faol modda dekstran molekulyar massasi 35000-45000 - 100 g. yordamchi modda natriy xlorid - 9 g, in'ektsiya uchun suv - 1000 ml gacha.

• travmatik, operatsion, operatsiyadan keyingi, kuyish, gemorragik, toksik shok • trombozlar, tromboflebitlar, endarteriit, Reyno kasalligi profilaktikasi va davolash; • kapillyar qon aylanishining buzilishi; • operatsiyadan oldingi davrda gemodilyutsiya uchun; • yurakda sun’iy qon aylanish apparati yordamida o‘tkaziladigan operatsiyalar (perfuzion suyuqlikka qo‘shish uchun); • transplantatlardagi tromb hosil bo‘lishining oldini olish (yurak klapanlari, tomir transplantatlari, tomir va plastik operatsiyalar); • tomir va plastik jarrohlikda mahalliy qon aylanishini yaxshilash; • kuyishlar, peritonit, pankreatit, yara-nekrotik enterokolit, oziq-ovqat toksikoinfeksiyalari, keng yiringli-nekrotik yumshoq to‘qima jarayonlari, krash-sindrom, "inklyuziya" sindromi va boshqalar uchun detoksikatsiya; • paralitik ichak tutilishi; • operatsiyadan oldingi va keyingi emboliya profilaktikasi; • olib tashlanadigan plazma hajmini almashtirish maqsadida davolovchi plazmaferez o‘tkazish; • to‘r pardasi va ko‘ruv nervi kasalliklari (yuqori darajadagi murakkab miopiya, to‘r pardasi distrofiyasi, to‘r pardasi tomir (venoz) patologiyasi, boshlang‘ich atrofiyasi); • shox parda va tomirli qobiqning yallig‘lanish jarayonlari; • mikrotsirkulyatsiya buzilishi, travmatik yoki idiopatik eshitish yo‘qolishi.

• preparat tarkibidagi har qanday komponentga yuqori sezuvchanlik; • trombotsitopeniya; • dekompensatsiyalangan yurak yetishmovchiligi; • buyrak yetishmovchiligi (oliguriya, anuriya); • o‘pka shishi; • bosh va miya jarohatlari, bosh ichki bosimining oshishi bilan; • gemorragik insult; • miya ichiga qon quyilishi; • ichki organlarning to‘xtamagan qon ketishlari; • gipergidratatsiya, gipervolemiya; • gipokoagulyatsiya; • DVS-sindrom; • giperkaliemiya; • fruktozo-1,6-difosfataza yetishmovchiligi; • qovoq terisining matsyeratsiyasi (elektroforez uchun); Ehtiyotkorlik bilan • arterial gipertenziya; • og‘ir elektrolit buzilishlari bo‘lgan bemorlar, masalan, giperkaliemiya, gipernatriemiya va giperkhloremiya; • 2 yoshgacha bo‘lgan bolalar.

