100 мл эритма қуйидагиларни сақлайди:

фаол модда: оксиметазолин гидрохлориди – 0,05 г;

ёрдамчи моддалар: левоментол, рацемик камфора, эвкалипт мойи, натрий дигидрофосфат дигидрати, динатрий эдетати (трилон Б), бензалконий хлориди (50% ли эритма кўринишида), пропиленгликол, 0,1М хлорид кислотаси эритмаси ёки 0,1М гидроксид натрий эритмаси, тозаланган сув.

 

 

Бурун шиллиқ қаватини, бурун-халқум ва гаймор бўшлиқларидаги шишни камайтириш учун:

- шамоллаш касалликларида (ўткир ринит);

- бурун бўшлиқларининг яллиғланишида (ўткир синусит);

- евстахийтда;

- аллергик ринитда; (шу жумладан, пичан иситмасида);

- ўрта отитда (ёрдамчи даволаш воситаси сифатида, чунки евстахий найининг тешиги атрофидаги шиллиқ қаватининг шишини камайтиради).

Шунингдек, бурун бўшлиғининг қуришни енгиллаштириши учун ёки жарроҳлик муолажаларида ҳам қўлланилади.

 

 

Препаратга, шу жумладан бошқа интраназал қўллаш учун шишга қарши воситаларига ўта юқори сезувчанлик, атрофик ринит, гипертиреоз, секреция ажратмаларисиз  бурун йўлларидаги шиллиқ қобиқнинг яллиғланиши, ҳомиладорлик, лактация, моноаминооксидаза ингибиторларини бир вақтнинг ўзида қўллаш (улар бекор қилингандан кейинги 14 кунлик давр давомида), 6 ёшгача бўлган болаларда қўлланмайди.

Эҳтиёткорлик билан: Препаратни кўз ички босимининг ошиши, сурункали буйрак етишмовчилиги, аритмия, простата безининг гиперплазияси клиник белгилари билан (сийдик тутилиши), ёпиқ бурчакли глаукома, яққол атеросклероз, коронар артериялар касалликлари, феохромоцитома, сурункали юрак етишмовчилиги, қандли диабет, артериал гипертензияда эҳтиёткорлик билан қўллаш керак.

 

 

Назал спрей.

Катталар ва 12 ёшдан ошган болалар учун – ҳар бир бурун йўлига 2 мартадан суткада 2 маҳал пуркалади. 

6 ёшдан 12 ёшгача болалар учун - ҳар бир бурун йўлига 1 мартадан  кунига 2 маҳал пуркалади. Препаратни  кунига 2 мартадан ортиқ қўллаш мумкин эмас.

Охирги аппликацияни бевосита ухлашдан олдин амалга ошириш тавсия этилади.

Препаратни бевосита қўллашдан аввал флаконни тана ҳароратигача иситиб олиш учун қўл кафтида ушлаб туриш керак. Препаратни қўллашдан олдин бурунни яхшилаб тозалаш зарур. 

Назал спрейни биринчи қўллашдан олдин пуркагич каллагини бир неча марта босиш орқали унинг “калибровкасини” амалга ошириш керак. Тўғри пуркаш учун пуркагични вертикал тарзда шундай ушлаш керакки, пуркагич найи юқорига қаратилган бўлиши лозим. Сўнгра шаффоф ҳимоя қалпоғини олиб, пуркагич найини бурун йўлига жойлаштириб, тез ва кескин равишда пуркагични бир марта босиш ва босилган пуркагични қўйиб юбормаган ҳолда бурун йўлидан чиқариб олиш керак. Пуркаш вақтида бурун орқали бироз ҳаво ютиш керак, бу эритманинг оптимал тарзда киритилишига ёрдам беради. Пуркалинганда бошни орқага ташлаш тавсия этилмайди. 

Даволаниш давомийлиги: препаратни 3-5 кундан ортиқ қўллаш тавсия килинмайди. Агар 3 кун давомида касаллик белгилари кучайса ёки яхшиланиш кўзатилмаса, шифокор билан маслаҳатлашиш зарур. 

Даволанишнинг максимал руҳсат этилган давомийлиги – 5–7 кун. Препаратни қайта қўллаш фақат бир неча кундан сўнг мумкин.

 

 

Қуйида меъёрий-ҳуқуқий фаолият бўйича Тиббий луғат таснифи билан мувофиқ ҳолда тизим-аъзоли синфлар (MedDRA) бўйича бўлинган ножўя самаралар келтирилган. Ножўя самараларнинг учраш сонини кўрсатиш учун ЖССТ таснифдан фойдаланилган: жуда кўп (≥10%), кўп (≥1% ва <10%), кўп эмас (≥0,1% ва <1%), кам ҳолларда (≥0,01% ва <0,1%), жуда кам ҳолларда (<0.01%), тез-тезлиги  номаълум (мавжуд маълумотлар асосида ножўя самаранинг учраш сонини аниқлашнинг иложи йўқ).

Риноксил® Формула+ одатда яхши ўзлаштирилади. Препаратни тез-тез ва/ёки узоқ муддат қўллаш мумкин:

- умумий бузилишлар ва қўлланиш жойидаги бузилишлар: эҳтимоли мавжуд – экзантема; кўп – бурун бўшлиғи шиллиқ қаватининг ачишиши ёки қуриши, аксириш, Риноксил® Формула+, препаратини қўллашдаги самара ўтиб бўлгандан сўнг кучли бурун битиши ҳисси (реактив гиперемия), кўришнинг бузилиши (кўзга тушганда). Қон - томирларни торайтирувчи препаратларни узоқ муддат ва тўхтовсиз қўллаш тахифилаксия, бурун бўшлиғи шиллиқ қаватининг атрофияси ва бурун бўшлиғи шиллиқ қаватининг қайтар шиши (дори воситалари чақирган ринит) га олиб келиши мумкин.

