1 ml eritma quyidagilarni o‘z ichiga oladi:
Faol moddalari: sorbitol 60,0 mg, natriy laktat (100 % modda hisobida) 19,0 mg, natriy xlorid 6,0 mg, kalsiy xlorid digidrat (kalsiy xlorid hisobida) 0,1 mg, kaliy xlorid 0,3 mg, magniy xlorid geksagidrat (magniy xlorid hisobida) 0,2 mg;
yordamchi modda: in'ektsiya uchun suv.
nazariy osmolyerlik - 891 mOsmol/l; pH 6,00-7,60;
ion tarkibi: 1 l preparatda Na+ _ 272,20 mmol, K+ _ 4,02 mmol, Ca++ - 0,90 mmol, Mg++ - 2,10 mmol, Cl- - 112,69 mmol, Lac- - 169,55 mmol.

Reosorbilakt reologik, qarshi shok (antishok), detoksikatsion, shuningdek, ishqoriylashtiruvchi ta’sirga ega va ichak peristaltikasini stimulyatsiya qiladi. Preparatning asosiy farmakologik faol moddalari sorbitol va natriy laktat hisoblanadi. Jigarida sorbitol avval fruktozaga aylanadi, keyinchalik glyukozaga, so‘ngra glikogenga aylanadi. Sorbitolning bir qismi zudlik bilan energiya ehtiyojlari uchun ishlatiladi, boshqa qismi esa zaxira sifatida glikogen ko‘rinishida to‘planadi. Sorbitolning izotonik eritmasi dezagregant ta’sirga ega va shu tarzda mikrosirkulyatsiya va to‘qimalar perfuziyasini yaxshilaydi.
Bikarbonat eritmasidan farqli o‘laroq, metabolik atsidozni natriy laktat yordamida korreksiya qilish uning almashinuv jarayoniga qo‘shilishi bilan sekinroq sodir bo‘ladi, pHning keskin o‘zgarishlari yuzaga kelmaydi, natriy laktatning ta’siri yuborilgandan 20-30 daqiqa o‘tib namoyon bo‘ladi.
Natriy xlorid rehidratatsion ta’sirga ega, turli patologik holatlarda natriy va xlor ionlari yetishmovchiligini to‘ldiradi, kalsiy xlorid esa kalsiy ionlari yetishmovchiligini to‘ldiradi. Kalsiy ionlari nerv impulslarini o‘tkazish, skelet va silliq mushaklarning qisqarishi, miokard faoliyati, suyak to‘qimasining shakllanishi, qon ivish jarayonlari uchun zarur.
Hujayra va tomir tarmog‘i o‘tkazuvchanligini pasaytiradi, yallig‘lanish reaksiyalarining rivojlanishini oldini oladi, organizmning infeksiyalarga chidamliligini oshiradi.
Kalsiy xlorid suv-elektrolit muvozanatini tiklaydi. Manfiy xrono- va batmotrop ta’sirga ega, yuqori dozalarda manfiy ino-, lromotrop va o‘rtacha diuretik ta’sir ko‘rsatadi. Nerv impulslarini o‘tkazish jarayonida ishtirok etadi. Asetilxolin miqdorini oshiradi va vegetativ asab tizimining simpatik bo‘limini qo‘zg‘atadi. Mushak distrofiyasi, miasteniya holatlarida skelet mushaklarining qisqarishini yaxshilaydi.