1 ml preparat tarkibida faol modda natriy tsitikolini 104,50 mg (tsitikolinga ekvivalent 100,00 mg), yordamchi moddalardan sorbitol suyuq nekristallizatsiyalanmagan, glitserin, metilparagidroksibenzoat, propilparagidroksibenzoat, natriy tsitrat digidrat, natriy saxarin, bo'yoq Ponso 4R (E124), qulupnay esensiyasi, kaliy sorbat, limon kislotasi monogidrat, tozalangan suv.

o'tkir ishemik insult davri (kompleks terapiya tarkibida); ishemik va gemorragik insultlarning tiklanish davri; bosh miya jarohati, o'tkir (kompleks terapiya tarkibida) va tiklanish davri; degenerativ va tomir kasalliklarida bosh miya kognitiv va xulq-atvor buzilishlari.

preparat komponentlariga yuqori sezuvchanlik; aniq ifodalangan vagotoniya (vegetativ asab tizimining parasimpatik qismi tonusining ustunligi). 18 yoshgacha bo'lgan yosh (ma'lumotlar yo'qligi sababli). Homiladorlik va emizish davrida qo'llanilishi Homiladorlik Homilador ayollarda tsitikolin qo'llanilishi bo'yicha yetarli ma'lumotlar mavjud emas. Hayvonlarda o'tkazilgan tadqiqotlarda salbiy ta'sir aniqlanmagan bo'lsa-da, homiladorlik davrida dori vositasi faqat ona uchun kutilayotgan foyda homila uchun potentsial xavfdan ustun bo'lgan hollarda buyuriladi. Emizish davrida qo'llanilishi Tsitikolin va uning metabolitlarining ko'krak suti bilan ajralishi bo'yicha ma'lumotlar mavjud emas. Bola uchun xavf istisno qilinmaydi. Agar tsitikolin qo'llanilishi zarur bo'lsa, emizishni to'xtatish kerak.

Tsitikolin, hujayra membranasining asosiy ultra tuzilmaviy komponentlari (asosan fosfolipidlar)ning oldingi moddasidir, keng ta'sir doirasiga ega, shikastlangan hujayra membranalarini tiklashga yordam beradi, fosfolipazalar ta'sirini ingibitsiya qiladi, erkin radikallar ortiqcha hosil bo'lishining oldini oladi, shuningdek, apoptoz mexanizmlariga ta'sir qilib, hujayra o'limining oldini oladi. Insultning o'tkir davrida tsitikolin bosh miya to'qimalarining shikastlanish hajmini kamaytiradi, xolinergik uzatishni yaxshilaydi. Bosh miya jarohatida posttravmatik komaning davomiyligini va nevrologik simptomlarning ifodaliligini kamaytiradi, bundan tashqari, tiklanish davrining davomiyligini qisqartirishga yordam beradi.

Davom etayotgan bosh ichidagi qon ketishiga shubha qilinganda preparatning sutkalik dozasini 1000 mg dan oshirmaslik tavsiya etiladi, preparat tomir ichiga tomchilab, daqiqasiga 30 tomchi tezlikda yuboriladi. Transport vositalarini va mexanizmlarni boshqarish qobiliyatiga ta'siri Davolash davrida bemorlar transport vositalarini boshqarishda va yuqori psixomotor tezlikni talab qiladigan ishlarni bajarishda ehtiyotkorlikka rioya qilishlari kerak.

Preparatning past toksikligi sababli dozani oshirib yuborish holatlari tavsiflanmagan.