1 ta Ruferon-Rn 150000 ME supozitoriyasi quyidagilarni o'z ichiga oladi:

faol modda: inson rekombinant interferon alfa-2b 150000 ME faollikda;

yordamchi modda: askorbin kislotasi, glitserin monostearat, qattiq yog'.

1 ta Ruferon-Rn 250000 ME supozitoriyasi quyidagilarni o'z ichiga oladi:

faol modda: inson rekombinant interferon alfa-2b 250000 ME faollikda;

yordamchi modda: askorbin kislotasi, glitserin monostearat, qattiq yog'. 

 Ruferon-Rn bolalar uchun turli infeksion-yallig‘lanish kasalliklarini kompleks davolash tarkibida qo‘llaniladi: O‘RVI, gripp, shu jumladan bakterial infeksiya bilan asoratlangan, pnevmoniya (bakterial, virusli, xlamidiyali), sepsis, intrauterin infeksiya. 

 Farmakodinamikasi

Ruferon-Rn supozitoriylarining faol komponenti bo'lgan rekombinant interferon alfa-2b virusga qarshi, antiproliferativ, immunomodulyator xususiyatlarga ega. Interferon alfa-2b makrofaglarning fagotsitar faolligini kuchaytiradi, limfotsitlarning spetsifik sitotoksikligini oshiradi, bu uning bilvosita antibakterial faolligini ta'minlaydi. 12 dan 36 oygacha bo'lgan bolalarda immunogenlik o'rganilganda, interferon alfa-2b ga avtoimmun antitanachalar aniqlanmagan.

Farmakokinetikasi

Ruferon-Rn supozitoriylari tarkibiga kiruvchi rekombinant interferon alfa-2b ning rektal qo'llash uchun farmakokinetikasi bo'yicha maxsus tadqiqotlar o'tkazilmagan. Adabiyot ma'lumotlariga ko'ra, rektal yuboriladigan supozitoriylardan interferon alfa-2b ning biologik mavjudligi 80% ni tashkil etadi.

Interferonning qon zardobidagi maksimal konsentratsiyasi preparat yuborilgandan 3-8 soat o'tgach erishiladi. Interferon alfa-2b buyrak katabolizmi orqali chiqariladi. T1/2 12 soatni tashkil etadi, bu esa uni qayta yuborishni talab qiladi. 

 Ruferon-Rn, rektal supozitoriylar, ko‘rsatilgan kasalliklarni davolashda qo‘llaniladigan ko‘pchilik dori vositalari bilan mos va yaxshi uyg‘unlashadi (antibiotiklar, glyukokortikosteroidlar, immunosupressorlar va boshqalar).

Interferon alfa-2b P-450 sitoxromlarining faolligini kamaytirishi va shu orqali tsimetidin, fenitoin, kurantil, teofillin, diazepam, propranolol, varfarin, ayrim tsitostatiklarning metabolizmiga ta’sir qilishi mumkin. Natijada ko‘rsatilgan dori vositalarining neyrotoksik, mielotoksik yoki kardiotoksik ta’sirini kuchaytirishi mumkin.

Narkotik, uyqu keltiruvchi va sedativ vositalar bilan bir vaqtda ehtiyotkorlik bilan qo‘llash lozim.

Interferonlar oksidlovchi metabolik jarayonlarga ta’sir qilishi mumkin. Bu oksidlanish yo‘li bilan metabolizatsiyalanadigan preparatlar (jumladan, ksantin hosilalari aminofillin va teofillin) bilan bir vaqtda qo‘llanganda hisobga olinishi kerak. Teofillin bilan bir vaqtda qo‘llanganda uning qon zardobidagi konsentratsiyasini nazorat qilish va zarur bo‘lsa, dozalash tartibini tuzatish lozim.