- юрак-қон томир тизими томонидан: кўп эмас – АҚБ нинг ортиши, тахикардия; эҳтимоли мавжуд: юрак уришининг сезилиши.

- нерв тизими томонидан: кам ҳолларда - бош оғриғи, уйқусизлик; эҳтимоли мавжуд: бош айланиши, хавотирлик ҳисси, таъсирчанлик, уйқунинг бузилиши (болаларда).

- овқат ҳазм қилиш тизими томонидан: эҳтимоли мавжуд - кўнгил айниши кузатилиши мумкин.

 

 

Маҳаллий қўллаш учун α-адреностимулятор восита, қон-томирларни торайтирувчи ва антиконгестив таъсир кўрсатади. Оксиметазолин α1-адренорецепторларни рағбатлантиради, бурун шиллиқ қавати, бурун атрофи бўшлиқлари ва евстахий найи қон-томирларининг торайишини чақириб, аллергик ва/ёки юқумли-яллиғланишли ринит (тумов) да уларнинг шишини пасайишига ва бурун билан нафас олишнинг енгиллашишига олиб келади. 

Левоментол, эвкалипт мойи ва камфора сақлаган препаратни интраназал киритиш шиллиқ қават сатҳидаги уч шохли нервнинг совуқни сезувчи рецепторлари билан таъсирлашиши натижасида бурун шиллиқ  қаватининг вақтинчалик совиш ҳиссини чақиради.

 

 

Узоқ вақт қўллашдан ва дозани ошириб юборилишидан сақланиш лозим.

Юрак қон-томир тизимининг касалликлари, гипертиреоз, артериал гипертонияси мавжуд пациентларга дори эҳтиёткорлик билан буюрилади. Одатда Риноксил® Формула+ ни  тавсия қилинган дозаларда қўллаганда ринит белгиларини бартараф этиш учун 3 кун етарли. Агарда бу даврда белгилар йўқолмаса, даволовчи шифокор билан маслаҳатлашиш керак.

Узоқ муддатли қўлланилганда (бир ҳафтадан ортиқроқ) бурун битиши белгилари қайталаниши эҳтимоли бор.

Даволанишнинг максимал давомийлиги – 5–7 кун. Препаратни фақат бир неча кундан сўнг қайта қўллаш мумкин.

Препаратни кўзларга тушишига йўл қўймаслик керак. 

Бир флаконни бир нечта шахсларда ишлатиш инфекциянинг тарқалишига олиб келиши мумкин. Флакондан фақат битта шахс (инфекцияни юқиш хавфи туфайли) фойдаланиши керак. 

Препаратни сурункали буйрак етишмовчилигида эҳтиёткорлик билан қўллаш керак. 

Болаларда узоқ вақт қўллашдан ва дозани ошириб юборилишидан сақланиш лозим.

Олти ёшгача бўлган еш болаларда қўллаш мумкин эмас.

Ҳомиладорлар аёлларда ва лактация даврида Риноксил® Формула+ нинг хавфсизлиги аниқланмаган, шунинг учун препаратни ҳомиладор аёлларда ёки лактация даврида қўлланилиши тавсия этилмайди.

Препаратни лактация даврида қатъий кўрсатмаларга биноан фақат доимий шифокор назорати остида она ва бола учун хавф ва фойда нисбати қатъий баҳолангандан сўнг қўллаш мумкин. Тавсия қилинган дозани оширишга йўл қўйилмайди.

Оксиметазолин сақловчи тумовга қарши воситаларни тавсия қилинганидан юқори дозаларда узоқ қўлланилганидан сўнг, юрак  қон-томир тизими ва марказий асаб тизими (МАТ) га умумий таъсирини эътибордан ташқарида қолдириб бўлмайди. Ушбу ҳолатларда пациентлар транспорт воситаларини бошқаришда ва диққатни қатъий жамлаш ва руҳий - ҳаракат реакциялар тезлигини талаб қилувчи бошқа потенциал хавфли фаолият турлари билан машғул бўлганда, эҳтиёткорликка риоя қилишлари зарур. Препарат кўриш қобилиятига таъсир кўрсатади, реакциялар тезлиги пасайиши мумкин.

 

 

Дозани аҳамиятли ошириб юборилишида ёки тасодифан ичга қабул қилингандан кейин миоз, кўнгил айниши, қусиш, цианоз, гипертермия, тахикардия, аритмия, томирлар етишмовчилиги, артериал гипертензия, нафас бузилишлари, ўпка шиши, юракни тўхтаб қолиши каби белгилар аниқланиши мумкин. Бундан ташқари, уйқучанлик, тана ҳароратининг пасайиши, брадикардия, артериал гипотензия, нафасни тўхташи ва комани ривожланиши билан бирга кечувчи руҳий бузилишлар, шунингдек, марказий асаб тизими функциясининг бузилишлари ривожланиши мумкин.

Даволаш: қабул қилишни тўхтатиш, белгиларга симптоматик терапия ўтказиш керак.