizoprostol kislotasining plazmada to‘planishi kuzatilmaydi. Saitotek prostaglandin E1 analogi bo‘lib, peptik yaralarni bitishiga va simptomlarni yengillashtirishga yordam beradi. Saitotek me’da va o‘n ikki barmoqli ichak shilliq qavatini himoya qiladi, bazal, stimullangan va tungi kislota sekretsiyasini ingibitsiya qiladi, shuningdek, me’da sekretsiyasi hajmini, me’da shirasining proteolitik faolligini kamaytiradi va bikarbonatlar hamda shilliq sekretsiyasini oshiradi. 

 Tug‘ish yoshidagi ayollar homiladorlik istisno qilinmagan taqdirda mizoprostol bilan davolashni boshlamasliklari kerak va davolanish davomida kontratseptiv vositalardan foydalanish zarurligi to‘g‘risida to‘liq xabardor qilinishi lozim. Homiladorlik gumon qilinganda preparat qabulini to‘xtatish kerak. Mizoprostolni NSVP bilan bir vaqtda qabul qilgan bemorlarda qon ketish, yara va OVKT perforatsiyasi rivojlangan. Shifokorlar va bemorlar OVKT tomonidan simptomlar bo‘lmasa ham yara paydo bo‘lishi mumkinligini yodda tutishlari va zarur bo‘lsa, preparatni qo‘llashdan oldin yuqori ovqat hazm qilish yo‘llarida yomon sifatli o‘sma kasalligi yo‘qligiga ishonch hosil qilish uchun endoskopik tekshiruv va biopsiya o‘tkazishlari kerak. Ushbu tekshiruvlar va klinik shifokor zarur deb hisoblagan boshqa har qanday tekshiruvlar keyingi kuzatuv maqsadida mos oraliqlarda takroran o‘tkazilishi lozim. Mizoprostolga simptomatik javoblar oshqozonning yomon sifatli yangi o‘smalari mavjudligini istisno qilmaydi. Mizoprostol diareyaga moyil kasalliklari, masalan, ichakning yallig‘lanish kasalligi bo‘lgan bemorlarda ehtiyotkorlik bilan qo‘llanilishi kerak. Diareya xavfini minimallashtirish uchun mizoprostolni bir martalik dozasi 200 mkg dan oshmagan holda ovqat bilan birga qabul qilish va magniy saqlovchi antatsidlardan saqlanish lozim. Mizoprostol suvsizlanish xavfli bo‘lishi mumkin bo‘lgan bemorlarda ehtiyotkorlik bilan qo‘llanilishi kerak. Ushbu bemorlar diqqat bilan kuzatuv ostida bo‘lishlari kerak. Klinik tadqiqotlar natijalari shuni ko‘rsatadiki, Saytotek oshqozon va o‘n ikki barmoqli ichak yaralarini samarali davolashga yordam beradigan dozalarda arterial gipotenziya chaqirmaydi. Shunga qaramay, Saytotek arterial gipotenziya jiddiy asoratlar keltirib chiqarishi mumkin bo‘lgan kasalliklarda, masalan, miya qon aylanishining buzilishi, yurak ishemik kasalligi yoki periferik arteriyalarning og‘ir kasalliklari, shu jumladan arterial gipertenziyada ehtiyotkorlik bilan qo‘llanilishi kerak. Saytotekning ko‘ngilli yoki qandli diabetli bemorlarda glyukoza almashinuviga nojo‘ya ta’siri borligi haqida dalillar yo‘q. Transport boshqarish va mexanizmlar bilan ishlashga ta’siri Saytotek bosh aylanishini chaqirishi mumkin, shuning uchun bemorlarni transport vositalarini boshqarish va mexanizmlar bilan ishlashda ehtiyotkorlikka rioya qilish zarurligi haqida ogohlantirish kerak. Preparat amal qilish muddati tugaganidan keyin qo‘llanilmasligi va bolalar ololmaydigan joyda saqlanishi kerak. Mizoprostol homilador ayollarga kontrendikatsiyalangan, chunki u bachadon qisqarishini chaqiradi va abort, muddatidan oldin tug‘ruq, homila o‘limi va tug‘ma nuqsonlarni keltirib chiqarishi mumkin. 

 Antatsidlar bilan bir vaqtda qo‘llanganda mizoprostolning qon plazmasidagi konsentratsiyasi kamayadi.
Magniy saqlovchi antatsidlar bilan bir vaqtda qo‘llanganda diareya kuchayishi mumkin.
Atsenokumarol bilan bir vaqtda qo‘llanganda atsenokumarolning antikoagulyant ta’siri kamayishi holati tasvirlangan.
Diklofenak, indometasin bilan bir vaqtda qo‘llanganda diklofenak va indometasinning nojo‘ya ta’sirlari kuchayadi.