Paratsetamol bir vaqtda qo‘llanilganda urikozurik vositalarning samaradorligini pasaytiradi, MAO ingibitorlari, sedativ dori vositalari, etanolning ta’sirini kuchaytiradi. Antidepressantlar, antiparkinsonik, antipsixotik dori vositalari, fenotiazin hosilalari siydik tutilishi, og‘iz qurishi, qabziyat xavfini oshiradi, GKSlarda esa glaukoma rivojlanish xavfini oshiradi. Bir vaqtda jigar mikrosomal fermentlari induktorlari, gepatotoksik ta’sirga ega vositalar bilan qo‘llanilganda paratsetamolning gepatotoksik ta’siri kuchayishi xavfi yuzaga keladi, antikoagulyantlar bilan - protrombin vaqti biroz yoki o‘rtacha darajada oshadi, diazepam bilan - diazepam ekskresiyasi kamayadi, metoklopramid bilan - paratsetamolning so‘rilishi va uning qon plazmasidagi konsentratsiyasi oshadi. Fenilefrin guanetidinning gipotenziyal ta’sirini pasaytiradi. Guanetidin alfa-adrenostimulyatsion ta’sirni kuchaytiradi, tritsiklik antidepressantlar esa fenilefrinning simpatomimetik ta’sirini kuchaytiradi. Kofein uyqu dori vositalari va narkoz vositalarining ta’sirini pasaytiradi, narkotik bo‘lmagan analgetiklarning ta’sirini oshiradi.

Uzoq muddat qo‘llanilganda jigar, buyrak funksiyalari, gemopoez tizimi holatini (preparat tarkibida paratsetamol mavjudligi sababli) nazorat qilish zarur. Keksalar ehtiyotkorlik bilan buyuriladi. Davolash davomida arterial bosim va EKG nazorat qilinishi kerak. Jigarda mikrosomal oksidlanish stimulyatorlari (fenitoin, etanol, barbituratlar, rifampitsin, fenilbutazon, tritsiklik antidepressantlar) paratsetamolning gidroksillangan faol metabolitlari ishlab chiqarilishini oshiradi, bu esa kichik dozadagi haddan tashqari qabul qilinganda og‘ir intoksikatsiyalar rivojlanishiga olib kelishi mumkin. Homiladorlik va laktatsiya davri Qo‘llash mumkin emas. Dori vositasining transport vositalarini yoki potensial xavfli mexanizmlarni boshqarish qobiliyatiga ta’siri Preparatni qabul qilish davrida avtomobil boshqarish va tez psixomotor reaksiyalar va diqqatni jamlash talab qiladigan boshqa potensial xavfli mexanizmlarni boshqarishdan voz kechish kerak. Preparat amal qilish muddati tugaganidan keyin qo‘llanilmasligi va bolalar uchun yaroqsiz joyda saqlanishi kerak.

Siptomlari: haddan tashqari yuqori doza paratsetamol qabul qilgan bemorning holati dastlabki 3 kun davomida qoniqarli bo‘lishi mumkin va faqat shundan keyin jigar shikastlanishi belgilari paydo bo‘ladi. Doza oshirib yuborilganda jigar hujayralarida rivojlanadigan o‘zgarishlar shikastlanish va toksik oraliq metabolitlar to‘planishiga olib keladi. Davolash: me’da yuvish, tuzli ich ketkazuvchi vositalar qo‘llash. Markaziy asab tizimi og‘ir shikastlanganda holatni nazorat qilish uchun sun’iy nafas oldirish va kislorod ta’minoti, shuningdek, nalokson yuborish talab qilinishi mumkin. Paratsetamolning antidotlari - asetilsistein yoki metionin, ular gepatoprotektor ta’sir ko‘rsatadi.