faol modda inozin - 20 mg; yordamchi moddalari: geksametilentetramin, natriy gidrooksid, in'ektsiya uchun suv.

O‘tkazilgan miokard infarkti, yurak ishemik kasalligi, yurak glikozidlari qo‘llanilishi bilan bog‘liq yurak ritmi buzilishlari, infeksion kasalliklardan keyingi miokardiodistrofiya kompleks davolashda. Shuningdek, jigar kasalliklarida (gepatitlar, sirroz, jigar yog‘li distrofiyasi), urokoporfiriyani davolashda ko‘rsatilgan. Bundan tashqari, riboksin izolyatsiyalangan buyrakda operatsiyalar vaqtida, operatsiya qilinayotgan organ qon aylanishi vaqtincha to‘xtatilganda farmakologik himoya vositasi sifatida qo‘llaniladi.

Riboksin anabolik dori vositalari guruhiga kiradi, metabolik jarayonlarni stimulyatsiya qiladi. Purin (nukleozid) hosilalari, adenozin trifosfat (ATF)ning oldingi bosqichi. Miokardda almashinuv jarayonlariga ijobiy ta'sir ko‘rsatadi – Krebs sikli fermentlarining bir qatorining faolligini oshiradi va energiya muvozanatini yaxshilaydi, yurak qisqarish kuchini oshiradi va diastolada miokardning to‘liqroq bo‘shashishiga yordam beradi (qo‘zg‘alish paytida sitoplazmaga kirgan kalsiy ionlarini bog‘laydi), to‘qimalarning, jumladan, koronar qon aylanishini yaxshilaydi, trombotsitlar agregatsiyasini kamaytiradi, to‘qimalar regeneratsiyasini faollashtiradi (ayniqsa, miokard va me’da-ichak yo‘llari shilliq qavati). Operatsiya vaqtida ishemiyaga uchragan buyraklarning farmakologik himoyasini oshiradi. Substrat sifatida adenil nukleotidlar sintezini stimulyatsiya qiladi.