10 ml sirop tarkibida: Faol moddalari: ambroksol gidroxlorid 15 mg; xlorfenamin maleat 2 mg; fenilefrin gidroxlorid 5 mg; gvayfenezin 100 mg; Yordamchi moddalari: saxaroza — 4000 mg; metilparagidroksibenzoat — 18 mg; propilparagidroksibenzoat — 2 mg; dinatriy edetat — 2 mg; sorbitol 70% eritma — 1000 mg; glitserin (glitserol) — 500 mg; mentol — 1 mg, limon kislotasi — 2 mg; natriy sitrat — 5 mg; dini aromati — 0,03 ml; bo‘yoq "Quyosh botishi" sariq (E110) — 0,66 mg; toza suv — q.s. 10 ml gacha.

Sovuq tegish kasalliklari, gripp va O‘RVI, yo‘tal bilan kechuvchi, ajralishi qiyin yopishqoq balg‘am bilan.

turli etiologiyali tutqanoq; koronar arteriyalarning yaqqol aterosklerozi; arterial gipertenziya; qandli diabet; tireotoksikoz; feoxromotsitoma; yopiq burchakli glaukoma; oshqozon va o‘n ikki barmoqli ichak yara kasalligi; prostata bezining adenomasi; glyukoza-6-fosfatdegidrogenaza fermenti yetishmovchiligi; homiladorlik; laktatsiya davri (emizish davri); bolalar yoshi (6 yoshgacha); tritsiklik antidepressantlar, MAO ingibitorlari, beta-adrenoblokatorlarni bir vaqtda qabul qilish; Rinikold Bronxo tarkibiga kiruvchi faol moddalarga ega boshqa preparatlarni bir vaqtda qabul qilish; preparat komponentlariga yuqori sezuvchanlik. Buyrak va/yoki jigar yetishmovchiligida preparatni ehtiyotkorlik bilan buyurish kerak.

Og‘iz orqali. Qo‘llashdan oldin chayqatilsin! Kattalar va 12 yoshdan oshgan bolalar uchun tavsiya etilgan doza — 20 ml (4 choy qoshiq) kuniga 3 marta. 6–12 yoshli bolalar uchun tavsiya etilgan doza — 10 ml (2 choy qoshiq) kuniga 2–3 marta. Preparatni qabul qilish kun davomida teng taqsimlanishi kerak.

Yurak-qon tomir tizimi tomonidan: arterial bosim ko‘tarilishi, taxikardiya mumkin. Markaziy asab tizimi tomonidan: bosh og‘rig‘i, uyquchanlik, bosh aylanishi, qo‘zg‘aluvchanlikning oshishi, uxlab qolishning buzilishi. Bolalarda qo‘zg‘aluvchanlik, bezovtalik, asabiylik mumkin. Keksalarda shuningdek ongning chalkashishi, asabiylik mumkin. Ovqat hazm qilish tizimi tomonidan: ko‘ngil aynishi, qusish, qabziyat, diareya, epigastral sohada og‘riq. Ko‘rish organi tomonidan: midriaz, akkomodatsiya falaji, ko‘z ichki bosimining oshishi. Allergik reaksiyalar: teri toshmasi, qichishish, Kvinke shishi. Boshqalar: shilliq qavatlarning qurishi, siyishning qiyinlashuvi.

Rinikold Bronxo - bu kombinasiyalangan preparat bo‘lib, uning tarkibiga kiruvchi gwayfenezin va ambroksol bronxial sekretsiya quyuqligini kamaytiradi va balg‘am ko‘chishini osonlashtiradi. Xlorfenamin maleat antiallergik ta’sir ko‘rsatadi: ko‘z va burundagi qichishish, yosh oqishini bartaraf etadi. Fenilefrin gidroxlorid tomirlarni toraytiruvchi ta’sir ko‘rsatadi, yuqori nafas yo‘llari va yondosh bo‘shliqlarning shilliq qavatidagi shish va giperemiyani kamaytiradi.

Preparatni shifokor tayinlovisiz 7 kundan ortiq qabul qilish tavsiya etilmaydi. Preparatni qo‘llashda siydikning pushti rangga bo‘yalishi mumkin.

Siptomlari: nojo‘ya ta’sirlarning kuchayishi. Davolash: oshqozonni yuvish, faollashtirilgan ko‘mir qabul qilish, ich suruvchi vositalar (vazelin moyi, tuzli ich surgichlar); simptomatik terapiya. Og‘ir buzilishlarda shifokorga murojaat qilish kerak.