1 ml tomchida quyidagilar mavjud:

Faol modda: oksimetazolin gidroxloridi 100% modda hisobida 0,25 mg yoki 0,5 mg.

Yordamchi modda: benzalkoniya xlorid, natriy xlorid, natriy digidrofosfat digidrat, dinatriy fosfat dodekagidrat, in'ektsiya uchun suv. 

 

Rinazolin mahalliy tomirlarni toraytiruvchi vositalar (dekongestantlar) guruhiga kiradi. Alfa-adrenomimetik ta’sir ko‘rsatadi.

Qo‘llanilgan joyda tomirlarni toraytiradi, burun va yuqori nafas yo‘llari shilliq qavatining shishishini kamaytiradi, burundan ajralmalarni kamaytiradi. Burun orqali nafas olishni tiklaydi. Yondosh bo‘shliqlar, o‘rta quloq bo‘shlig‘ining shamollashini tiklashga yordam beradi, bu bakterial asoratlar (gaymorit, sinusit, o‘rta otit) rivojlanishining oldini oladi.

Oksimetazolin antivirus, yallig‘lanishga qarshi, immunomodulyator va antioksidant ta’sir ko‘rsatadi. Ushbu kombinatsiyalangan ta’sir mexanizmi tufayli klinik tadqiqotlar davomida o‘tkir rinit simptomlarini (burun bitishi, rinoreya, aksirish, umumiy holatning yomonlashuvi) tez va samarali bartaraf etilishi isbotlangan.

Mahalliy burun orqali qo‘llanilganda terapevtik konsentratsiyalarda burun shilliq qavatini bezovta qilmaydi, giperemiyaga olib kelmaydi. Ta’sir davomiyligi - 12 soatgacha. 

 MAO ingibitorlari va arterial bosimni oshiruvchi boshqa preparatlarni qo‘llash mumkin emas, chunki arterial bosim oshishi xavfi mavjud. Boshqa tomirlarni toraytiruvchi dori vositalarini birga buyurish nojo‘ya ta’sirlar rivojlanish xavfini oshiradi. 

 

Dorini uzoq muddat qo‘llash va dozani oshirib yuborishdan saqlanish kerak. Burun uchun dekongestant vositani uzoq muddat qo‘llash preparatning ta’sirini susaytirishi mumkin. Ushbu vositani suiiste’mol qilish shilliq qavat atrofiyasiga va reaktiv gipereyemiya bilan medikamentoz rinitga olib kelishi mumkin.

Dorini qo‘llaganidan so‘ng surunkali rinitli bemorlarni alohida kuzatish zarur. Tavsiya etilgan dozadan yuqori dozalarni faqat shifokor nazorati ostida qo‘llash kerak. 
 

Homiladorlik yoki emizish davrida qo‘llash

Homiladorlik va emizish davrida preparatni alohida ehtiyotkorlik bilan qo‘llash kerak. Tavsiya etilgan dozani oshirishga yo‘l qo‘yilmaydi.

Bolalar

Rinazolin 0,025% ni 1 yoshgacha bo‘lgan bolalarga, Rinazolin 0,05% ni esa 6 yoshgacha bo‘lgan bolalarga qo‘llash mumkin emas.

Avtotransport boshqarish yoki boshqa mexanizmlar bilan ishlashda reaksiya tezligiga ta’sir qilish qobiliyati

Preparatni tavsiya etilgan dozadan yuqori dozada uzoq muddat qo‘llaganidan so‘ng yurak-qon tomir tizimiga umumiy ta’sirini istisno qilib bo‘lmaydi. Bunday hollarda transport vositasini boshqarish qobiliyati pasayishi mumkin.

Preparatni yaroqlilik muddati tugaganidan so‘ng qo‘llash mumkin emas va uni bolalar ololmaydigan joyda saqlash kerak. 

 

Jiddiy dozani oshirib yuborish yoki tasodifiy qabul qilish natijasida quyidagi simptomlar paydo bo‘lishi mumkin: midriaz, ko‘ngil aynishi, qusish, sianoz, tana haroratining oshishi, spazmlar, taxikardiya, palpitatsiya, aritmiya, yurak-qon tomir yetishmovchiligi, yurak to‘xtashi, terlashning kuchayishi, ajitatsiya, konvulsiyalar, arterial gipertenziya, o‘pka shishi, nafas olish buzilishlari, oqarish, mioz, giposmiy, psixik buzilishlar.

Bundan tashqari, markaziy asab tizimi funksiyalarining susayishi paydo bo‘lishi mumkin, bu uyquchanlik, tana haroratining pasayishi, bradikardiya, arterial gipotenziya, apnoe va koma rivojlanishi bilan namoyon bo‘ladi.

Dozani oshirib yuborishda terapevtik chora-tadbirlar: oshqozonni yuvish, faollashtirilgan ko‘mir qabul qilish, o‘pka ventilyatsiyasi. Arterial bosim pasayganda fentolamin qo‘llaniladi. Vazopressor vositalarni qabul qilish tavsiya etilmaydi. Zarur bo‘lsa, qarshi tutuvchi terapiya ko‘rsatiladi.