1 kapsula tarkibida:

faol moddalari: liоfilizatsiyalangan ona suti 33,3 mg, dimetilaminoetanol bitartrat 25 mg, Vitamin A 2000 ME, Vitamin B1 15 mg, Vitamin B2 4 mg, Vitamin B5 4 mg, Vitamin B6 1 mg, Vitamin B9 25 mkg, Vitamin B10 50 mg, Vitamin B12 5 mkg, Vitamin D3 200 ME, Vitamin E 30 ME, Vitamin PP 15 mg, Vitamin H 3 mkg, Temir 10 mg, Kalsiy 90 mg, Fosfor 70 mg, Mis 1 mg, Kaliy 2 mg, Marganes 1 mg, Sink 1 mg, konsentrlangan jenshen ekstrakti 40 mg, Chang 50 mg, Soya lecitini 45% 32 mg, L-lizin gidroxlorid 5 mg;

yordamchi moddalari: kalsiy L-askorbat, bug'doy urug'i moyi, soya, gidrogenizatsiyalangan soya moyi, qisman gidrogenizatsiyalangan o'simlik moyi, asalari mumi.

Kapsula qobig'i tarkibi: jelatin, glitserin, tozalangan suv, anidrisorb, temir oksidi qora, temir oksidi jigarrang, temir oksidi sariq, titan dioksid, koshinel qizil 62,5%, etilvanilin. 

 

Rotavit Royal organizmning normal almashinuvi, o‘sishi va rivojlanishi, kasalliklar va tashqi muhitning zararli omillaridan himoya qilish, barcha hayotiy funksiyalarni ishonchli ta’minlash uchun zarur bo‘lgan vitaminlar va mineral moddalar kompleksidan iborat bo‘lib, organizmning turli kasalliklarga qarshi chidamliligini oshiradi.

Vitaminlar almashinuv jarayonlarida katalizator va biokimyoviy hamda fiziologik jarayonlarning regulyatori sifatida ishtirok etadi. Mineral moddalar inson organizmidagi almashinuv jarayonlari uchun hayotiy zarur elementlardir. Ular organizm hujayralari va to‘qimalarining qurilishida, ferment tizimlarining faoliyatida ishtirok etadi.

Liofilizatsiyalangan ona suti – organizm tomonidan oson o‘zlashtiriladigan tabiiy asalari mahsuloti bo‘lib, aminokislotalar, B guruhi vitaminlari kompleksi, shu jumladan pantoten va foliy kislotalarini o‘z ichiga oladi, ular almashinuv jarayonlarini kuchaytiradi va kuchli gematopoez ta’siriga ega.

Dimetilaminoetanol bitartrat atsetilxolin ishlab chiqarilishini oshiradi, o‘rganish qobiliyatini oshiradi, xotirani yaxshilaydi (yoki keksalarda uning yo‘qolishini kamaytiradi). Antioksidant ta’sirga ega.

Vitamin A oksidlanish-qaytarilish jarayonlarida, oqsil sintezi regulyatsiyasida ishtirok etadi, normal almashinuv, hujayra va subhujayra membranalari funksiyasini ta’minlaydi; yangi hujayralar o‘sishi uchun zarur, qarish jarayonini sekinlashtiradi.

Vitamin B1 hujayra energetigi bo‘lib, organizmning o‘sishi va rivojlanishiga yordam beradi, aqliy va jismoniy ish qobiliyatini oshiradi, detoksikatsion ta’sir ko‘rsatadi, shuningdek, asab to‘qimalarining almashinuvini yaxshilaydi. Tiamin bir qator fermentlarning kofermentlarini qurishda ishtirok etadi, ular uglevod va energiya almashinuvining, ayniqsa asab va mushak to‘qimalarida muhim rol o‘ynaydi. Tiamin yetishmovchiligi beri-beri sindromi (spetsifik polinevrit) va Vernike sindromi (polinevritik psixoz) rivojlanishiga olib keladi.

