Rotabiotik bebi — tarkibida tirik liofilizatsiyalangan laktobakteriyalar va bifidobakteriyalar Lactobacillus acidophilus, Bifidobacterium spp., shuningdek, oddiy arpabodiyon mevalari va dorivor romashka gullari ekstrakti hamda inulin mavjud bo‘lgan kombinatsiyalangan probiotikdir. Laktobakteriyalar va bifidobakteriyalar (Lactobacillus acidophilus, Bifidobacterium bifidum, Bifidobacterium longum, Bifidobacterium infantis, Bifidobacterium lactic) patogen va shartli-patogen mikroorganizmlarning keng spektriga nisbatan yuqori antagonist faollikka ega, stafilokokklar, shigellalar, rotaviruslar, protey, enteropatogen ichak tayoqchasi, ayrim xamirturushsimon zamburug‘larning hayot faoliyatini bostiradi, ularning ichak shilliq qavatiga yopishishini oldini oladi. Laktobakteriyalar va bifidobakteriyalar foydali ichak mikroflorasi rivojlanishi uchun qulay sharoit yaratadi, ichak mikroflorasining fiziologik muvozanatini saqlaydi va tartibga soladi, me’da-ichak trakti mikrobiosenozini normallashtirishga yordam beradi, shuningdek, organizmning noxos xususiy rezistentligini oshiradi, immunomodulyator xususiyatlarga ega, aminokislotalar, vitaminlar (K, V guruhi, pantoten kislotasi) sintez qiladi, ular temir, kaltsiy, D vitamini so‘rilishiga yordam beradi. Laktobakteriyalar va bifidobakteriyalar devoriy hazm qilishni faollashtiradi, oqsillar, yog‘lar, uglevodlar va o‘t kislotalari hamda XS metabolizmi jarayonlarida fermentativ parchalanishda ishtirok etadi.

• ichak mikroflorasini tiklash va normallashtirish, hazm qilishni yaxshilash;
• meteorizm va koliklarda;
• bir yoshgacha bo‘lgan bolalarda o‘z ichak mikroflorasini rivojlantirish uchun;
• gastroenterit, dispepsiyani davolashda;
• antibiotik qabul qilish bilan bog‘liq diareyani oldini olish va davolashda;
• ko‘krak suti bilan oziqlantirishdan boshqa turdagi oziqlanishga o‘tishda;
• moslashish davrida (ko‘chish, bolalar bog‘chasi yoki maktabga borishni boshlash) ichak buzilishlari bo‘lgan bolalarda;
• allergik holatlar (shu jumladan bolalarda diatez, atopik dermatitda);
• immunitet va organizmning kasalliklarga umumiy qarshiligini oshirish.

Mahsulot komponentlariga individual sezuvchanlik.

Shifokor tavsiyasiga ko‘ra, go‘dak yoshidagi bolalarga (tug‘ilgandan 6 oygacha bo‘lgan bolalar) — 1 paketdan kuniga 1 marta ovqatlanish vaqtida; go‘dak yoshidagi bolalarga (6 oydan 1 yoshgacha bo‘lgan bolalar) — 1 paketdan kuniga 2 marta ovqatlanish vaqtida; erta yoshdagi bolalarga (1 yoshdan 3 yoshgacha bo‘lgan bolalar) — 1 paketdan kuniga 3 marta ovqatlanish vaqtida; 3 yosh va undan katta bolalarga — 1 paketdan kuniga 3–4 marta ovqatlanish vaqtida. Go‘dak yoshidagi bolalar uchun paket tarkibini 50–100 ml ona suti yoki iliq ichimlik suvi yoki bolalar aralashmasida eritish kerak. Erta yoshdagi bolalar va 3 yosh va undan katta bolalar uchun paket tarkibini 100 ml iliq ichimlik suvi yoki sutda eritish kerak. Qabul qilish davomiyligi bolaning organizmiga xos individual xususiyatlarga bog‘liq va individual tarzda belgilanadi. Diqqat! Paket tarkibini eritish uchun xavfsizligi va sifati kafolatlangan ichimlik suvini ishlatish zarur. Quduq va kaptaj manbalaridan olingan ichimlik suvini ishlatish mumkin emas.