1 ml eritmada faol moddalardan sorbitol 60,0 mg, natriy laktat (100% modda hisobida) 19,0 mg, natriy xlorid 6,0 mg, kalsiy xlorid digidrat (kalsiy xlorid hisobida) 0,1 mg, kaliy xlorid 0,3 mg, magniy xlorid geksagidrat (magniy xlorid hisobida) 0,2 mg; yordamchi modda in'ektsiya uchun suv. nazariy osmolyerlik – 891 mOsmol/l; pH 6,00-7,60; ion tarkibi 1 l preparatda Nа+ – 272,20 mmol, K+ – 4,02 mmol, Са++ – 0,90 mmol, Mg++ – 2,10 mmol, Cl- – 112,69 mmol, Lac- – 169,55 mmol.

Reosorbilakt® reologik, qarshi shok, detoksikatsion, shuningdek, ishqoriylashtiruvchi ta'sirga ega va ichak peristaltikasini stimulyatsiya qiladi. Preparatning asosiy farmakologik faol moddalari sorbitol va natriy laktat hisoblanadi. Jigar hujayralarida sorbitol avval fruktozaga aylanadi, keyinchalik fruktoza glyukozaga, undan so‘ng glikogenga aylanadi. Sorbitolning bir qismi zudlik bilan energiyaga bo‘lgan ehtiyojlar uchun ishlatiladi, boshqa qismi esa zaxira sifatida glikogen ko‘rinishida to‘planadi. Sorbitolning izotonik eritmasi dezagregatsion ta'sirga ega va shu tarzda mikrosirkulyatsiya va to‘qimalar perfuziyasini yaxshilaydi. Bikarbonat eritmasidan farqli o‘laroq, natriy laktat yordamida metabolik atsidozni korreksiya qilish uning almashinuv jarayoniga qo‘shilishi bilan sekinroq sodir bo‘ladi, pHning keskin o‘zgarishlari yuzaga kelmaydi. Natriy laktatning ta'siri yuborilgandan 20-30 daqiqa o‘tib namoyon bo‘ladi. Natriy xlorid rehidratatsion ta'sirga ega. Turli patologik holatlarda natriy va xlor ionlari yetishmovchiligini to‘ldiradi. Kalsiy xlorid kalsiy ionlari yetishmovchiligini to‘ldiradi. Kalsiy ionlari nerv impulslarini o‘tkazish, skelet va silliq mushaklarning qisqarishi, miokard faoliyati, suyak to‘qimasining shakllanishi, qonni ivitish jarayonlari uchun zarur. Hujayralar va tomir tarmog‘i o‘tkazuvchanligini pasaytiradi, yallig‘lanish reaksiyalarining rivojlanishini oldini oladi, organizmning infeksiyalarga chidamliligini oshiradi. Kaliy xlorid suv-elektrolit muvozanatini tiklaydi. Manfiy xrono- va batmotrop ta'sirga ega, yuqori dozalarda – manfiy ino-, dromotrop va o‘rtacha diuretik ta'sirga ega. Nerv impulslarini o‘tkazish jarayonida ishtirok etadi. Asetilxolin miqdorini oshiradi va vegetativ asab tizimining simpatik bo‘limini qo‘zg‘atadi. Mushak distrofiyasi, miasteniya holatlarida skelet mushaklarining qisqarishini yaxshilaydi.

Dori preparati kislota-ishqor muvozanati va qonni elektrolitlari, jigar funksional holati va arterial bosim ko‘rsatkichi nazorati ostida qo‘llaniladi. Kalkulezli xoletsistit bilan kasallangan bemorlarga ehtiyotkorlik bilan yuborish kerak. Preparat tarkibida sorbit mavjud, shuning uchun kam uchraydigan irsiy fruktoza intoleransiyasi bo‘lgan bemorlarga ushbu preparatni qo‘llash tavsiya etilmaydi. Homiladorlik yoki emizish davrida qo‘llash. Homiladorlik yoki emizish davrida qo‘llashga qarshi ko‘rsatmalar haqida ma’lumotlar yo‘q. Bolalar. Bolalarga yuborish tajribasi yetarli emas. Avtotransport yoki boshqa mexanizmlarni boshqarishda reaksiya tezligiga ta’sir qilish qobiliyati. Preparat statsionar sharoitda qo‘llanilgani sababli, bunday ta’sirlar haqida ma’lumotlar yo‘q. Preparat yaroqlilik muddati tugaganidan so‘ng qo‘llanilmasligi va bolalar uchun yetib bo‘lmaydigan joyda saqlanishi kerak.