Vitamin B2 hujayra nafas olish va ko‘rish jarayonlarining eng muhim katalizatoridir. Riboflavin oksidlanish-qaytarilish jarayonlarini regulyatsiya qilib, oqsil, yog‘ va uglevod almashinuvda ishtirok etadi, DNK shakllanishida muhim rol o‘ynaydi, gemoglobin sintezida ishtirok etadi, to‘qimalar (shu jumladan teri hujayralari) regeneratsiyasi jarayonlarini, hujayralardagi trofik buzilishlarni tuzatishni ta’minlaydi. Vitamin B5 koferment A tarkibiga kiradi (fermentlar faolligi uchun zarur bo‘lgan oqsil bo‘lmagan organik birikma). Asetillanish va oksidlanish jarayonlarida muhim rol o‘ynaydi. Uglevod va yog‘ almashinuvda, atsetilxolin sintezida ishtirok etadi.

Vitamin B6 aqliy va jismoniy ish qobiliyatini oshiradi, qonda glyukoza darajasini regulyatsiya qiladi, qalqonsimon bez, buyrak usti va jinsiy bezlar faoliyatini normallashtiradi, miya to‘qimalarida almashinuvni yaxshilaydi, asab tizimini mustahkamlaydi, antidepressant hisoblanadi.

Vitamin B9 o‘sish, rivojlanish va to‘qimalar proliferatsiyasi jarayonlarining normal kechishi uchun, xususan, gematopoez va embriogenez uchun zarur, aqliy va jismoniy ish qobiliyatini oshiradi, oshqozonda xlorid kislota ishlab chiqarilishini stimulyatsiya qiladi. Vitamin B10 ichak florasini faollashtiradi, bu esa foliy kislotasi ishlab chiqarilishiga olib keladi, u esa o‘z navbatida ko‘p miqdorda pantoten kislotasi ishlab chiqaradi. Oqsil o‘zlashtirilish jarayonida, shuningdek, hujayralarni kislorod bilan ta’minlovchi qizil qon tanachalari ishlab chiqarilishida ishtirok etadi.

Vitamin B12 immunomodulyator, antiallergik, antiaterosklerotik ta’sirga ega, arterial bosimni normallashtiradi, asab to‘qimalari tuzilishini tiklaydi, reproduktiv funksiyani yaxshilaydi, ishtahani oshiradi. Vitamin B12 turli aminokislotalar sintezida ishtirok etadi, jigar, asab tizimi funksiyalariga ijobiy ta’sir ko‘rsatadi, qon ivish jarayonlarini, uglevod va lipid almashinuvini faollashtiradi.

Vitamin D3 ingichka ichakda kalsiy so‘rilishini oshiradi, kalsiy bog‘lovchi oqsillar sintezini stimulyatsiya qiladi, buyrak naychalarida kalsiy reabsorbtsiyasini oshiradi.

Vitamin D3 suyak to‘qimasining qayta shakllanish jarayonlarini I tip kollagen va matritsa oqsillari sintezini oshirish orqali, osteoblastlar sintezini faollashtirish orqali faollashtiradi. Qalqonsimon, paratireoid va jinsiy bezlarning funksional holatiga ta’sir ko‘rsatadi, skelet suyaklarining kalsifikatsiyasini ta’minlaydi.

Vitamin E antioksidant modda bo‘lib, hujayralarni shikastlanish va qarishdan himoya qiladi, erkin radikallar hosil bo‘lishiga to‘sqinlik qiladi, mushak faoliyati va jinsiy bezlar funksiyasini stimulyatsiya qiladi, hujayralararo modda, biriktiruvchi to‘qima tolalari, qon tomirlarining silliq mushaklari, ovqat hazm qilish trakti shakllanishida ishtirok etadi.

Vitamin PP hujayra nafas olish va oqsil almashinuvda ishtirok etuvchi fermentlar tarkibiga kiradi, yuqori asab faoliyati va ovqat hazm qilish organlari funksiyalarini regulyatsiya qiladi.

Vitamin N aminokislotalar va yog‘ kislotalari almashinuvini regulyatsiya qiluvchi fermentlar tarkibiga kiradi.

Temir – eritropoezni stimulyatsiya qiluvchi mikroelement. Gemoglobin, mioglobin, turli fermentlar tarkibiga kiradi; kislorodni qaytar bog‘laydi va bir qator oksidlanish-qaytarilish reaksiyalarida ishtirok etadi; gematopoez jarayonlarida muhim rol o‘ynaydi. Temir tuzlari ko‘rinishida qo‘llanganda organizmdagi uning yetishmovchiligi tezda to‘ldiriladi. Kalsiy – organizmning normal hayot faoliyati uchun zarur bo‘lgan almashtirib bo‘lmaydigan oziq-ovqat makroelementi. Kalsiy (fosfor bilan birga) suyak to‘qimasining asosini tashkil etadi, bir qator eng muhim fermentlar faoliyatini faollashtiradi, organizmda ion muvozanatini saqlashda ishtirok etadi, asab-mushak va yurak-qon tomir tizimlarida kechadigan jarayonlarga ta’sir ko‘rsatadi.