Vena ichiga (v/v) tomchilab yuboriladi. Doza klinik vaziyat va bemorning holatiga qarab individual tarzda belgilanadi. Preparatni qo‘llashdan bevosita oldin teri sinamasi o‘tkaziladi, shoshilinch (favqulodda) holatlar bundan mustasno (bunday holatda mumkin bo‘lgan allergik reaksiyalarni bartaraf etish uchun barcha zarur preparatlar bo‘lishi kerak). Aseptika qoidalariga rioya qilgan holda, bilakning ichki yuzasining o‘rta uchdan bir qismiga teri ichiga 0,05 ml preparat “limon po‘sti” hosil qilgan holda yuboriladi. Reaksiya natijasini shifokor 24 soatdan so‘ng baholaydi. Inyeksiya joyida diametri 1,5 sm dan katta qizarish, papula hosil bo‘lishi yoki umumiy organizm reaksiyasi simptomlari (ko‘ngil aynishi, bosh aylanishi va boshqalar) paydo bo‘lishi bemorda preparatga gipersensitivlik borligini va ushbu preparatni ushbu bemorda qo‘llash mumkin emasligini ko‘rsatadi. Hech qanday reaksiya bo‘lmasa, bemorga teri sinamasi uchun ishlatilgan seriyadagi preparatning zarur miqdori yuboriladi. Sinama natijalari albatta kasallik tarixiga qayd etiladi. Teri sinamasi 100% bemorlarda Reopoliglyukinga sezgirlikni aniqlash imkonini bermasligini yodda tutish kerak. Reopoliglyukinni zudlik bilan yuborish zarur bo‘lsa, birinchi 10 tomchi preparat sekin yuborilgandan so‘ng 3 daqiqa tanaffus qilinadi, so‘ngra yana 30 tomchi yuboriladi va yana 3 daqiqa to‘xtatiladi. Reaksiya bo‘lmasa, preparat yuborilishi davom ettiriladi. Dastlabki 10-20 daqiqa preparat sekin yuboriladi, bemor holati kuzatiladi. Kapillyar qon aylanishi buzilishlarini oldini olish va davolash maqsadida (shokning turli shakllari) kattalarga v/v tomchilab 500 ml/kun (kamida 30-60 daqiqa davomida) odatda 1 marta kuniga yuboriladi. Zarurat tug‘ilganda preparat miqdori 1000 ml gacha oshirilishi mumkin. Yurak-qon tomir va plastik operatsiyalarda kattalarga operatsiyadan oldin v/v tomchilab 10 ml/kg, operatsiya vaqtida – 500 ml va operatsiyadan keyin 5-6 kun davomida – 10 ml/kg yuboriladi. Sun’iy qon aylanishi bilan operatsiyalarda Reopoliglyukin qon tarkibiga tana vazniga nisbatan 10–20 ml/kg hisobida oksigenator nasosini to‘ldirish uchun qo‘shiladi. Perfuzion eritmada reopoliglyukin konsentratsiyasi 3% dan oshmasligi kerak. Operatsiyadan keyingi davrda preparat shok holatlarini davolashdagi dozada qo‘llaniladi. Dextoksikatsiya maqsadida kattalarga v/v tomchilab bir martalik doza 500 dan 1000 ml gacha 60-90 daqiqa davomida yuboriladi. Zarurat bo‘lsa, birinchi sutkada yana 500 ml preparat quyish mumkin. Keyingi kunlarda preparat tomchilab, sutkalik doza 500 ml miqdorida yuboriladi. Oftalmologik amaliyotda elektroforez yo‘li bilan qo‘llaniladi. 8-10 ml (musbat va manfiy qutbdan; tok zichligi 1,5 mA/sm2 gacha) yuboriladi. Muolaja davomiyligi – 15-20 daqiqa, har kuni. Davolash kursi 5-10 muolajadan iborat. Bolalar. Bolalarda umumiy doza 15 ml/kg/sutkadan oshmasligi kerak. Bolalarda shokning turli shakllarida 5-10 ml/kg hisobida yuboriladi, zarurat bo‘lsa doza 15 ml/kg gacha oshirilishi mumkin. Gematokrit darajasini 25% dan pastga tushirish tavsiya etilmaydi. Yurak-qon tomir va plastik operatsiyalarda bolalarga v/v tomchilab, jarrohlik aralashuvidan bevosita oldin, 30-60 daqiqa davomida 10 ml/kg dozada, operatsiya vaqtida – 15 ml/kg dozada yuboriladi. Operatsiyadan keyin preparat v/v tomchilab (60 daqiqa davomida) 5-6 kun davomida quyidagi hisobda yuboriladi: • 2-3 yoshgacha bo‘lgan bolalarga – 10 ml/kg kuniga bir marta, • 8 yoshgacha bo‘lgan bolalarga – 7-10 ml/kg kuniga 1-2 marta, • 8 dan 13 yoshgacha bo‘lgan bolalarga – 5-7 ml/kg kuniga 1-2 marta, • 14 yoshdan katta bolalar uchun dozalar kattalarnikiga teng. Dextoksikatsiya maqsadida bolalarga v/v tomchilab bir martalik doza 5–10 ml/kg, 60-90 daqiqa davomida yuboriladi. Zarurat bo‘lsa, birinchi sutkada yana shu dozada (5-10 ml/kg) takroran quyish mumkin. Keyingi kunlarda preparat tomchilab, sutkalik doza 5-10 ml/kg miqdorida yuboriladi. Reopoliglyukinni 18 yoshgacha bo‘lgan bolalar va o‘smirlarda qo‘llash xavfsizligi va samaradorligi bo‘yicha ma’lumotlar yo‘q, shuning uchun faqat kutilayotgan foyda potentsial xavfdan ustun bo‘lgan hollardagina buyurish kerak.

Allergik reaksiyalar teri qizarishi, qichishish, teri toshmalari, angionevrotik shish (Kvinke shishi), anafilaktik shok, issiqlik hissi, isitma. Yurak va qon tomirlar tomonidan arterial bosimning o‘zgarishi, taxikardiya, nafas qisishi, shishlar. Markaziy va periferik asab tizimi tomonidan bosh aylanishi, bosh og‘rig‘i. Ovqat hazm qilish tizimi tomonidan ko‘ngil aynishi, qusish, og‘iz qurishi, qorin og‘rig‘i. Siydik chiqarish tizimi tomonidan, odatda, ayniqsa gipovolemiya bo‘lsa, preparat diurezning oshishiga olib keladi. Biroq, ba’zan Reopoliglyukin qo‘llanganda diurez kamayishi, siydik quyuqlashishi kuzatiladi, bu bemor organizmining degidratatsiyasini ko‘rsatadi. Bunday holatda plazmaning osmotikligini tiklash va saqlash uchun kristalloid eritmalarni tomir ichiga yuborish zarur. Preparat 15 ml/kg dan ko‘proq miqdorda qo‘llanganda giperosmolyarlik yuzaga keladi, bu esa kanalchalar kuyishiga va keyinchalik o‘tkir buyrak yetishmovchiligining rivojlanishiga sabab bo‘lishi mumkin, bu diurezning kamayishi, quyuq siydik ajralishi bilan namoyon bo‘ladi. Qon tizimi gipokoagulyatsiya, qon ketish. Preparat qon guruhini aniqlashni qiyinlashtiradi. Boshqalar umumiy holsizlik, oyoq-qo‘llarda shish, bel sohasida og‘riq. Eslatma: nojo‘ya reaksiyalar yuzaga kelganda (klinik vaziyatga qarab) preparat yuborilishini darhol to‘xtatish va ignani tomirdan chiqarmasdan, transfuziya reaksiyasini bartaraf etish uchun tegishli ko‘rsatmalarda nazarda tutilgan barcha shoshilinch choralarni ko‘rish zarur – yurak-qon tomir preparatlari, kortikosteroidlar, antigistamin vositalar, kalsiy preparatlari (masalan, 10% kalsiy xlorid eritmasi), nafas olish analepatiklari, kristalloid eritmalar va boshqalar, kollapsda – vazopressorlar va kardiotoniklar yuborish.