Har 5 ml tarkibida Faol modda Levodropropizin B.F 30 mg; Yordamchi moddalari natriy saxarin 5,0 mg, saxaroza 1250,0 mg, natriy karmeloza 25,0 mg, natriy metil gidroksibenzoat 6,5 mg, natriy propil gidroksibenzoat 1,0 mg, limon kislotasi monogidrat 20,0 mg, bo'yoq Ponso 4R supra 0,5 mg, oranj svit №1 0,005 ml, mevali aralashma ta'mli aromatizator 0,005 ml, tozalangan suv q.s. 5,0 ml gacha.

Quruq, nam bo'lmagan yo'tal faringit, laringit, o'tkir traxeit va traxeobronxit, gripp, bronxopnevmoniya, surunkali obstruktiv bronxit, bronxial astma, o'pka emfizemasi, o'pka o'smalari, nafas yo'llarining allergik va infeksion-yallig'lanish kasalliklarida (simptomatik davolash).

- bemorda ushbu vositaga nisbatan ma'lum yoki ehtimoliy yuqori sezuvchanlik mavjudligi; - balg'amning haddan tashqari ko'p ajralishi; - mukotsiliyar funksiyaning pasayishi (Kartagener sindromi, siliyar diskiniziya); - jigar funksiyasining og'ir buzilishlari; - homiladorlik va laktatsiya davrlari.

Kattalar va 12 yoshdan katta bolalar 10 ml sirop (bitta to'liq o'lchovli qopqoq) kuniga uch marta, dozalash oralig'i kamida 6 soat. 12 yoshgacha bo'lgan bolalar uchun pediatrik doza 1 mg/kg kuniga uch martagacha, maksimal kunlik doza 3 mg/kg. Yosh Og'irlik (kg) Doza (mg/ml) Bir martalik sirop miqdori 1 yil 9-10 kg 9-10mg/1,5-1,6ml 1/3 choy qoshiq 2-3 yil 11-15 kg 11-15mg/2-2,5ml ½ choy qoshiq 4-6 yil 16-20 kg 16-20mg/2,5-3,0ml ½ choy qoshiq 7-12 yil 21-32 kg 21-32mg/3,5-5,0ml 1 choy qoshiq Davolash davomiyligi davolash yo'tal yo'qolguncha davom ettiriladi, maksimal 7 kun. Biroq, agar 4-5 kun ichida yo'tal to'xtamasa, sababini aniqlash va mos davolashni davom ettirish uchun shifokorga murojaat qilish kerak.

Ko'ngil aynishi, qusish, qizilo'ngachda achishish, oshqozonda noqulaylik hissi, diareya, charchoq, uyquchanlik, bosh aylanishi, bosh og'rig'i, yurak urishining tezlashishi mumkin. Allergik reaksiyalar terida toshma ayrim hollarda kuzatilgan.

Levodropropizin (S(-)3-(4-fenil-piperazin-1-il)-propane-1,2-diol, DF 526), dропропизин izomeri hisoblanadi. Levodropropizin beta-adrenoreseptorlar, muskarin va opiat retseptorlari bilan bog'lanmaydi, biroq H1-gistamin va alfa-adrenoreseptorlarga affinitetga ega. Levodropropizin markaziy asab tizimiga kamroq ta'sir ko'rsatadi, yurak-qon tomir va nafas olish funksiyalariga ta'sir qilmaydi va qaramlik chaqirmaydi. Sedativ ta'siri juda kuchsiz. Levodropropizin yo'talni sezgir nervlarning periferik uchlarini stimulyatsiyasini tormozlash va yo'tal refleksida ishtirok etuvchi neyropeptidlarni modulyatsiya qilish orqali bostiradi. Shu bilan birga, spirometrik ko'rsatkichlar, bronxial sekretsiyaning reologik xususiyatlari va siliyar faolligini o'zgartirmaydi.

Og'ir buyrak yetishmovchiligi bo'lgan bemorlarda (kreatinin klirensi 35 ml/min dan past) davolash xavf/foyda nisbatini baholagandan so'ng ehtiyotkorlik bilan o'tkaziladi. Qandli diabet bilan kasallangan bemorlar sirrop tarkibida 3,5 g saxaroza borligini inobatga olishlari kerak. Avtomobil va murakkab mexanizmlarni boshqarish qobiliyatiga ta'siri Sirropni transport vositalari haydovchilari ish vaqtida ehtiyotkorlik bilan qo'llash kerak (uyquchanlik paydo bo'lishi mumkin). Preparatni yaroqlilik muddati tugagandan so'ng qo'llash mumkin emas va bolalar uchun yaroqsiz joyda saqlash kerak.