Fosfor – oqsillar, nuklein kislotalar, suyak to‘qimasi tarkibiga kiruvchi eng muhim element. Fosfor birikmalari energiya almashinuvda ishtirok etadi (adenozin trifosfat kislota va kreatinfosfat energiya akkumulyatorlari hisoblanadi), ularning o‘zgarishlari mushak va aqliy faoliyat, organizm hayotiy faoliyati bilan bog‘liq. Fosfor yurak va buyrak faoliyatiga ta’sir ko‘rsatadi.

Mis organizmda anabolik jarayonlarni rag‘batlantiradi, ayrim fermentlar (sitoxromoksidaza, tirozinaza va boshqalar), teri, soch va ko‘z pigmentlari, gemoglobin sintezida ishtirok etadi, ichki sekretsiya bezlari funksiyalariga ta’sir ko‘rsatadi. Kaliy qonda kislota-ishqor muvozanatini regulyatsiya qiladi. Asab impulslarini o‘tkazishda ishtirok etadi, bir qator fermentlar, yurak mushaklari ishini faollashtiradi, teri va buyrak faoliyatiga ijobiy ta’sir ko‘rsatadi. Kaliy natriyning ortiqcha miqdorining noxush ta’siriga qarshi himoya ta’siriga ega va qon bosimini normallashtiradi. Marganets yog‘ almashinuvi, suyak va biriktiruvchi to‘qimalar qurilishi, xolesterin va nukleotidlar (DNK) sintezi uchun zarur.

Sink inson organizmida 80 dan ortiq fermentlarning tarkibiy qismi bo‘lib, eritrotsitlar va boshqa shaklli qon elementlari hosil bo‘lishi uchun zarur. Ko‘rish jarayonining fotokimyoviy reaksiyalarida, ichki sekretsiya bezlari faoliyatida ishtirok etadi. Konsentrlangan jenshen ekstrakti – markaziy asab tizimiga stimulyatsion ta’sir ko‘rsatuvchi tabiiy komponent.

Chang – oqsillar, to‘liq to‘plamdagi almashtirib bo‘lmaydigan erkin aminokislotalar, vitaminlar, shuningdek, turli gormonlarga o‘xshash moddalarni o‘z ichiga olgan tabiiy konsentrat.

Soya lecitini 45% – organizm uchun eng muhim fosfolipid kompleksi. Oksidlanish jarayonlarini tezlashtiradi, normal yog‘ almashinuvini ta’minlaydi, miya va yurak-qon tomir tizimi ishini yaxshilaydi, organizmning toksik moddalar ta’siriga chidamliligini oshiradi, o‘t ajralishini va eritrotsitlar hamda gemoglobin hosil bo‘lishini stimulyatsiya qiladi.

L-lizin gidroxlorid – o‘sish, to‘qimalarni tiklash, antitanachalar, gormonlar va fermentlar ishlab chiqarish uchun zarur bo‘lgan aminokislota. 

 

Alyuminiy, kalsiy, magniy saqlovchi antasid preparatlar, shuningdek, kolestiramin bilan bir vaqtda qo'llanganda, Rotavit Royal tarkibidagi temirning so‘rilishi kamayadi.

Preparatni tiazid diuretiklari bilan qo'llash giperkalsemiya rivojlanish xavfini oshiradi.

Rotavit Royal analеptiklar (kofein, kamfora va boshqalar) ta’sirini kuchaytiradi va markaziy asab tizimini susaytiruvchi vositalar, shu jumladan barbituratlar, trankvilizatorlar, tutqanoqka qarshi vositalar antagonistidir. 

 

Mahsulotni kunning ikkinchi yarmida qabul qilish tavsiya etilmaydi. Rotavit Royal qabul qilinayotgan davrda boshqa polivitamin preparatlarini qo'llash dozani oshirib yuborishni oldini olish maqsadida tavsiya etilmaydi.

Allergik reaksiyalar paydo bo‘lsa, mahsulotni bekor qilish kerak.

Mahsulot qandli diabet bilan kasallangan bemorlarga qo'llash mumkin.