1 ml sprey quyidagilarni saqlaydi
faol modda: benzydamin gidroxloridi 1,5 mg;
yordamchi moddalar: glitserol, 96% li etanol; saxarin; natriy gidrokarbonati; metilparagidrok­sibenzoat; qalampir yalpiz barglarining moyi; polisorbat 20; tozalangan suv. 

Og‘iz bo‘shlig‘i va tomoqdagi og‘riq sindromi bilan birga kechuvchi (masalan, gingivit, glossit, stomatit, faringit) tirnash va yallig‘lanish holatlarida simptomatik davolash, shuningdek tishlarni konservativ davolashdan yoki olib tashlashdan keyin. 

Faol modda (benzydamin gidroxlorid) yoki yordamchi moddalardan birortasiga yuqori sezuvchanlik. 

Mahalliy qo‘llanadi.
Kattalar (shu jumladan, keksalar) va 12 yoshdan katta bolalar: kuniga 2–6 marta 4–8 marta purkash.
 3–6 yoshdagi bolalar: har 4 kg tana vazniga 1 marta purkash, maksimal doza — kuniga 2–6 marta 4 marta purkash.
 6–12 yoshdagi bolalar: kuniga 2–6 marta 4 marta purkash.
 Tavsiya etilgan dozani oshirmang. 

Nojo‘ya reaktsiyalar chastotasi quyidagi MedDRA tasnifiga muvofiq keltirilgan: 

·       juda tez-tez (>1/10); 

·       tez-tez (>1/100, <1/10); 

·       tez-tez bo‘lmagan (>1/1000, <1/100); 

·       kam hollarda (>1/10 000, <1/1000); 

·       juda kam hollarda (<1/10 000); 

·       noma’lum (mavjud ma’lumotlarga ko‘ra aniqlash imkoni yo‘q). 

Immun tizimi tomonidan buzilishlar: teri toshmasi, juda kam hollarda — angionevrotik shish.
Nafas olish tizimi, ko‘krak qafasi va o‘rta ko‘krak qismi tomonidan buzilishlar: juda kam hollarda — laringospazm.
Umumiy buzilishlar va yuborish joyidagi buzilishlar: fotosensibilizatsiya, og‘iz qurishi, og‘iz bo‘shlig‘ida uvishish hissi, og‘izda achish hissi. 

30 ml li qoraytirilgan shisha flakonlarda, mexanik nasos va purkagich klapani bilan germetik yopilgan, oq qopqog‘i bor. 1 flakon tibbiy qo‘llash bo‘yicha yo‘riqnoma bilan birga karton qutida. 

Benzydamin nosteroid yallig‘lanishga qarshi preparat bo‘lib, indazol guruhiga kiradi. U yallig‘lanishga qarshi va mahalliy og‘riq qoldiruvchi ta’sir ko‘rsatadi, keng spektrli mikroorganizmlarga qarshi antiseptik xususiyatga ega. Preparatning ta’sir mexanizmi hujayra membranalarini barqarorlashtirish va prostaglandinlar sintezini inhibe qilish bilan bog‘liq.
Benzydamin mikroorganizmlar membranalaridan tez kirib, hujayra tuzilmalarini shikastlab, metabolik jarayonlar va hujayra lizosomasini buzadi, antibakterial va aniq antimikrob ta’sir ko‘rsatadi. Candida albicans ga qarshi antimikrob ta’sir ko‘rsatadi. Zamburug‘ hujayra devori va ularning metabolik zanjirlarini strukturaviy o‘zgartiradi, shu bilan ularning ko‘payishiga to‘sqinlik qiladi. Shu sababli benzydamin og‘iz bo‘shlig‘idagi, jumladan infeksion etiologiyali yallig‘lanish jarayonlarida qo‘llanadi. 

Preparat metilparagidroksibenzoat saqlaydi, u allergik reaktsiyalar chaqirishi mumkin.
Sportchilar uchun: etil spirti saqlovchi dori vositalari ba’zi sport federatsiyalarida qon spirt miqdori bo‘yicha belgilangan cheklovlarga ko‘ra dopinga ijobiy natija berishi mumkin.

Homiladorlik va emizish davrida qo‘llash
Benzydaminning homilador va emizikli ayollarda qo‘llanishi bo‘yicha yetarli klinik ma’lumotlar yo‘q. Homiladorlik va emizish davrida ehtiyotkorlik bilan qo‘llash kerak. 

Avtotransportni boshqarish va mexanizmlar bilan ishlash qobiliyatiga ta’siri
Preparat transport vositalarini yoki boshqa mexanizmlarni boshqarish qobiliyatiga ta’sir qilmaydi.