15 ml spreydagi tarkib: Faol moddalari: neomitsin sulfat 1 g, bu 650 000 ME ga mos keladi; polimiksin V sulfat 1 000 000 ME; deksametazon natriy metasulfo-benzoat 0,025 g; fenilefrin gidroxlorid 0,250 g; Yordamchi moddalari: metilparaben, litiy xlorid, limon kislotasi, litiy gidroksid, makrogol 400, polisorbat 80, toza suv q.s. 100 ml gacha

Burun bo‘shlig‘i, halqum, burun yondosh bo‘shliqlari yallig‘lanish va infeksion kasalliklari: o‘tkir va surunkali rinit; o‘tkir va surunkali rinofaringit; sinusitlar.

Yopiq burchakli glaukoma gumoni; MAO ingibitorlari bilan bir vaqtda qo‘llash; albuminuriya bilan kechuvchi buyrak kasalliklari; homiladorlik; laktatsiya (ko‘krak suti bilan emizish); 2,5 yoshgacha bo‘lgan bolalar yoshi; preparat komponentlariga yuqori sezuvchanlik.

Kattalarga har kuni har bir burun teshigiga 3-5 marta 1 ta purkash tayinlanadi, 5-10 kun davomida. 2.5 yoshdan 15 yoshgacha bo'lgan bolalarga har bir burun teshigiga 3 marta 1 ta purkash tayinlanadi, 5-10 kun davomida.

Allergik reaksiyalar: juda kam - teri ko'rinishlari.

Otorinolaringologiyada mahalliy qo'llash uchun kombinatsiyalangan preparat. Polideksa fenilefrin bilan preparatining terapevtik ta'siri burun shilliq qavatiga deksametazonning yallig'lanishga qarshi ta'siri, fenilefrinning tomirlarni toraytiruvchi ta'siri va antibiotiklar neomitsin va polimiksin B ning antibakterial ta'siri bilan bog'liq. Ko'rsatilgan antibiotiklar birgalikda qo'llanilganda, burun bo'shlig'i va yondosh bo'shliqlarning infeksion-yallig'lanish kasalliklarini keltirib chiqaruvchi ko'pchilik gram-musbat va gram-manfiy mikroorganizmlarga nisbatan antibakterial ta'sir doirasi kengayadi.

Dori vositalarining o‘zaro ta’siri fenilefrin tarkibiga bog‘liq. Bir vaqtda guanetidin va ushbu guruh preparatlari qo‘llanilganda fenilefrinning gipertenziyalik ta’siri kuchayadi va guanetidin tomonidan simpatik tonusning pasayishi natijasida uzoq davom etuvchi midriaz yuzaga kelishi mumkin. Agar bunday kombinatsiyadan qochib bo‘lmasa, shifokor nazorati zarur.

Sistemali qon aylanishiga past darajada so‘rilishi sababli dozani oshirib yuborish ehtimoli kam.